खेलकुद

मुम्बईको तेस्रो जित, अंकतालिकामा यथावत 

उकेरा संवाददाता


तस्बिर : आइपिएलटिट्वान्टीडटकम।

काठमाडौं : इण्डियन प्रिमियर लिग (आइपिएल)को जारी सिजनमा मुम्बई इण्डियन्सले तेस्रो जित निकालेको छ।

दिल्लीको अरुण जेट्ली रंगशालामा आज (बिहीबार) राजस्थान रोयल्सलाई ७ विकेटले हराउँदै उसले प्रतियोगिताको जारी सिजनमा तेस्रो जित हासिल गरेको हो। 

जितसँगै ६ अंक बनाएको मुम्बई अंकतालिकाको चौथो स्थानमा यथावत छ। अंकतालिकामा चेन्नई सुपर किंग्स (१०), रोयल च्यालेन्जर्स बैंगलोर (१०) र दिल्ली क्यापिटल (८) क्रमशः पहिलोबाट तेस्रो स्थानमा छन्। 

जितका लागि १ सय ७२ रन पछ्याएको मुम्बईले १८.३ ओभरमा लक्ष्य पूरा गर्याे। उसका लागि क्विन्टन डि ककले अविजित रहँदै ७० रनको पारी खेले। यस्तै, कुर्णाल पाण्ड्याले ३९, सूर्यकुमार यादवले १६, रोहित शर्माले १४ रनको योगदान दिए। क्यारोन पोलार्ड १६ रनमा अविजित रहे। 

बलिङमा राजस्थानका क्रिस मोरिसले २ र मुस्तफिर रहमानले १ विकेट लिए। 

त्यसअघि टस हारेर ब्याटिङ गर्न आएको राजस्थानले निर्धारित २० ओभरमा ४ विकेट गुमाएर १ सय ७१ रन जोडेको थियो।

उसका लागि कप्तान सन्जु सैमसनले सर्वाधिक ४२ रन बनाएका थिए। यस्तै, जोस बटलरले ४१, शिवम दुबेले ३५ र यशस्वी जैसवालले ३२ रन जोडेका थिए। डेभिड मिलर ७ र रियान पराग ८ रनमा अविजित रहेका थिए। 

बलिङमा मुम्बईका राहुल चहरले २ र जसप्रित बुमराह र ट्रेन्ट बोल्टले समान १ विकेट लिएका थिए।

यो खबर पढेर तपाईलाई कस्तो महसुस भयो ?

सम्बन्धित समाचार

ब्राजिल र नेदरल्यान्ड्सको विजयी सुरुवात

स्टार खेलाडी नेयमारको उत्कृष्ट प्रदर्शनमा आइतबार राति भएको उद्घाटन खेलमा भेनेजुएलालाई ३ ० गोलले पराजित गर्दै ब्राजिलले विजयी सुरुवात गरेको हो। ब्राजिललाई जिताउन मार्क्विन्होस, नेयमार....

इङ्गल्यान्ड र क्रोएसियाको खेलमा एक दर्शक घाइते

वेम्वली स्टेडियममा इंग्ल्याण्डले १-० को अन्तरले क्रोएसियालाई जितेको सो खेलमा एक दर्शक खसेका हुन्। स्टेडियमका प्रवक्ताले खेल सुरु भए लगत्तै एक दर्शक खसेर गम्भीर घाइते....

क्रोएसियामाथि इंग्ल्यान्डको जित 

लण्डनको वेम्बली स्टेडियममा आइतबार राति सम्पन्न खेलमा उसले क्रोएसियालाई १–० गोल अन्तरले पराजित गर्याे।  इंग्ल्यान्डलाई जित दिलाउन खेलको ५७ औं मिनेटमा रहिम स्ट्रर्लिङले निर्णायक गोल....

युरो कपमा बेल्जियमको विजयी सुरुवात, लुकालुले गरे २ गोल 

रुसको सेन्ट पिटर्सवर्गमा शनिबार राति भएको खेलमा उसले घरेलु टोलीलाई ३–० गोल अन्तरले पराजित गर्याे।  बेल्जियमलाई जित दिलाउन रोमेलु लुकाकुले २ गोल गरे। यस्तै, थोमस....

युरो कप: मैदानमै बेहोस भए डेनमार्कका मिडफिल्डर

खेलको ४२ औँ मिनेटमा मैदानको टचलाइन छेउमा एक्लै हिँडिरहेको बेला डेनमार्कका मिडफिल्डर क्रिस्टियन एरिक्सन मैदानमै ढले। उनका टिमका खेलाडीहरूले उनलाई घेरा हालेर मेडिकल टिमलाई बोलाए।....