उकेरा अपडेट

देउवालाई व्यापारी नै प्रिय : स्वास्थ्य मन्त्रालयको जिम्मा शिक्षा व्यापारीलाई

उकेरा संवाददाता


काठमाडौँ : दलित नेता डोबाटे विश्वकर्माको नाम काटेर जग्गा व्यवसायी बिन्दुकुमार थापालाई गण्डकी प्रदेशको मन्त्री बनाएकोमा आलोचित भएको काँग्रेस नेतृत्वले केन्द्रमा स्वास्थ्य मन्त्रालयको जिम्मेवारी शिक्षा व्यापारीलाई दिएको छ।

डोबाटेलाई मन्त्रीको शपथ खान बोलाएर बिच बाटैमा अलपत्र पारेर गण्डकीका मुख्यमन्त्री कृष्णचन्द्र नेपाली पोखरेलले थापालाई मन्त्री कानुन मन्त्री बनाए। गठबन्धनको बलमा मुख्यमन्त्री बनेका पोखरेल नेपाली काँग्रेसका सांसद हुन्।

नेपाली काँग्रेसका सभापति तथा प्रधानमन्त्री शेरबहादुर देउवाको हस्तक्षेपपछि डोबाटेको नाम काटेर थापालाई नियुक्त गरिएको सार्वजनिक भएको थियो। यता केन्द्रमा प्रधानमन्त्री शेरबहादुर देउवाले मन्त्री आफ्नै भागमा राखेर स्वास्थ्य राज्यमन्त्रीको रूपमा श्रेष्ठलाई नियुक्त गरेका हुन्।

सांसदको रूपमा नै शिक्षा सम्बन्धी कानुनहरू आफू अनुकूल बनाउन लबिङ गरेको भन्दै विवादमा आइरहने श्रेष्ठ निजी शैक्षिक संस्थाहरूमा  संलग्न छन्।

काँग्रेसबाट उनी समानुपातिक कोटाबाट प्रतिनिधि सभाको सांसद भएका थिए। उनी लिटिल एन्जल्स स्कुलका संस्थापक अध्यक्ष हुन्।

कोरोनाको तेस्रो लहरको जोखिम बढिरहेको बेला अनुभवी सांसदलाई स्वास्थ्य मन्त्रालयको जिम्मेवारी दिन दबाब बढिरहेको बेला उनले विवादित छविका श्रेष्ठलाई राज्यमन्त्रीमा नियुक्त गरेका छन्।

सत्ताधारी दलहरूबिच मन्त्रीको विषयमा सहमति हुन नसक्दा मन्त्रीपरिषद् विस्तार हुन सकेको छैन। प्रधानमन्त्री देउवाले आफूले प्रधानमन्त्रीको शपथ खाएपछि काँग्रेसबाट २ र माओवादी केन्द्रबाट २ जनालाई मन्त्रीमा नियुक्त गरेका थिए।

सांसदबाट विश्वासको मत लिएपछि मन्त्रिपरिषद् विस्तारको योजना बनाएका उनले अन्य दलबाट मन्त्रीको नाम नआउँदा मन्त्रीपरिषद् विस्तार गर्न सकेका छैनन्।

माओवादी केन्द्रका अध्यक्ष पुष्पकमल दाहाल प्रचण्डले शनिवार पार्टीमा मन्त्री हुन चाहने सांसदहरू धेरै भएकाले आफूलाई तनाव भएको सार्वजनिक अभिव्यक्ति दिएका थिए।

एमाले अध्यक्ष केपी ओली नेतृत्वको सरकारमा बुहारी विना मगरलाई मन्त्री बनाएकोमा उनको आलोचना हुने गरेको थियो। यता जनता समाजवादी पार्टीले पनि सरकारमा सहभागी हुनेबारे निर्णय गरिसकेको छैन भने एमाले नेता माधव नेपाल समूहले पनि सरकारमा सहभागी हुने या नहुने निर्णय गरिसकेको छैन।

यो खबर पढेर तपाईलाई कस्तो महसुस भयो ?

सम्बन्धित समाचार

जबजको च्याप्टर क्लोज भयो भन्ने झाँक्रीको यूटर्न : जबजलाई मार्गदर्शक सिद्धान्त बनाउन माग

अब मार्क्सवाद र लेनिनवादलाई मार्गदर्शक सिद्धान्त बनाउँदै समाजवादमा जाने वकालत गर्दै आएकी झाँक्रीले एकीकृत समाजवादीको केन्द्रीय समितिको बैठकमा जबजलाई मार्गदर्शक सिद्धान्त मान्नुपर्ने प्रस्ताव ल्याएकी हुन्।

सरकारी चिकित्सकको व्यवहारले सरकारी सेवा बिग्रेको दाबी गर्दै स्वास्थ्य राज्य मन्त्रीले भने : डा. कति बजेसम्म बस्ने हो?

सांसदहरूमाझ उनले बुधवार सरकारी अस्पतालमा काम छोडेर चिकित्सकहरू निजी अस्पतालमा धाउनाले सरकारी अस्पतालको सेवामा समस्या उत्पन्न भएको उनको दाबी गरे। 'डा. कति....

यसवर्षकाे किताब जात्रा असाेज १० देखि

‘यस वर्ष पनि भौतिक रूपमा किताब जात्रा गर्ने योजना कोभिड–१९ महामारीको प्रभाव अझै कायम रहेकोले सम्भव हुन सकेन’, फाउन्डेसनका अध्यक्ष तथा ‘नबिल किताब जात्रा– २०७८’का....

स्थायी कमिटी बैठकमा प्रचण्डले भने: भाेलिसम्म मन्त्रिपरिषद् विस्तार हुन्छ

बैठकमा प्रचण्डले राजनीतिक दलसम्बन्धी अध्यादेशका कारण मन्त्रिपरिषद् विस्तारमा ढिलाई भएको बताएका थिए। वर्तमान सरकार गठन भएको लामो समय भइसक्दा पनि मन्त्रिपरिषद्ले पूर्णता नपाउँदा सरकारको काम....

अपहरणका योजनाकार दाइ अझै फरार, सहयोगी भाइ नै वर्षपछि पक्राउ

उनको अपहरण भारतीय नागरिक रोहित पाहिवाल अग्रवाल र नुवाकोटका भीमसेन पण्डितको योजनामा भएको खुलेको थियो। पाहिवाल लगायतकाहरु पक्राउ परे पनि भीमसेन र उनका भाइ राजेन्द्र....