उकेरा न्युज

मधेसले अस्विकार गर्‍यो नातावाद, राजेन्द्र महतोको दाइ र मन्त्रीका छोरा पराजित


काठमाडौँ : मधेस राजनीतिमा रहेको दलीय प्रभावको फाइदा लिँदै केही नेताहरूले राम्रा उम्मेदवारको साटो हाम्रा उम्मेदवारलाई टिकट दिए पनि मतदाताले अस्वीकार गरिदिए। मधेस आन्दोलनको एकल जस लिने लोकतान्त्रिक समाजवादी पार्टी  अनि जनता समाजवादी पार्टीका केही नेताले आफ्नै नातेदारलाई टिकट दिलाएका थिए। तर ती हारे। अन्य मत गणनामा निकै पछाडि छन्।

सप्तरीको हनुमानगर नगरपालिकामा जनता समाजवादी पार्टीले टिकटका आकाङ्क्षी वीरेन्द्र माझीलाई पार्टीले पत्याएन। टिकट दिने बेलामा मधेस प्रदेशका सामाजिक

एमाले सचिव तथा पूर्वमन्त्री पद्मा अर्यालका श्रीमान् लक्ष्मीपति पौडेल स्याङ्जाको वालिङ नगरपालिका–१ मा वडा सदस्यमा उठेका थिए। तर पराजित भए। श्रीमतीकै आडमा उनले वडा सदस्यको टिकट पाएका थिए। वडा १ मा १८३४ मत खसेकोमा ६ सय ४५ मत पाएर पराजित भएका थिए। 

 

काठमाडौँ महानगरपालिकामा मेयरको उम्मेदवार बनेकी नेपाली कांग्रेसका नेता प्रकाशमान सिंहकी श्रीमती सिर्जना सिंह तेस्रो भइरहेकी छिन्। महानगरमा स्वतन्त्र उम्मेदवार बालेन साहले अग्रता लिइरहेका छन्।

घर चलाएको अनुभवले महानगर चलाउँछु भन्दै पाँच दलिय गठबन्धनबाट उम्मेदवार बनेकी उनको मत हेर्दा तेस्रोमै चित्त बुझाउनुपर्ने देखिन्छ।

उता पाँच दलीय गठबन्धनको बलमा आफ्नो छोरालाई विराटनगर महानगरपालिकाको उपमेयर बनाउन उम्मेदवार बनाए जसपाका अध्यक्ष उपेन्द्र यादवले। छोरो अमरेन्द्र यादव प्रतिस्पर्धीभन्दा ६ हजार बढी बढी मतले पछाडि छन्।

मधेस प्रदेशका मुख्यमन्त्री लालबाबु राउतले आफ्नै श्रीमती जलेखा खातुनलाई जगरनाथपुर गाउँपालिकाको उपाध्यक्षको उम्मेदवार बनाए। उनी दोस्रो नम्बरमा छिन्। भरतपुर महानगरपालिकाको मेयरको उम्मेदवार बनेकी माओवादी केन्द्रका अध्यक्ष पुष्पकमल दाहाल प्रचण्डकी छोरी रेनु दाहालले अग्रता लिइरहेकी छिन्। तर जित पक्का भइसकेको छैन।

दैलेखकै ठाटीकाँध गाउँपालिकामा एमाले प्रदेश कमिटी अध्यक्ष विनोद शाहले श्रीमती लक्ष्मीदेवी शाहलाई अध्यक्षको उम्मेदवार बनाए। उनी दोस्रो नम्बरमा छिन्। दैलेखको नारायण नगरपालिका प्रमुखमा नेपाली काँग्रेसबाट पार्टी उपसभापति पूर्णबहादुर खड्काकी साली निर्मला खड्काले टिकट पाइन्। उनी पनि दोस्रोमा छिन्।

कांग्रेसबाट कर्णाली प्रदेशका आन्तरिक मामिला तथा कानुनमन्त्री हिमबहादुर शाहीका छोरा गणेश कुमार शाही चामुन्डा बिन्द्रासैनी नगरप्रमुखको उम्मेदवार बने। उनी करिव सय मतले अगाडि छन्। 

यो खबर पढेर तपाईलाई कस्तो महसुस भयो ?

सम्बन्धित समाचार

फेसबुकमा 'धन्यवाद पोस्ट' हाल्न बैठकमा ढिलो आइन् झाँक्री

आज उनको पार्टी एकीकृत समाजवादीको पहिलो केन्द्रीय परिषद् बैठक छ। बैठक भोलिसम्म चल्नेछ। बैठकमा उनी भर्खरै देखिएकी छिन्। उनी आउन त आइन् तर ढिलो। फेसबुकमा....

एमाले व्यक्तिवादी र निरङ्कुश पार्टी भएको माधव नेपालको आरोप

'एमाले दक्षिणपन्थी बाटोमा भासियो। व्यक्तिवाद, अहंकार देखियो। त्यो अहंकार निरङ्कुश देखियो', उनले भने। ओलीप्रति लक्षित गर्दै नेपालले एमालेलाई पेवाको रूपमा चलाउन थालिएको पनि बताए। उनले सत्तामा एकछत्र....

पहिलो केन्द्रीय परिषद् बैठकमा कतै देखिएनन् समाजवादीका मन्त्री पद खोसिएकाहरू

तर बैठकमा कतै पनि विरोध खतिवडा, प्रेम आले, रामकुमारी झाँक्री र कृष्णकुमार श्रेष्ठ देखिएका छैनन्। उनीहरूलाई हिजो मात्र पार्टीले मन्त्री पदबाट फिर्ता बोलाएको थियो। एकैसाथ....

शपथ ग्रहण सकेर मन्त्रालय गए नवनियुक्त मन्त्रीहरू

यस्तै प्रधानमन्त्री शेरबहादुर देउवाले राज्यमन्त्रीलाई शपथ गराएका छन्। स्वास्थ्य तथा जनसङ्ख्या मन्त्रालयका राज्यमन्त्री बनेका हिराचन्द्र केसीलाई देउवाले शपथ गराएका हुन्। नवनियुक्त मन्त्रीहरूमा जीवनराम श्रेष्ठ संस्कृति पर्यटन तथा नागरिक....

'हाम्रोमा पनि मान्छे छन्' भन्ने देखाउन समाजवादीको केन्द्रीय परिषद् बैठक

पार्टीको पहिलो केन्द्रीय परिषद् बैठकमा पार्टीका महासचिव बेदुराम भुसालले राजनीतिक प्रतिवेदन पेश गर्नेछन्। बैठकमा पार्टीको सांगठनिक गतिविधि, निर्वाचनको समीक्षा तथा तयारी लगायतका अजेण्डामा बैठकमा छलफल....