ईपीएस परीक्षा आजदेखि सुरू, परीक्षा सकिन एक वर्ष लाग्ने
काठमाडौँ : कोरियन भाषा परीक्षा आजदेखि सुरू भएको छ।
परीक्षा सकिन भने एक वर्ष लाग्ने भएको छ। दैनिक १ हजार जनाको दरले परीक्षा लिँदा पनि २०८१ को पुसमा पहिलो चरणको परीक्षा सकिने भएको हो।
ईपीएस कोरिया शाखाले तीन चरणमा गरेर परीक्षा लिनेछ।
पहिलो चरणमा ४७ हजार ५१९ जनाको परीक्षा लिइनेछ। सोमबारदेखि सुरू भएको पहिलो चरणको परीक्षा चैत २४ गते सकिने छ।
त्यसपछि दोस्रो चरणमा ७९ हजार ९३७ जनाको परीक्षा लिइनेछ। उक्त परीक्षा २०८१ को वैशाख ३१ गतेदेखि साउन १६ गतेसम्म चल्नेछ।
तेस्रो चरणको परीक्षामा ३६ हजार १७९ जना परीक्षार्थी सहभागी हुनेछन्। त्यस्तै, तेस्रो चरणको परीक्षा २०८१ को कात्तिक २६ गतेदेखि सुरु भएर २०८१ को पुस २ गतेसम्म चल्ने ईपीएस कोरिया शाखाले जनाएको छ।
ईपीएस मार्फत उत्पादनमूलक क्षेत्रमा काम गर्न कोरिया जान १ लाख ६३ हजार ६३५ जनाले आवेदन फारम भरेका छन्।
सन् २०२३ का लागि अनुमानित १५ हजार ४४८ जनालाई कोरियाको उत्पादनमूलक क्षेत्रमा लैजान बताएको थियो।
७ फागुन, २०८०, २०:०२:०५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
