फ्राइडे रिलिज : वर्षको अन्तिम फिल्म ‘बहाव’ एक्लै हलमा

काठमाडौं : यो वर्ष रिलिज हुने अन्तिम फिल्म बनेको ‘बहाव’ एकल रूपमा हलमा रिलिज भएको छ। बहावसँगै प्रसाद-२ रिलिज हुँदै थियो। लगानी विवादमा प्रसाद-२ को रिलिज रोकिएपछि बहाव एकल प्रदर्शनमा आएको हो।

बाबु-छोरीको सम्बन्धमा केन्द्रित फिल्म श्रीधर पौडेलले निर्माण गरेका हुन् भने प्रमोद कँडेलले निर्देशन गरेका हुन्। फिल्ममा कमलमणि नेपाल, सुरक्षा पन्त, अफरान अली, सूर्य शर्मा भद्म, ईश्वरी सिंह, हीरालाल कँडेल, पवन श्रेष्ठ लगायतको अभिनय रहेको छ। 

फिल्ममा वसन्त सापकोटा, सुशान्त गौतम र रिकेश गुरुङको संगीत, सज्जा चौलागाईंको स्वर, कार्तिकेय स्मिता कर्नाटकको छायांकन र सुजन बडालको सम्पादन रहेको छ।

निर्माण टिमले काठमाडौं र पोखरामा यस फिल्मको विशेष प्रदर्शन गर्दा सकारात्मक प्रतिक्रियाहरू आएको थियो। 

बहाव वर्ष २०७९ मा रिलिज हुने अन्तिम फिल्म हो। यो वर्ष कबड्डी-४ र छक्कापन्जा-४ ले मात्र राम्रो व्यापार गरेका थिए।

यसपछि भने नयाँ वर्षसँगै एकै दिन चार फिल्म रिलिज हुँदैछन्।

चैत २४, २०७९ शुक्रबार १२:०१:३६ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।