उकेरा कला

अन्तर्राष्ट्रिय नाट्य महोत्सवको दोस्रो दिन, शबाना आजमीको 'मास्टर क्लास'


काठमाडौं: नेपाल अन्तर्राष्ट्रिय नाट्य महोत्सव २०७९ (निटफेष्ट २०२२) को आज दोस्रो दिन। आज भारतीय रंगकर्मी शबाना आजमीको 'मास्टर क्लास' प्रत्यक्ष रूपमा लिन पाइनेछ।

पाँच राष्ट्रिय अवार्ड र विभिन्न अन्तर्राष्ट्रिय सम्मान पाएकी आजमीलाई भारत सरकारले १९९८ मा पद्मश्री र सन् २०१२ मा पद्म भूषणबाट सम्मानित गरेको छ।

आज साढे सात बजे मण्डला थिएटरमा उनले रंगकर्मीहरूलाई मास्टर क्लास दिनेछिन्। यो मास्टर क्लासलाई कवि विप्लव प्रतीकले होस्ट गर्नेछन्।

त्यसअघि शनिबार देशदेमोना रूपकम नाटकको दुई शो हुनेछ। १२ बजे र ४ बजे हुने नाटक भारतीय नाट्य टोलीले मञ्चन गर्नेछन्। त्यस्तै मिस्टर एण्ड मिसेस क्राफ्ट, अ स्टोरी अफ पेपर मास्क नाटकको पनि दुई शो छ। २ बजे र ६ बजे स्पेन, इटालीका कलाकारले यो नाटक मञ्चन गर्नेछन्।

सामाजिक रूपान्तरणका लागि रंगमञ्च, विविधताको उत्सव भन्ने नाराका साथ सम्पन्न महोत्सवमा नेपालसहित १३ देशका १८ नाटक मञ्चन हुनेछन्।

पहिलो दिन दुई नेपाली नाटक मञ्चन
नाट्य महोत्सवको पहिलो दिन दुई नेपाली नाटकहरू मञ्चन भए। नयनराज पाण्डेद्वारा लिखित 'सर्पदंश'मा रहेको कथा 'कस्तुरी'को नाट्य रूपान्तरण उद्घाटन नाटक रह्यो। झण्डै १०० मिनेटको नाटकलाई कलाकार दिया मास्केले निर्देशन गरेकी हुन्।

नाट्यकथा कस्तुरीलाई शवाना आजमीले सुरुदेखि अन्त्यसम्म हेरिन्। उनले नाटकको लाइटिङ खुबै मन परेको बताएकी थिइन्। नाटकको बीचमा उनी एक्लैले ताली समेत बजाइन्, भलै नेपालको रंगमञ्चमा ताली बजाउन बर्जित छ।

कथा कस्तुरीको नाटकमा कसरी नेताहरूले चुनाव जित्न हद पार गर्नसक्छन् भन्ने विषय उठान गरिएको छ। झण्डै एक महिना सिनामंगलमा रहेको नेपाल फिल्म कलेजको हलमा मञ्चन भएको यो नाटकको प्रस्तुति उत्कृष्ट थियो।

त्यस्तै दोस्रो नाटक स्वरूप 'बुद्ध र भिखारी' नामको लोककथामा आधारित नाटक देखाइयो। यो नाटक 'स्याडो' (छायाँ) नाटक हो। सानो पर्दामा लाइट पारेर देखाइएको नाटकको प्रस्तुतिलाई धेरैले मन पराएका थिए।

सधैँ सुनिरहेको लोक कथालाई रमाइलो पारामा छायाँ चित्र मार्फत भनिएको थियो।

यो खबर पढेर तपाईलाई कस्तो महसुस भयो ?

सम्बन्धित समाचार

कियारा र सिद्धार्थको विहे ६ फेब्रुअरीमा, शाहरुख खानको एक्स बडिगार्डलाई सुरक्षाको जिम्मा

यो दरबारको हरेक दिनको भाडा एकदेखि दुई करोड भारुसम्म पर्ने गरेको छ। विहेमा आउने निम्तालुहरूका लागि मर्सिडिज बेञ्ज, ज्यागुअर, बीएमडब्ल्यू जस्ता ७० वटा कारको व्यवस्था....

मिस नेपाल २०२३ को आवेदन खुला, नेपाली नागरिकता र पासपोर्ट चाहिने

यस पटक सात वटै प्रदेशमा अडिसन हुने भएको छ। जसअनुसार काठमाडौं अडिसन १८ मार्च २०२३ मा पार्क भिलेज, बूढानीलकण्ठमा हुनेछ। त्यस्तै इटहरी, वीरगञ्ज, पोखरा, नेपालगञ्ज, सुर्खेत....

फिल्म 'प्रेमा'को फर्स्टलुक सार्वजनिक, शुभेच्छा-अरुण-सृष्टिको त्रिकोणात्मक प्रेमकथा

अर्को फर्स्टलुकमा शुभे्च्छा, अरुण र सृष्टिलाई खुशीको मुडमा देख्न सकिन्छ। तेस्रोमा शुभेच्छा र अरुण रोमान्टिक हुँदा छेउमा अरुण र सृष्टिको खुशीको मुड देखाइएको छ। निर्देशक....

बहिष्कार र विवादपछि विकास बोर्डको प्रष्टीकरण : सूर्य कर्पोरेशनलाई व्यवस्थापकीय जिम्मा दिइएको हो, ३० लाख होइन

शुक्रबार विज्ञप्ति निकालेर बोर्डका चलचित्र संग्रहालय, सूचना तथा अन्तर्राष्ट्रिय सम्बन्ध अधिकृत चिरञ्जीवी गुरागाईंले  युएईको दुबईमा हुने नेपाल सिनेमा फेस्टका लागि बोर्डले ३० लाख रुपैयाँ छुट्याएको....

अभिनेत्री साम्राज्ञीसँगको दुश्मनीले ‘ह्यारीकी प्यारी’को प्रिमियरमा गएनन् बोर्ड अध्यक्ष केसी

फिल्मका निर्माता, लेखक तथा डीओपी सुदिप बरालले साम्राज्ञीसँगको व्यक्तिगत दुश्मनीकै कारण बोर्ड अध्यक्ष भुवनले प्रिमियरको निम्तो अस्वीकार गरेको बताए। उनले भने, ‘बोर्डको अध्यक्ष भएपछि उहाँले व्यक्ति हेर्नु हुन्न....