स्थानीय सरकार

बालेन शाहको २८ बुँदे प्रतिबद्धता: कुकुर तिहार र म्ह पूजाको ब्राण्डिङदेखि वृद्धभत्ताको होम डेलिभरीसम्म


काठमाडौंः आसन्न स्थानीय तहको निर्वाचनमा काठमाडौं महानगरपालिकाको मेयर पदमा स्वतन्त्र उम्मेदवारी घोषणा गरेका पात्र हुन्- बालेन शाह। केही महिनाअघिबाटै चुनावी अभियानलाई तीव्र पारेका शाहले आज आफ्नो प्रतिबद्धता पनि सार्वजनिक गरेका छन्।

२८ बुँदे प्रतिबद्धतामा उनले आफू महानगरको मेयर भएमा के-के योजना अघि सार्ने भन्ने खुलाएका छन्। उनको योजना शिक्षा, स्वास्थ्य, संस्कृतिदेखि सुरक्षासम्मको छ।

'हाम्रो नगरमा पहिले हामी गरौँ! अरूले पछि गर्लान्, अहिले हामी गरौँ! आजसम्म दलले गरे, अब बदल्नेले गरौँ!' भन्ने नारासहित उनले प्रतिबद्धता पत्रको सुरु गरेका छन्। सुरुमै उनले शिक्षा क्षेत्रका योजनालाई अघि सारेका छन्।

त्यहाँ उनले महानगरको सामुदायिक विद्यालयको पूर्वाधार, गुणस्तर र वातावरणमा सुधार गर्ने र प्राविधिक शिक्षामा जोड दिने उल्लेख गरेका छन्। यस्तै इतिहास, योग, आयुर्वेद जस्ता पौराणिक शिक्षासँगै विश्वस्तरमा जोड्न सकिने खालका उच्चस्तरीय प्रविधिसहितका कक्षा १ देखि ८ सम्मको पाठ्यक्रम परिमार्जन गर्ने पनि उल्लेख गरेका छन्।

हप्ताको एक दिन सामुदायिक विद्यार्थीमा सीप, उद्यमशीलता, खेलकुद, सङ्गीत, कला तथा नेतृत्त्व विकासका लागि प्रशिक्षण कार्यक्रमको व्यवस्था गर्ने पनि उल्लेख छ।

यस्तै प्रत्येक वडामा योग्य चिकित्सक, नर्सिङ प्रोफेसनल, फार्मासिस्ट र नियमित स्वास्थ्य जाँचका लागि डायग्नोष्टिक ल्याबसहितको स्वास्थ्य क्लिनिकको सुरुआत गरिने पनि बालेनको प्रतिबद्धतामा समावेश छ।

पूर्वाधारको हकमा महानगरपालिकाभित्रका केही भवनहरू भाडामा लिएर बहुतल्ले पार्किङमा परिणत गरिने बताइएको छ। उपभोग अवधि तथा समयअनुसार खुला ठाउँमा फुटपाथ व्यवसायको समय तालिका निर्धारण गरिने पनि प्रतिबद्धता पत्रमा उल्लेख छ।

यस्तै यातायातको हकमा महानगरको आफ्नै ट्याक्सी एप सञ्चालन गर्ने बालेनको योजना छ।

संस्कृतिको हकमा अन्तर्राष्ट्रियस्तरमा कुकुर तिहार र म्ह पूजाको ब्राण्डिङ गर्ने बालेनको योजना छ। सांस्कृतिक सम्पदा वरिपरिका घरहरूको जीर्णोद्धार र पुनर्स्थापना गर्दै आफ्नै शैलीअनुसार मुहार फेर्ने योजना पनि उनको छ। यस्तै नेवाः छें (नेवारी घर) को प्रवर्द्धनको निम्ति इञ्जिनियरिङ र आर्किटेक्चरका पाठ्यक्रमहरूमा त्यस शैलीको विज्ञानलाई जोड दिने उल्लेख छ।

बालेनले डिजिटल र होम डेलिभरी सरकारको अवधारणा पनि अघि सारेका छन्। उनले सबै वडामा अनलाइन भुक्तानी प्रणाली सुरु गर्ने उल्लेख गरेका छन्। यस्तै जन्म, मृत्यु तथा विवाहदर्ता जस्ता प्रमाणपत्रका फारमहरू अनलाइनमै आवेदन दिन पाइने प्रावधान मिलाइने बताएका छन्।

यी कागजातहरूसँगै वृद्धभत्ता होम डेलिभरी गरिने र होम डेलिभरीका लागि रोजगारी सिर्जना गर्ने बालेको योजना छ।

यस्तो छ प्रतिबद्धता पत्रको पूर्णपाठ

यो खबर पढेर तपाईलाई कस्तो महसुस भयो ?

सम्बन्धित समाचार

रोल्पाका दुई स्थानीय तहबीचको सीमा विवाद समाधान गर्न समिति गठन

यसका लागि लुम्बिनी प्रदेश सभा सदस्य दीपेन्द्रकुमार पुन मगरको नेतृत्त्वमा रोल्पा नगर प्रमुख सुरेन्द्र थापा घर्ती र माडीका अध्यक्ष अमरसिंह घर्ती मगरसहितको टोली विवादित क्षेत्रमा पुगेको....

पोखराको व्यस्त सडकमा ‘पार्किङ’ गर्न रोक

महानगरपालिकाले मुख्य शहरी क्षेत्रको पृथ्वीचोक–सभागृह चोक, न्यूरोड, बीपीचोक, चिप्लेढुङ्गा, महेन्द्रपुल, नयाँबजार, पृथ्वीचोक सडकखण्डमा यही माघ २३ गते सोमबारदेखि पूर्णरूपमा पार्किङ निषेध गर्ने निर्णय गरेको हो।....

गर्भनर अधिकारी र मेयर शाहबीच भेटवार्ता, सहकारी नियमनबारे छलफल

भेटमा प्रमुख शाहले, महनगरको कार्यक्षेत्रमा रहेका सहकारीहरूमा सर्वसाधारणले बचत गरेको रकम सुरक्षा गर्न महानगरले अनुगमन र नियमनका कामलाई प्राथमिकता दिएको उल्लेख गरे। यसलाई थप प्रभावकारी....

कामपाको वडा कार्यालयबाटै राष्ट्रिय परिचयपत्र विवरण सङ्कलन

सुरुमा नौ र क्रमशः ३२ वटै वडाबाट उक्त सुविधा उपलब्ध गराउन कामपाले राष्ट्रिय पञ्जीकरण विभागसँग अन्तिम चरणको छलफल गरिसकेको प्रवक्ता नवीन मानन्धरले बताए। निश्चित स्थानमा मात्र परिचयपत्र....

काठमाडौं महानगरपालिकाले हटायाे ९ हजार अनधिकृत बोर्ड

महानगरले गएको असोज ७ गते मापदण्ड बमोजिम राख्न सकिने बोर्डको आकार र त्यसमा लाग्ने वार्षिक शुल्कसमेत उल्लेख गर्दै ३० दिने सार्वजनिक सूचना जारी गरेकाे थियाे।....