स्याङ्जा- २: धनराज गुरुङभन्दा ११ मतले पद्मा अर्याल अगाडि
१ वर्ष अघि
काठमाडौं: स्याङ्जाको प्रतिनिधि सभा निर्वाचन क्षेत्र नम्बर २ मा हाल मतगणना जारी छ। मृतक र वैदेशिक रोजगारीका क्रममा बाहिर रहेका व्यक्तिको नाममा समेत मतदान गरी धाँधली भएको भन्दै एमालेले अवरोध गर्दा त्यहाँ ढिलो गरी मतगणना सुरु भएको हो।
यसैबीच हालसम्मको गणनामा एमालेकी सचिव पद्मा अर्याल नै अगाडि देखिएकी छिन्। उनले दुई हजार ९२० मत ल्याएकी छिन्। यस्तै कांग्रेसका उपसभापति धनराज गुरुङले दुई हजार ९०९ मत ल्याएका छन्।
उनीहरूबीच जम्मा ११ मतको अन्तर छ। यस क्षेत्रबाट अघिल्लो निर्वाचनमा अर्याल नै विजयी भएकी थिइन्।
१५ मंसिर, २०७९, ०८:३६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
