अर्थतन्त्र

दक्षिण कोरियामा रोजगारी : ५ हजार ४ सय कोटा निर्धारण 

उकेरा संवाददाता


काठमाडौँ : दक्षिण कोरियाले सन् २०२१ मा पाँच हजार ४ सय जना नेपाली कामदारको भाषा परीक्षा उर्तीण गर्ने संख्या तोकेको छ। कोरियाको मानव संशोधन विभाग (एचआरडी) ले नेपाल कामदार आफ्नो देश लैजान भाषा परीक्षा उर्तीण गर्नेको संख्या तोकेको हो। 

यो संख्या लैजाने भन्दा पनि भाषा र सीप परीक्षा उर्तीणका लागि निर्धारण गरेको वैदेशिक रोजगार विभागअन्तर्गतको रोजगार अनुमति प्रणाली (ईपीएस) शाखाले जनाएको छ। एचआरडीले यो पटक संख्या पठाउँदा कोटा नभनेर परीक्षा उत्तीर्ण गर्ने भनेकोले यी मध्ये कति जान पाउँछन् अहिलेसम्म टुङ्गो नभएको ईपीएस शाखाका निर्देशक इन्द्र गौतमले जानकारी दिए।

सन् २०२१ को जुलाईसम्म १ हजार ६८ जना नेपाली कामदार लैजाने भने पनि त्यसकै टुङ्गो नभएको गौतमले बताए। ‘पुरा वर्षका लागि कोटा तोकेको छैन,’उनले उकेरासँग भने,‘जुलाईसम्म १ हजार ६८ जना लैजाने कोटा तोके पनि अहिलेसम्म टुङ्गो छैन।’ 

दक्षिण कोरियाले नेपालबाट सन् २००८ देखि कोरियन भाषा परीक्षा उत्तीर्ण गरेकालाई ईपीएसमार्फत लान थालेको हो। कोरिया सरकारले विदेशी श्रमिक आपूर्ति गर्दै आएका देशमा कोरोना भाइरसका कारण सन् २०२० मा कोरियन भाषा परीक्षा सञ्चालन गरेन। यो वर्ष पनि कोरियन भाषा परीक्षाका विषय अहिलेसम्म टुङ्गो नलागेको ईपीएस शाखाका निर्देशक गौतमले जानकारी दिए। 

ईपीएसमार्फत रोजगारीका लागि गएका ४५ हजारभन्दा धेरै नेपाली युवा मध्ये हालसम्म ४० हजार युवा दक्षिण कोरियामा कार्यरत रहेको ईपीएस शाखाले जनाएको छ।

यो खबर पढेर तपाईलाई कस्तो महसुस भयो ?

सम्बन्धित समाचार

सुनको भाउ तोलामा ११ सय रुपैयाँले बढ्यो

हिजो छापावाल सुनको भाउ तोलाको ९० हजार ६ सय रुपैयाँ कायम भएको थियो। यस्तै तेजाबी सुनको भाउ तोलाको ९१ हजार २ सय रुपैयाँ कायम भएको....

सुनको भाउ ३ सय रुपैयाँले घट्यो

हिजो छापावाल सुनको भाउ तोलाको ९० हजार ६ सय रुपैयाँमा कारोबार भएको थियो। तेजाबी सुनको भाउ तोलाको ८९ हजार ८ सय रुपैयाँ कायम भएको छ।....

सरकारलाई समयमा कर तिर्न सक्दैनौ : उद्योगी व्यवसायी 

महासङ्घले आज सरकारको सम्बन्धित निकायमा पत्राचार गरेर मूल्य अभिवृद्धि कर तथा अन्तःशुल्क, आय करको अग्रिम कर कट्टी लगायतका करहरूको विवरण बुझाउने म्याद र कर रकम....

सुनको भाउ ४ सय रुपैयाँले बढ्यो

आज तोलामा ४ सय रुपैयाँले बढेर ९० हजार ४ सय रुपैयाँ कायम भएको नेपाल सुनचाँदी व्यवसायी महासङ्घले जनाएको छ।  यस्तै तेजाबी सुनको भाउ तोलाको ८९....

नेप्से झन्डै २६ अंकले बढ्यो

नेप्से २५.८२ अंकले बढेको हो। होटेल र पर्यटन बाहेक अधिकांश कम्पनीका सेयर मूल्य बढेको छ। २१७ कम्पनीका ९८ लाख १८ हजार कित्ता सेयर किनबेच हुँदा ४....