फोटो कथा

राष्ट्रपति-प्रधानमन्त्रीको पुतला जलाउने र निभाउने होडबाजी

कृष्पा श्रेष्ठ


काठमाडौँ  : संसद् विघटन विरुद्ध प्रमुख प्रतिपक्षी दल नेपाली काँग्रेसको विद्यार्थी सङ्गठन नेपाल विद्यार्थी सङ्घले प्रधानमन्त्री र राष्ट्रपतिको पुतला जलाएर विरोध प्रदर्शन गर्ने तयारी गरिरहेको थियो। विध्यार्थीहरु शङ्कर देव क्याम्पसभित्र थिए।

उनीहरूले विरोध प्रदर्शन गर्ने सूचना पाएर प्रहरी र सशस्त्र प्रहरी पहिल्यै सडकमा खटिइसकेका थिए। प्रहरी जर्किनमा पानी समेत बोकेर आएका थिए।

क्याम्पसको ढोका बन्द थियो। प्रहरी कसरी बसेका छन् भनेर हेर्न बेलाबखत क्याम्पसभित्रबाट विध्यार्थीहरु बाहिर आउँथे र भित्र जान्थे।

केही बेरमा एक जना विद्यार्थी हातमा पाइप बोकेर निस्किए। त्यो मोटरसाइकलबाट पेट्रोल निकाल्न थियो।

पेट्रोल भएको प्लास्टिकको बोतल लिएर आए अर्का विद्यार्थी। उनीहरूले क्याम्पसभित्रै पुतला बनाइसकेका थिए।

केही विध्यार्थीहरु सडकमा सुतेर विरोध प्रदर्शन गरिरहेका थिए।

एकै छिनमा विध्यार्थीहरु दुई वटा पुतला लिएर सडकमा निस्किए। पेट्रोल छर्किए र आगो लगाए। केही समय प्रहरी र विध्यार्थीविच पुतला जलाउने र निभाउने प्रतिस्पर्धा चल्यो।

जर्किनमा पानी बोकेर आएका प्रहरीले अन्तमा पुतला निभाए र प्रदर्शनमा उत्रिएका विध्यार्थीहरुलाई नियन्त्रणमा लिएर भ्यान हालेर प्रहरी कार्यालयतिर लगे।

 

यो खबर पढेर तपाईलाई कस्तो महसुस भयो ?

सम्बन्धित समाचार

निषेधाज्ञाले छेक्न नसकेको बाल्यकाल

बढो सकसमा बितिरहेको छ बालबालिकाको दैनिकी। तैपनि लुकिछिपी मनोरञ्जन गर्न लुसुक्क घरबाट निस्कनेहरू छन् है। जहाँ अलि....

गणतन्त्रको भक्तपुरे मुड

भित्र गल्ली छिर्दा लकडाउन छ भन्ने आभास नै हुँदैनथ्यो। ....

साँझको स्वयम्भू : लकडाउनमा बुद्ध

साँझतिर स्वयम्भू पुग्दा फाट्टफुट्ट अनुयायीहरू थिए स्वयम्भूमा। बत्ती बाल्दै आस्था व्यक्त गर्नेहरूको सङ्ख्या फाट्टफुट्ट देखियो।  

‘गरिबलाई रोक्न गस्ती छ, शासकलाई मात्रै मस्ती छ’ (फोटो फिचर)

कोरोना भाइरस (कोभिड १९) संक्रमणबाट नागरिकलाई जोगाउनुको साटो सरकारको ध्यान अन्यत्र मोडिएको भन्दै उनीहरूले प्रदर्शन गरेका हुन्।  बृहत् नागरिक आन्दोलनको अगुवाइमा भएको प्रदर्शनका....

महामारीको लुम्बिनी : शान्त, सफा र हराभरा (फोटो फिचर)

तर, बुद्ध जन्मस्थल प्राकृतिक सुन्दरताले भरिभराउ भएको छ। ढकमक्क फूल फुलेका छन्, बुद्ध जन्मस्थल लम्बिनीमा। लुम्बिनीको बौद्ध....