उकेरा अपडेट

एमाले कर्णाली प्रदेश संसदीय दलको बैठक : नयाँ सरकार गठनका लागि अन्य दलसँग वार्ता गर्ने

उकेरा संवाददाता


सुर्खेत : नेपाल कम्युनिस्ट पार्टी एमाले कर्णाली प्रदेश संसदीय दलको बैठकले नयाँ सरकार गठनका लागि अन्य दलसँग वार्ता र परामर्श गर्ने निर्णय गरेको छ।

संसदीय दलका नेता यामलाल कँडेलको अध्यक्षतामा आज (मंगलबार) बसेको बैठकले नयाँ सरकार गठनका लागि प्रदेशसभामा रहेका अन्य दलसँग वार्ता र परामर्श गर्न दलका नेता कंँडेललाई जिम्मेवारी दिने निर्णय गरेको प्रमुख सचेतक गुलाबजंग शाहले जानकारी दिए।  

बैठकले प्रमुख सचेतक शाहको संयोजकत्वमा गठित पार्टीको विधान संशोधन कार्यदलले तयार पारेको मस्यौदालाई पारित गर्न पार्टी कमिटीसमक्ष पठाउने निर्णय गरी संसदीय दलबाट पास गरेको छ। यस्तै, पार्टीको निर्णयलाई मानेर सरकारबाट बाहिरिएका तीनैजना मन्त्रीलाई धन्यवाद दिइएको छ। 

नेकपा माओवादी केन्द्रको संसदीय दलका नेता महेन्द्रबहादुर शाही नेतृत्वको सरकारमा रहेका एमालेका तीनजनै मन्त्रीले आज राजीनामा दिएपछि एमालेले नयाँ सरकार गठनको तयारी थालेको हो। 

सभामुखसहित २० जना सांसद् रहेकाे प्रदेशसभामा एमाले ठूलो दल हो। 

सरकारमा आर्थिक मामिला तथा योजनामन्त्री प्रकाश ज्वाला, सामाजिक विकासमन्त्री दल रावल र उद्योग, पर्यटन, वन तथा वातावरण मन्त्री नन्दसिंह बुढाले आज राजीनामा दिएका थिए।

अब कर्णाली प्रदेश सरकारमा मुख्यमन्त्री र माओवादी केन्द्रका दुई मन्त्री छन्। 

यही चैत ४ गतेको कर्णाली प्रदेशसभा संसदीय दलको बैठककाे निर्णय अनुसार एमालेबाट सरकारमा सहभागी भएका तीनजना मन्त्रीले मंगलबार सामूहिक राजीनामा दिएका छन्। उक्त बैठकले सरकारलाई दिएकाे समर्थन फिर्ता लिने र सरकारमा गएका मन्त्रीलाई फिर्ता बोलाउने निर्णय गरेको थियो। 

२०७४ फागुन ३ गते तत्कालीन एमालेले माओवादी केन्द्रलाई प्रदेश सरकार गठनका लागि समर्थन गरेको थियो। फागुन ६ गते सरकारमा मन्त्री गएका थिए। 

एमालेले माओवादी केन्द्रलाई दिएको समर्थन फिर्ता लिएसँगै मुख्यमन्त्री शाहीले आगामी वैशाख ५ गतेभित्र प्रदेशसभाबाट विश्वासको मत लिनुपर्ने बाध्यता छ। 

प्रदेश प्रमुखको कार्यालयले तोकिएको अवधिमै विश्वासको मत लिन मुख्यमन्त्रीलाई ध्यानाकर्षण गराइसकेको छ। प्रदेशसभामा माओवादी केन्द्रका १२ (एकजना निलम्बित), नेपाली कांसका ६ र राप्रपाका १ जना प्रदेशसभा सदस्य छन्। 

यो खबर पढेर तपाईलाई कस्तो महसुस भयो ?

सम्बन्धित समाचार

कृष्णप्रसाद हत्या अभियोग लागेका सबैलाई सफाइ दिने चितवनको फैसला सदर 

घटनाका प्रतिवादी गोरखा फुजेलका सीता अधिकारी, छविलाल पौडेल, रामप्रसाद अधिकारी, अजीव भनिने परशुराम पौडेल, हिमलाल अधिकारी, मेघनाथ पौडेल, विष्णु तिवारी, कालीप्रसाद अधिकारी, भीमसेन भनिने भीष्मराज....

शिवपुरी नागार्जुन जंगलमा लागेको डढेलो नियन्त्रणमा 

आगो नियन्त्रण लिन सिम्रिक एयरलाइन्सको हेलिकोप्टरले पानी हालेको प्रहरीले बताएको छ। यसै गरी तीन वटा दमकल पनि आगो निभाउन प्रयोग गरिएको थियो। सिम्रिक एअरको हेलिकप्टरले....

सैनिक मञ्च टुँडिखेलमा घोडेजात्रा पर्व मनाइयो

नेपाली सेनाले हरेक वर्ष जस्तै यो वर्ष पनि टुँडिखेलस्थित सैनिक मञ्चमा घोडेजात्रा पर्व मनाएको हो। पर्वका अवसरमा राइड पास/डगद्वारा मार्चपास, टांगन घोडा दौड/डगद्वारा बुकी लोटस, साइकल....

कोरोना सङ्क्रमणबाट विदेशमा रहेका ३ सय ४९ नेपालीको ज्यान गयो

समितिका अनुसार विश्वका ५४ देशमा रहेका नेपाली कोरोनाबाट सङ्क्रमित भए। कोरोना भाइरसका कारण अफ्रिका, युरोप, एसिया, अस्ट्रेलिया, अमेरिका लगायतमा रहेका २३ देशमा  ३ सय ४९....

बर्दियामा हात्तीको आक्रमणबाट एक महिलाको मृत्यु

जङ्गल छेउको बारीमा बाख्रा चराउन गएकी गेरुवा गाउँपालिका भटेरा बस्ने भुन्टी बोहराको हात्तीको आक्रमणबाट मृत्यु भएको जिल्ला प्रहरी कार्यालय बर्दियाले जनाएको छ। बोहराको लासलाई घटनास्थलबाट....