प्रदेश

माओवादी केन्द्रको कर्णाली प्रदेश संसदीय दलको निष्कर्ष : बहुमत नगुमेकाले विश्वासको मत माग्नु नपर्ने

उकेरा संवाददाता


नेकपा माओवादी केन्द्र कर्णाली प्रदेश संसदीय दलको बैठकले गरेका निर्णय सार्वजनिक गर्दै संसदीय दलकी प्रमुख सचेतक सीता नेपाली।

सुर्खेत : नेपाल कम्युनिस्ट पार्टी माओवादी केन्द्रको कर्णाली प्रदेश संसदीय दलको बैठकले सरकारमा आफूहरूको बहुमत नगुमेकाले विश्वासको मत माग्नु नपर्ने निष्कर्ष निकालेको छ। 

मुख्यमन्त्री महेन्द्रबहादुर शाहीको अध्यक्षतामा आज (शनिबार) बसेको संसदीय दलको बैठकले सरकारको बहुमत नगुमेको भन्दै तत्काल विश्वासको मत माग्नु नपर्ने निष्कर्ष निकालेको संसदीय दलकी प्रमुख सचेतक सीता नेपालीले जानकारी दिइन्।

‘नेपाल कम्युनिष्ट पार्टी एमालेको नाममा १० जना सांसद्ले चैत ४ गते प्रदेश प्रमुख गोविन्दप्रसाद कलौनीसमक्ष सरकारलाई दिएको समर्थन फिर्ता लिने निर्णय गरेको जानकारी हामीले पाएका थियौं। तर, अहिलेसम्म एमालेका तीन जना सांसद् मन्त्रीको रूपमा कार्यरत हुनुहुन्छ,’ उनले भनिन्, ‘त्यसैले अहिलेसम्म हामी बहुमतमै छौं र तत्कालै विश्वासको मत लिनुपर्ने र राजीनामा दिनुपर्ने बाध्यता नभएको दलकोे निष्कर्ष छ।’

प्रमुख सचेतक नेपालीले पछिल्लो समय आएको राजनीतिक संकटका विषयमा प्रदेशसभामा रहेका विभिन्न दलसँग छलफल र परामर्श भइरहेको जानकारी दिइन्। साथै उनले भोलि बस्ने एमालेको संसदीय दलको बैठकको निर्णयलाई मध्यनजर गरेर आवश्यक कदम चाल्ने बताइन्।

माओवादी केन्द्रको आरोप– प्रदेश प्रमुखले कार्यकारी भूमिका देखाउन खोजे 

माओवादी संसदीय दलको बैठकले प्रदेश प्रमुखले संविधानबाहिर गएर कार्यकारी भूमिका देखाउन खोजेको आरोप लगाएको छ। 

१० जना सांसद्ले समर्थन फिर्ता लिएको विषयमा समय हुँदाहुँदै पनि बारम्बार पत्र पठाउनु अधिकार क्षेत्रभन्दा बाहिरको कुरा भएको बैठकको निष्कर्ष रहेको प्रमुख सचेतक नेपालीले बताइन्।

‘सरकारले आवश्यक समयमा के गर्नुपर्छ भनेर कसैले सिकाउन जरुरी छैन,’ उनले भनिन्। 

संसद् अन्त्य भएको ६ महिनापछि मात्र अभिवेशन हुने भएकाले नियम अनुसार आगामी वैशाख ८ गतेभित्र प्रदेशसभाको अधिवेशन आह्वान गरिने नेपालीले जानकारी दिइन्।

उनका अनुसार आजको बैठकले संसदीय दलको विधान परिमार्जनसहित पारित गरेको छ। बैठकले पार्टीलाई दिने १० प्रतिशत लेबीमध्ये दुई प्रतिशत संसदीय दलमा राख्ने र आठ प्रतिशत पार्टीलाई दिने निर्णय गरेको छ।

यो खबर पढेर तपाईलाई कस्तो महसुस भयो ?

सम्बन्धित समाचार

कर्णालीमा एमाले मन्त्रीको राजीनामापछि रिक्त मन्त्रालयको जिम्मेवारी भण्डारी र केसीलाई

नेकपा माओवादी केन्द्रका नेतासमेत रहेका मुख्यमन्त्री महेन्द्रबहादुर शाहीले एमाले मन्त्रीको राजीनामापछि रिक्त रहेको आर्थिक मामिला तथा योजना मन्त्रालय, उद्योग, पर्यटन, वन तथा वातावरण मन्त्रालयको जिम्मेवारी....

कर्णालीमा एमालेका तीन मन्त्रीको राजीनामा स्वीकृत

कर्णाली प्रदेशका मुख्यमन्त्री महेन्द्रबहादुर शाहीले शुक्रबार आर्थिक मामिला तथा योजनामन्त्री प्रकाश ज्वाला, सामाजिक विकासमन्त्री दल रावल र उद्योग, पर्यटन, वन तथा वातावरणमन्त्री नन्दसिंह बुढाको राजीनामा....

'मेहनत गरे गाउँमै कमाउन सकिन्छ'  

यो उनको दैनिकी हो। पूर्वी पहाड (ताप्लेजुङ, पाँचथर, इलाम) वा भारतको दार्जिलिङ घुम्न आएका पर्यटक उनको डेरीमै पुग्छन्। उनी संकलित दूधबाट चिज बनाउँछन्। त्यही चिज....

सुर्खेतको सिस्नेरी बस्तीमा आगलागी, नौ घर जले

बराहताल गाउँपालिका–९ स्थित सिस्नेरी बस्तीमा भएको आगलागीबाट नौ घर पूर्णरूपमा जलेको वडाअध्यक्ष युवराज कार्कीले जानकारी दिए। ‘आगो नियन्त्रण गर्न प्रहरी र स्थानीय तत्काल खटिएका थिए।....

गण्डकी प्रदेश : माओवादी केन्द्रका दुईजना मन्त्रीले दिए राजीनामा

आन्तरिक मामिला तथा कानुनमन्त्री हरिबहादुर चुमान र भूमि व्यवस्था, कृषि तथा सहकारीमन्त्री लेखबहादुर थापाले मुख्यमन्त्री पृथ्वी सुब्बा गुरुङसमक्ष राजीनामा पत्र बुझाएका हुन्। माओवादी केन्द्रको संसदीय....