एनएमबि बैंकका ग्राहकलाई स्काइ वाकमा १० प्रतिशत छुट

काठमाडौं : एनएमबि बैंकले स्काइ वाक टावरको सञ्चालक वन्डर्स नेपालसँग ग्राहकहरूलाई विशेष छुट प्रदान गर्ने सम्झौता गरेको छ।

ग्राहकहरूले एनएमबि बैंकको डेबिट कार्ड, क्रेडिट कार्ड वा ई-एनएमबि एप मार्फत स्काइ बाक टावरको टिकट खरिद गर्दा १० प्रतिशत छुट व्यवस्था मिलाएको छ। यो व्यवस्था २ वर्षको लागि लागु हुनेछ।

एनएमबि बैंक विगत २७ वर्ष देखी अनवरत रुपमा बैंकिङ्ग सेवा सुविधा प्रदान गर्दै आएको नेपाल राष्ट्र बैंकबाट ‘क’ वर्गको इजाजत पत्र प्राप्त एक अग्रणी वित्तीय संस्था हो।

बैंकले दि फिनान्सियल टाईम्स, लण्डनको ‘द ब्यान्कर’ पत्रिकाद्वारा एसियाकै सर्वोत्कृष्ट बैंकको उपाधी ‘बैंक अफ दि इयर एसिया २०२१’ को उपाधिबाट सम्मानित भएको बैंक हो।

एनएमबि बैंकले २०१७, २०१८, २०२० र २०२१ मा समेत उक्त पत्रिकाद्वारा चार पटक नेपालकै उत्कृष्ट बैंकको उपाधि ‘बैंक अफ दि इयर नेपाल’ प्राप्त गरि सकेकको छ।

एनएमबि बैंकले हाल देश भर २०१ शाखाहरू, १८६ एटिएमहरू र ११ एक्सटेन्सन काउन्टरहरू मार्फत उच्चस्तरीय सेवा प्रदान गर्दै आइरहेको छ।

२० बैशाख, २०८१, १०:४३:५८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।