विवाह  अभिनेता सलोनको, चर्चा पूजा-युद्ध अनि भुवन-जियाको

काठमाडौं : नायिका पूजा शर्मा र युद्ध बानियाँबिचको सम्बन्ध नेपाली फिल्म क्षेत्रका लागि सिक्रेट हैन। तर उनीहरू सार्वजनिक कार्यक्रमहरूमा भने केही सम्बन्धै नभएझैँ व्यवहार गर्न खप्पिस छन्।

प्रेममा धेरै हन्डर र ठक्कर खाएर स्ट्रोङ हुँदै गएकी पूजाका प्रेमी युद्ध राजनीतिक परिवारसँग जोडिने भएकाले पनि होला अलि हच्कीहच्की देखिन्थे कार्यक्रमहरूमा। तर

अभिनेता सलोन बस्नेतको मेहेन्दी कार्यक्रममा उनीहरू सँगसँगै पुगेनन् मात्रै खुलेर रमाइलो पनि गरे। दुवै अब 'ह्या कति लुकाउनु थाहा पाए पाउन्' भन्ने निष्कर्षमा पुगेको देखियो। अर्थात् उनीहरूको अफेयरले फस्ट स्टेज पार गरेर अब परिपक्व बनेको हुनसक्छ।

पातले बन रिसोर्टमा भएको कार्यक्रममा सबैको नजर परेको अर्को पाको जोडी थियो चलचित्र विकास बोर्डका अध्यक्ष तथा फिल्म निर्माता भुवन केसी र जिया केसीको जोडी। यी दुवै लिभइन रिलेसनमा रहे पनि सम्बन्ध भने प्रेमी प्रेमिका नै हो। किनकि औपचारिक रूपमा यी दुवैले विवाह गरेका छैनन्।

अमेरिका भ्रमणमा गएका बेलामा भुवनले निकट भविष्यमै विवाह हुनसक्ने समेत स्विकारेका छन्। तर विवाहको मिति घोषणा गरेका छैनन्। भुवनको मुड न हो बदलिन पनि सक्छ।

११ मंसिर, २०७९, १७:२६:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।