फोटो कथा

नयाँ प्रधानमन्त्रीको स्वागतमा चोक-चोकमा फोहोरको 'सगरमाथा'

उकेरा संवाददाता


तस्बिरहरू : कृष्पा श्रेष्ठ।

काठमाडौं : काठमाडौं महानगरपालिकाको फोहोर दुई दिनसम्म पनि उठ्न सकेको छैन। जसका कारण महानगरपालिकामा फोहोर थुप्रिएको छ। 

महानगरपालिकाका वातावरण विभाग प्रमुख हरिकृष्ण श्रेष्ठले फोहोर फाल्ने ठाउँ नहुँदा फोहोर उठ्न नसकेको जानकारी दिए। 

‘हामीले गत वर्ष नै सरकारलाई पहिलेको स्थानमा राख्न फोहोर फाल्न नसकिने भएकाले बञ्चरे डाँडामा फाल्नु पर्ने जानकारी दिएका थियौँ,’ उनले भने, ‘सरकारले स्थान उपलब्ध गराउला भनेर तयारी थालिएन। तर, सरकारले ठाउँ उपलब्ध गराएन। हामीले पनि तयारी गरेनौँ। त्यही भएर फोहोर थुप्रियो।’ 

उनका अनुसार साविकको फोहोर फाल्ने स्थानमा ठाउँ नभएपछि महानगरले नुवाकोटकै बञ्चरे डाँडामा फोहोर फाल्नुपर्ने भन्दै सरकारलाई जग्गा उपलब्ध गराउन माग गरेको थियो। 

बञ्चरे डाँडा र धादिङको धुलीबेशीमा फोहोर व्यवस्थापन गर्नको लागि महानगरले प्रधानमन्त्री शेरबहादुर देउवालाई आग्रह गरिसकेकाे श्रेष्ठले जानकारी दिए। आजदेखि भने अस्थायीरूपमा भ्याली टु भन्ने स्थानमा फोहोर व्यवस्थापन भइरहेको उनको भनाइ छ। 

‘अस्थायीरूपमा भ्याली टु भन्ने स्थानमा फोहोर फाल्न आजदेखि गाडी गएका छन्,’ उनले भने ‘यो दीर्घकालीन समस्या समाधान होइन। फोहोर व्यवस्थापनको लागि सरकारले छिट्टै जग्गा उपलब्ध गराओस्।’

 

यो खबर पढेर तपाईलाई कस्तो महसुस भयो ?

सम्बन्धित समाचार

‘थोत्रो थिति फालौं, आउनुस् नयाँ थालौं’

माइतीघर मण्डलाबाट सुरु भएको प्रदर्शन बानेश्वरमा पुगेर रोकियो। त्यस क्रममा दमाहा बजाइयो, गीत गाइयो।  प्रदर्शनकारीले ‘महिला हिंसाविरुद्ध लडिरहेका....

खोप केन्द्रमा  ठेलमठेल र भिडभाड : प्रधानमन्त्रीको निर्देशनको प्रभाव देखिएन 

आजबाट खोपको प्रारम्भ गर्दै प्रधानमन्त्री देउवाले ' आज उपत्यकाका अर्थोपेडिक अस्पताल जोरपाटी, शिक्षण अस्पताल महाराजगन्ज, वीर अस्पताल, नेपाली....

विश्वासको मत लिन संसद्मा यस्तो छ तयारी

संसद्मा सम्बोधन गरेको आधारमा उनको पक्षमा बहुमत देखिए पनि प्रमाणित हुन मतदान आवश्यक पर्ने भएकाले सचिवालयले पक्ष र विपक्षमा रहेकाहरूलाई छुट्टाछुट्टै मत व्यक्त गर्ने व्यवस्था....

बालकोटको बाल्कोनीमा देखिएको ओलीका दश पोज

बालुवाटारदेखि बालकोटसम्म पुग्दा उनलाई सङ्घका कार्यकर्ताले पानीमा भिज्दै स्कटिङ गरेका थिए। बाल्कोनीमा निस्किएका ओलीले आफ्ना समर्थकहरूलाई सम्बोधन पनि गरे। उनले त्यहाँ भिन्न भिन्न पोज दिइरहेका....

ओलीले सरकारी निवास छाड्दा बालुवाटारदेखि बालकोटसम्म रमिता  

उनले निवास छाड्दा सुरक्षाकर्मीले हैन मङ्गलवार ब्युँतिएको यूथ फोर्सको समूहले रमिता देखाउँदै स्कर्टिङ गरेका थिए। प्रधानमन्त्री नियुक्त....