यतीमा यात्रा गर्ने कुनालले जिते यामाहा स्कुटर

काठमाडौँ : यती एयरलाइन्सको चाडपर्व उडान अफर अन्तर्गत सञ्चालन गरेको उपहार कुनाल विष्टले जितेका छन्। 

यतीले बुधवार गरेको लक्की ड्र भाग्यशाली विजेता घोषणा कार्यक्रममा विष्टले यमाहा कम्पनीको तर्फबाट दुई लाख ८६ हजार ९ सय मूल्य बराबरको यामाहा रे जेड आर स्कुटर प्राप्त गरेका हुन्। विष्टले भद्रपुर–काठमाडौँ उडान गरेका थिए।

दोस्रो पुरस्कार दीपक थापाले जिते। उनले बालाजी डाइमण्डको तर्फबाट ८२ हजार मूल्य बराबरको हिराको टप प्राप्त गरेका छन्। थापाले भैरहवा–काठमाडौँ उडान गरेका थिए। 

तेस्रो पुरस्कार पोखरा–काठमाडौँ उडान गरेकी कल्पना गुरुङले प्राप्त गरेकी छिन्। उनले ५९ हजार ९ सय ९९ मूल्य बराबरको यसुदा वासिङ मेसिन प्राप्त गरिन्। 

यती एयरलाइन्सले चाडपर्वको समय यात्रा गर्ने आफ्ना यात्रुहरूलाई लक्षित गरी असोज १० देखि कात्तिक २५ गतेसम्म ४७ दिन उडान भर्ने यात्रुलाई उक्त कार्यक्रममा सहभागिता गराएको थियो।

सोही अवधिमा एक लाख १७ हजार ५३८ यात्रुले यती एयरलाइन्समा यात्रा गरेको एयरलाइन्सका प्रवक्ता सुदर्शन बर्तौलाले जानकारी दिए। विजेता यात्रुहरूलाई  एअरलाईन्सले सम्पर्क गरी उपहार वितरण गरिने उनले जानकारी दिए।

कार्यक्रममा बोल्दै एयरलाइन्सका प्रमुख कार्यकारी अधिकृत (सिइओ) अनोज रिमालले यती एयरलाइन्सलाई माया गरेर यात्रा गरेकोमा यात्रुलाई धन्यवाद दिए। 

१४ मंसिर, २०७९, १८:१९:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।