उकेरा शिक्षा

८ कक्षासम्म पढाइ हुने विद्यालय दुई शिक्षकका भरमा, तीनवटा कक्षाका विद्यार्थी एउटै काेठामा


सप्तरीः सप्तरीमा नेपाल-भारत सीमा नजिक रहेकाे बलान बिहुल गाउँपालिका–४ बेल्हीमा ८ कक्षासम्म पढाइ हुने एउटा विद्यालय छ, जनता आधारभूत विद्यालय। २०११ सालमा स्थापना गरिएको यस विद्यालयमा ८ कक्षासम्म पढाइ भएपनि  शिक्षक भने दुई जना मात्र छन्।

दुई जना शिक्षकले नै यी सबै कक्षाका विद्यार्थीलाई सम्हालेका छन्। शिक्षक अभावले बालविकास कक्षाका साथै कक्षा १ र २ लाई एउटै ठाउँमा राखेर पढाउने गरिएको छ।

यस्तै, प्रधानाध्यापक नेतीलाल यादवका अनुसर शिक्षक नभएका कारण नै कक्षा ३, ४ र ५ तथा कक्षा ६, ७ र ८ का विद्यार्थीलाई एउटै ठाउँमा राखेर कक्षा संचालन भैरहेकाे छ।

विद्यालयमा कक्षा ६ मा ४०, कक्षा ७ मा ५७ तथा कक्षा ८ मा ५४ विद्यार्थी रहेकाे यादवले बताए।

‘डेढ सय विद्यार्थी एउटै ठाउँमा राखेर पठाउनु परिरहेको छ,’ उनले भने, ‘यसरी कक्षा संचालन गर्दा शिक्षक र विद्यार्थीलाई असहज त हुने गरेको छ, तर हामीसँग अरू उपाय छैन।’ 

यस विद्यालयमा बालविकास कक्षामा ४० तथा कक्षा १ देखि ८ सम्म दुई सय ६९ विद्यार्थी पढिरहेका छन्। विद्यालयमा दुई शिक्षक बाहेक दुई बालविकास सहयोगी तथा एक कार्यालय सहयोगी कार्यरत छन्। 

विद्यालयमा निमावि राहततर्फ एउटा तथा प्राथमिक तहमा दुई स्थायी दरबन्दी खाली छ। तर विद्यालयको समस्याप्रति गाउँपालिका शिक्षा शाखा अनविज्ञ छ।

विद्यालयमा चार बजेसम्म र सबै विषयको पढाइ कमै मात्रै हुने विद्यार्थीहरू बताउँछन्। उता, शिक्षकहरू भने तीन वटा कक्षाका विद्यार्थी एउटै ठाउँमा राख्नुपर्ने बाध्यता भएकाले विद्यार्थीलाई सम्हाल्नै मुस्किल रहेकाे धारणा राख्छन्।  

यो खबर पढेर तपाईलाई कस्तो महसुस भयो ?

सम्बन्धित समाचार

यस वर्षको एसइई परीक्षा चैत १७ देखि २९ गतेसम्म

चैत १९ आइतबार अनिवार्य गणित, २० गते सोमबार अनिवार्य नेपाली र गैरनेपाली विद्यार्थीका लागि अङ्ग्रेजीको परीक्षा हुनेछ। चैत २२ बुधबार अनिवार्य विज्ञान र वेदविद्याश्रमतर्फ अनिवार्य....

चैत १७ बाट एसईई, यस्तो छ परीक्षा तालिका

परीक्षा समय बिहान ८ बजेदेखि बिहान ११ बजेसम्मको रहेको छ। जसअनुसार पहिलो दिन १७ गते शुक्रबार अनिवार्य अङ्ग्रेजीको परीक्षा हुनेछ। सोही दिन वेद विद्याश्रमतर्फ अनिवार्य....

बहुदरमाईले मधेश विश्वविद्यालयलाई जग्गा उपलब्ध गराउने

उनका अनुसार नगरपालिकाले २५ देखि ३० बिघा क्षेत्रफल जग्गा विश्वविद्यालयलाई उपलब्ध गराउने छ। बहुदरमाई नगरपालिकाका प्रमुख सिङ्गासन साह तेलीको अध्यक्षतामा बसेको सर्वदलीय बैठकबाट मधेश विश्वविद्यालयको....

आगामी शैक्षिक सत्रमा पाठ्यपुस्तकको अभाव हुँदैनः शिक्षा मन्त्रालय

समितिको आजको बैठकले शिक्षा, विज्ञान तथा प्रविधि मन्त्रालयलाई याे निर्देशन दिएकाे हाे। शिक्षामन्त्री र मन्त्रालयका पदाधिकारीसँगको छलफलपछि सभापति प्रकाश पन्थले यस विषयमा शिक्षा मन्त्रालयको गम्भीर....

बेलकोटगढी नगरपालिकाले एसईईमा उत्कृष्ट नतिजा ल्याउने विद्यालयलाई दश लाख दिने

स्थानीय तहले शिक्षाको समग्र विकास गर्न उद्देश्यले ल्याएको कार्यक्रममार्फत् विद्यालयले विद्यार्थी सङ्ख्या वृद्धि गराउनेदेखि विद्यार्थीलाई दक्ष बनाउन सहयोग पुग्ने विश्वास लिइएको उनको भनाइ छ। “नगरभित्र....