प्रदेश

आत्महत्या कि हत्या !

सीता भण्डारी प्रकरण : घटनाको १० दिनपछि हत्यामा जाहेरी दर्ता

उकेरा संवाददाता


बुटवल : रुपन्देहीको तिलोत्तमा ५ मा भएको रहस्यमय मृत्यु प्रकरणमा १० दिनपछि प्रहरीले किटानी जाहेरी दर्ता गरेको छ ।

प्रमुख जिल्ला अधिकारी अस्मान तामाङले मातहतका प्रहरी तथा आन्दाेलनपक्षसहित प्रशासनमा भएको छलफलपछि जाहेरी दर्ता भएको सीताका बुबा हरिप्रसाद भण्डारीले बताए ।

जाहेरीमा मृतकका श्रीमान् टीका पौड्यालसहित तिलोत्तमा ५ का वडा सदस्य रहेका मृतकका जेठाजु हरि पौडेल र पौडेलकी दिदी (आमाजू) विष्णुलाई किटानी गरिएको छ ।

मणिग्रामका ४३ वर्षीय टीका पौड्यालकी पत्नी सीता भदौ १९ गते आफ्नै घरको कोठामा मृत अवस्थामा फेला परेकी थिइन् । पोष्टमार्टम रिपोर्टमा सीताले झुण्डिएर आत्महत्या गरेको देखिएको प्रहरीले दावी गरे पनि माइती पक्षले भने सीताको हत्या गरेर आत्महत्या भनिएको भन्दै अनुसन्धानको माग गरिरहेको छ।

बिहे भएको २ बर्षपछि आफ्नै घरको कोठामा मुखबाट रगत बगेको, गला कसिएको र भुइँमा लडेको अवस्थामा सीताको शव भेटिएको थियाे ।

नगरपालिका–५ घर भएकी २७ वर्षीय सीता भण्डारी पौड्यालको मृत्यु भएको दश दिन बित्दा पनि उनको शव उठेको छैन ।  घटनाबारे उच्चस्तरीय छानबिन गरेर न्याय पाए मात्रै शव बुझ्ने माइती परिवारको भनाइ छ।
उता प्रहरीले यही घटनामा सीताको श्रीमान् र आमाजुलाई आत्महत्या दुरुत्साहनको आरोपमा पक्राउ गरेर अनुसन्धान गरिरहेको छ। सिताको बुवाले यस अगाडि आत्महत्या दुरुत्साहनमा जाहेरी दिएका थिए।

उनले जिल्ला प्रहरी कार्यालयका प्रमुखले कर्तब्य ज्यानमा जाहेरी लिन मिल्दैन आत्महत्या दुरुत्साहनमा जाहेरी दिनु्स भनेकाले जाहेरी दिएको भन्दै ज्यान सम्बन्धी कसुरमा जाहेरी दर्ताका लागि जिल्ला।प्रशासनमा निवेदन दिएका थिए। 

यो खबर पढेर तपाईलाई कस्तो महसुस भयो ?

सम्बन्धित समाचार

बुटवल चुरे पहिरो विस्थापितलाई घरबहाल रकम दिइने

बुटवल उपमहानगरपालिकाका नगरप्रमुख शिवराज सुवेदीले पहिरोले घर पुरिएका र पहिरोकै कारण विस्थापित भएकाहरूलाई रकम दिइने बताए। स्थानीय विपद् व्यवस्थापन समितिका संयोजक तथा उपमहानगरपालिका प्रमुख सुवेदीको अध्यक्षतामा....

लखनउ पुग्नु पर्ने बिरामीको कर्णाली प्रदेश अस्पतालमा उपचार  

अस्पतालमा बिरामीको चाप बढेपछि चेकजाँचका लागि ओपिडी टिकट लिन पालो कुर्नुपर्ने अवस्थाको अन्त्य गर्न अनलाइन टिकट काटिने अस्पतालका निर्देशक डा. डम्मर खड्काले बताए। अस्पतालले आकस्मिक....

लुम्बिनी प्रदेशका ४ उपमहानगरका यी हुन् कांग्रेस सभापति आकांक्षी 

४ वटै उप–महानगरपालिकामा प्रधानमन्त्री एवं पार्टी सभापति शेर बहादुर देउवा र वरिष्ठ नेता रामचन्द्र पौडेल पक्षधरले उम्मेदवार घोषणा गरिरहेका छन्। कांग्रेसको तेस्रो धार भनिएको कृष्ण....

आफूलाई मुक्का हान्नेलाई छाड्न बुटवल मेयरको आग्रह

आफूमाथि आक्रमण भएपछि पक्राउ परेका युवा गणेश पङ्गेनीलाई छाड्न प्रमुख सुवेदीले जिल्ला प्रहरी कार्यालय रुपन्देही र इलाका प्रहरी कार्यालय बुटवललाई आग्रह गरिएको बताए । ‘विपतको....

६ महिलाको उद्यम, जसले रोजगारीका लागि भारत जानुपर्ने बाध्यता हटायो

२०७१ सालमा उनीसहित ६ जना महिला मिलेर ‘दिदी–बहिनी चाउमिन उद्योग’ स्थापना गरेका थिए। अहिले चाउमिन उद्योगले उनीहरूलाई स्थापित गराइदिएको छ।  उनीहरू मात्र होइन, चाउमिन उद्योगले....