महानगरले निकाल्याे विज्ञप्ति- '१८ नगर प्रहरीमाथि सांघातिक आक्रमण गर्नेलाई कारबाही हाेस्'
काठमाडौं : काठमाडौं महानगरपालिकाले अनधिकृत संचरना हटाउने क्रममा सोमबार थापाथपलीमा नगर प्रहरी बलमाथि भएको आक्रमणको घटना छानबिन र दोषीमाथि कारबाहीको माग गरेको छ।
प्रवक्ता ननीन मानन्धरले सोमबार साँझ विज्ञप्ति जारी गर्दै दोषीमाथि कारबाहीको माग गरेका हुन्।
नियन्त्रणमा लिएर नगर प्रहरी शर्मिला बोगटीसहित १८ जनामाथि सांघातिक रूपमा घरेलु हतियार प्रयोग गरी आक्रमण भएको विज्ञप्तिमा उल्लेख छ।
घाइतेमध्ये बोगटीसहित तीन जनाको आईसीयूमा उपचार भइरहेको छ। महानगरले घटनाको संलग्नका जानकारी महानगरीय प्रहरी परिसर टेकुमा पठाएको पनि जनाएको छ।
आरोपितमाथि छानबिन र कानूनी कारबाहीको माग विज्ञप्तिमा गरिएको छ।
१२ मंसिर, २०७९, २१:५१:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
