उकेरा प्रदेश

लुम्बिनी प्रदेश सभा: ०७४ को चुनावमा भन्दा नौ सिट कम ल्याए पनि प्रत्यक्षतर्फ एमाले बन्यो ठूलो दल


बुटवल: ५२ वटा प्रदेश सभा निर्वाचन क्षेत्र रहेको लुम्बिनीमा प्रत्यक्षतर्फ एमाले ठूलो दल बनेको छ। एमालेले १८ सिट जितेर पहिलो दल बनेको हो।

२०७४ सालको चुनावको तुलनामा भने एमालेले नौ सिट गुमाएको छ। त्यसबेला एमालेले प्रत्यक्षतर्फ २७ सिट जितेको थियो।

२०७४ मा सात सिट मात्रै जितेको नेपाली कांग्रेस गठबन्धनको बलमा यसपटक १७ सिट जितेको छ। कांग्रेस दोस्रो हुँदा तेस्रो स्थानमा माओवादी केन्द्र रहेको छ। माओवादीले प्रत्यक्षमा पाँच सिट जितेको छ। यसअघि ०७४ को चुनावमा वाम गठबन्धन हुँदा माओवादीले १४ सिट जितेको थियो।

जनता समाजवादी पार्टी, लोकतान्त्रिक समाजवादी पार्टी, राष्ट्रिय प्रजातन्त्र पार्टी र नागरिक उन्मुक्ति पार्टीले दुई–दुई सिट जितेका छन्। सिके राउत नेतृत्त्वको जनमत पार्टीले पनि एक सिट सुरक्षित गरेको छ।

यस्तै लुम्बिनी प्रदेश सभामा माओवादीबाट विद्रोह गरेर बागी उम्मेदवारी दिएका तीन जना स्वतन्त्र उम्मेदवारले समेत जितेका छन्। अघिल्लो प्रदेश सभामा पाँच दलको सहभागिता रहेकोमा यसपटक कम्तीमा आठ दलको प्रतिनिधित्व हुनेछ।

यस्तै प्रदेश सभाको समानुपातिकतर्फ एकीकृत समाजवादी र राष्ट्रिय जनमोर्चाले १.५ प्रतिशत मत कटाए भने थप दुई दल गरी १० दलको प्रतिनिधित्व हुनेछ। यसपटक लुम्बिनी प्रदेश सभामा नागरिक उन्मुक्ति पार्टी, जनमत र राप्रपा नयाँ दलका रूपका भित्रिएका छन्।

एमालेबाट यी हुन् प्रदेश सांसद

पहिलो दल बनेको एमालेबाट लीला गिरी– रुपन्देही २(क), भोजप्रसाद श्रेष्ठ– रुपन्देही २(ख), तुल्सीप्रसाद चौधरी– रुपन्देही–३(ख), भूमिश्वर ढकाल– रुपन्देही ५(क), चिन्तामणि पाण्डे– गुल्मी १(क), डिल्लिराज भुसाल– गुल्मी २(क), दिनेश पन्थी– गुल्मी २(ख), राजुप्रसाद श्रेष्ठ– पाल्पा १(क) र खेमबहादुर सारु– पाल्पा १(ख) बाट निर्वाचित भएका छन्।

यस्तै चेतनारायण आचार्य– अर्घाखाँची १(ख), राजजीप्रसाद घिमिरे– अर्घाखाँची १(ख), विष्णु पन्थी– कपिलवस्तु १(क), मधुशरणप्रसाद चौधरी– कपिलवस्तु १(ख), नवराज लामिछाने– कपिलवस्तु २(क), अर्जुनकुमार केसी– कपिलवस्तु ३(क), तुल्सीराम शर्मा– प्युठान १(क), दुर्गाप्रसाद चौधरी– बाँके १(ख) र रत्नबहादुर खत्री–बाँके ३(क) बाट निर्वाचित भएका छन्।

यी हुन् कांग्रेसका प्रदेश सांसद

कांग्रेसबाट अब्दुल रज्जाक गद्दी– रुपन्देही १(ख), वसिउद्दिन खाँ– रुपन्देही ४(ख), विश्वप्रेम पाठक– नवलपरासी १(क), देवकरणप्रसाद कलवार– नवलपरासी १(ख), सुधाकर पाण्डे– कपिलवस्तु २(ख), सरोज थापा (रोज राणा)– प्युठान १(ख), अनुराग खड्का– दाङ १(ख), राजु खनाल– दाङ २(क), प्रचण्डविक्रम न्यौपाने– दाङ २(ख), डिल्लीबहादुर चौधरी– दाङ ३(क) बाट निर्वाचित भएका छन्।

यस्तै बादशाह कुर्मी– बाँके ३(ख), धनबहादुर केसी– रुकुमपूर्व १(ख), भुवनेश्वर चौधरी– बर्दिया १(क), जन्मजय तिमिल्सेना– बर्दिया २(क), वीरबहादुर राना– पाल्पा २(क), धनेन्द्र कार्की– गुल्मी १(ख) र बैजनाथ कलवार जैसवाल– नवलपरासी २(ख) बाट निर्वाचित भएका छन्।

माओवादीका प्रदेश सांसद

तेस्रो दल बनेको माओवादी केन्द्रबाट जोखबहादुर महरा– रोल्पा १(क), इन्द्रजित थारु– दाङ १(क), कृष्णा केसी– बाँके १(क), तुलाराम घर्ती– पाल्पा २(ख) र धनबहादुर मास्की– दाङ ३(ख) बाट निर्वाचित भएका छन्।

यस्तै जनता समाजवादी पार्टीबाट भण्डारीलाल यादव– बाँके २(क) र आदेशकुमार अग्रवाल– बाँके २(ख) बाट निर्वाचित भएका छन्।

लोकतान्त्रिक समाजवादी पार्टीबाट सन्तोष पाण्डे– रुपन्देही ३(क) र कन्हैया बनियाँ– रुपन्देही ४(क) बाट निर्वाचित भएका छन्। राष्ट्रिय प्रजातन्त्र पार्टीबाट आशिषकुमार चौधरी– रुपन्देही १(क) र जानकीप्रसाद यादव–कपिलवस्तु ३(ख) बाट निर्वाचित भएका छन्।

नयाँ दलको रूपमा उदाएको नागरिक उन्मुक्ति पार्टीबाट राजकुमार चौधरी– बर्दिया १(ख) र धर्मबहादुर चौधरी–बर्दिया २(ख) बाट निर्वाचित भएका छन्। नयाँ दलकै रूपमा प्रदेश सभामा प्रवेश गरेको जनमत पार्टीबाट चन्द्रकेश गुप्ता– रुपन्देही ५(ख) बाट निर्वाचित भएका छन्।

यस्तै माओवादी केन्द्रबाट बागी उम्मेदवारी दिएका दीपेन्द्र पुन– रोल्पा १(ख), सरुल पुन– रुकुमपूर्व १(क) र खड्ग बस्नेत– नवलपरासी २(ख) बाट निर्वाचित भएका छन्।

यो खबर पढेर तपाईलाई कस्तो महसुस भयो ?

सम्बन्धित समाचार

'वित्तीय अनुशासन उल्लंघन र अत्यधिक ऋण प्रवाहले सहकारीहरू डुबे'

कार्यक्रममा लुम्बिनी प्रदेश सहकारी विकास बाेर्डका उपाध्याक्ष टिकाराम पोखरेलले सहकारीको मर्मभन्दा बाहिर गएर बचतकर्ताको रकममा सञ्चालकहरूको चलखेल गर्दा समस्या देखिएको बताए। समस्या समाधानका लागि सरकारले....

प्रदेश स्थापना दिवसमा गण्डकी प्रदेशले भलिबल प्रतियोगिता गर्ने

परिषद्को शुक्रबार सम्पन्न कार्यकारी समितिको बैठकले प्रतियोगिता आयोजनाका लागि सदस्य खगेन्द्र क्षेत्रीको संयोजकत्वमा पाँच सदस्यीय आयोजक समिति गठन गर्ने निर्णय गरेको हो। समितिमा प्रदेश खेलकुदका....

बैंक तथा वित्तीय संस्थाले दुःख दिएको भन्दै पोखराका व्यवसायीले थाले संघर्षका कार्यक्रम

पछिल्लो समय आर्थिक मन्दीले व्यापार व्यवसाय चौपट भएका बेला बैंक तथा वित्तीय संस्थाले व्यवसायीलाई प्रताडित पर्ने कार्य गरेकाले यस गलत काम प्रति बाध्य भएर संघर्षमा उत्रिन....

झापामा सिटी सफारी अनियन्त्रित भइ पल्टिंदा चालकको मृत्यु

आज बिहान राजमार्गकाे पश्चिमबाट पूर्वतर्फ आउँदै गरेको प्रदेश १-०१-००१ ह ७६२९ नम्बरको सिटी आफैं अनियन्त्रित भएर दुर्घटना भएकाे थियाे। जसमा घाइते भएका ढुंगानाको उचारको क्रममा मृत्यु भएको इलाका प्रहरी....

बुटवलका बासिन्दाले पाउने भए रगत सम्बन्धी सबै सेवा निःशुल्क

जसअनुसार अब बुटवलभित्रका बासिन्दाले रुपन्देहीका अस्पतालहरुमा उपचार गराउँदा आवश्यक पर्ने रगत र रगतजन्य सेवा लिंदा शुल्क नलाग्ने व्यवस्था भएको हो। यस सम्झौतामा बुटवल उपमहानगरपालिकाका प्रमुख खेलराज पाण्डेय र नेपाल....