उकेरा प्रदेश

यस्तो देखियो माडि नगरपालिकाको अवस्था


चितवन : मौन अवधिको समयमा माओवादी केन्द्रका अध्यक्ष पुष्पकमल दाहाल प्रचण्ड माडी नगरपालिका पुग्दा त्यो राष्ट्रिय चासोको विषय बन्यो। प्रधानमन्त्री बनिसकेका नेताले निर्वाचन आयोगको संहिता नाघेर गरेको गतिविधिका कारण प्रदेश प्रहरी प्रमुख, प्रमुख जिल्ला अधिकारी अनि जिल्लाको एसपी समेत आयोगको नजरमा परे।

आयोगले प्रचण्डसँगै चारै जनालाई स्पष्टीकरण सोध्यो। गठबन्धनबाट उम्मेदवार बनेका  प्रचण्डको दाउ ऋषि राम काफ्लेको पक्षमा माहौल बनाउने देखिएको थियो जो उनकै पार्टीबाट मेयरको उम्मेदवार बनेका थिए।

तर प्रारम्भिक मतको रुझान हेर्दा उनको संहिता उलघंनको गतिविधि भारी परेझैँ देखिन्छ। अहिले एमाले र राप्रपाको गठबन्धनबाट मेयरको उम्मेदवार बनेका ताराकुमारी काजी महतोले लिड गरिरहेकी छिन्। गठबन्धनको उम्मेदवारले पच्छ्याइरहेका छन्।

वडा नम्बर ८ का वडाध्यक्षका उम्मेदवार कृष्णराज अधिकारीका अनुसार उपमेयरमा पनि कांग्रेसका उम्मेदवारभन्दा राप्रपाका उम्मेदवार मदनप्रसाद पौडेल अगाडि छन्।

'हामीले नगरपालिकामा राप्रपासँग तालमेल गरे पनि वडामा भने स्वस्थ प्रतिस्पर्धा गरेका छौँ,' एमालेबाट उम्मेदवार बनेका उनले भने' अहिले वडा एकको मत गनिएको छ। मत गन्ने क्रम बढेसँगै हाम्रो अग्रता नि बढ्छ।'

अधिकारी २०७४ को निर्वाचनमा समेत वडाध्यक्षमा निर्वाचित भएका थिए। आफ्नो कार्यकालको कामका कारण मतदाताले आफूलाई समेत विजयी बनाउने उनको विश्वास देखियो।

उनको वडामा कांग्रेसबाट मुक्तिनाथ न्यौपाने र राप्रपाबाट वीरेन्द्रबहादुर भण्डारी उम्मेदवार छन्। कांग्रेसलाई सघाउन माओवादीले भने उम्मेदवारी दिएन।

अहिले वडा १ बाट मत गन्न सुरु भए पनि सर्वदलीय बैठकमा अगाडिको र पुछारको वडाको मत गन्ने सहमति भएकाले आइतबारसम्ममा आफ्नो वडाको नतिजा आउने उनले बताए।

यो खबर पढेर तपाईलाई कस्तो महसुस भयो ?

सम्बन्धित समाचार

सोमबार रातीदेखि अवरुद्ध रुपन्देहीको तिलोत्तमा मतगणना सुरु 

निर्वाचन अधिकृतको कार्यालयमा बुधबार बसेको बैठकले बुधबार साँझदेखि नै मतगणना सुचारु गर्ने गरी सहमति गरेको हो। सहमति अनुसार गणना हुँदै गरेको वडा नं.२ र १६....

एमालेकै मत रेनुलाई जान थालेपछि झस्किए एमाले नेता, रेनुको मतान्तर बढेको बढ्यै

प्रारम्भमा कांग्रेसका बागी उम्मेदवार जगन्नाथ पौडेलले रेनुलाई जान सक्ने मत राम्रैसँग रोके पनि वडा नम्बर ५ पछि भने त्यो सङ्ख्या घटेको मात्रै हैन कि वडाका....

लुम्बिनी प्रदेशका ६९ स्थानीय तहको नतिजा सार्वजनिकः कुन पार्टीले कति पालिका जिते? 

नेपाली कांग्रेसले अहिले सम्म ३१ पालिकामा विजयी भएको छ। माओवादी २१ पालिकामा विजयी हुँदा एमाले जम्मा १५ पालिकामा विजयी भएको छ। २ पालिकामा जनमोर्चाले विजय....

रुपन्देहीको देवदहमा एमाले विजयी

देवदह नगरपालिकाको नगर प्रमुखमा ध्रुव खरेल र उपप्रमुखमा विद्यालक्ष्मी गुरूङ निर्वाचित भएका हुन्। खरेलले कांग्रेसका निवर्तमान मेयरसमेत रहेका गठबन्धनका उम्मेदवार हीराबहादुर खत्रीलाई पराजित गरेका हुन्।....

बुटवलमा बम विस्फोट गराउने तीन जना पक्राउ

प्रहरीले घटनाका मुख्य योजनाकार अर्घाखाँची मालारानी गाउँपालिका वडा नंं ९ का २७ बर्षिय सुरेश खनाल, इलाम सूर्योदय गाउँपालिका फणिन्द्र गरतौला र कुमार श्रेष्ठलाई पक्राउ गरिएको....