नेपाली क्रिकेट टिमसँग खेल्न वेस्ट इन्डिज पहिलो पटक नेपाल आउँदै
काठमाडौँ : नेपाली क्रिकेट टिमसँग टी-२० विश्वकपको अभ्यास खेल खेल्न वेस्ट इन्डिजको ए टिम नेपाल आउने भएको छ। आइसिसी पुरुष टी-२० वर्ल्ड कपको अभ्यासका रूपमा दुवै टिमले नेपालमा पाँच खेल खेल्नेछन्।
वेस्ट इन्डिजको टिम पहिलो पटक नेपाल आउन लागेको हो। वेस्ट इन्डिज र नेपाली टिमबीचको खेल टियू क्रिकेट मैदानमा हुनेछ।
नेपाल र वेस्ट इन्डिजको टिमबीच सन् २०२३ मा आइसिसी वर्ल्ड कप क्वालिफायर खेल भएको थियो। सो खेल वेस्ट इन्डिजले एक सय एक रनले नेपाललाई पराजित गरेको थियो।
आइसिसी टी-२० विश्वकपमा नेपाल ग्रुप डीमा छ भने वेस्ट इन्डिज ग्रुप सी मा छ। नेपाल र वेस्ट इन्डिजबीचको पहिलो खेल अप्रिल २७ मा एक बजे हुँदैछ।
२६ चैत, २०८०, २१:३३:१३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
