उकेरा जुनियर

सुशीलाको पुस्तक 'पानीमा रुझ्नु हुँदैन' प्रकाशित


काठमाडौँ : सुशीला प्रधानाङ्गको लेखन र सञ्जीप कँडेलको चित्राङ्कन रहेको 'पानीमा रुझ्नु हुँदैन' शीर्षकको चित्रकथा प्रकाशित भएको छ।

चित्र कथाले कमजोर आर्थिक अवस्था भएका परिवारमा जन्मेर हुर्केका बालबालिकाको सोचाई, बुझाई र व्यवहार कति पृथक् हुन सक्छ भन्ने कुरालाई इङ्गित गरिएको छ।

'पानीमा रुझ्नु हुँदैन' शीर्षक चित्र कथाको प्रमुख पात्र हो ईश्वर। कथामा, ईश्वर विद्यालय जान पानी रोकिने प्रतीक्षामा हुन्छ तर पानी रोकिने छाँट हुँदैन। ईश्वरको आमा तुलसाले झ्यालबाट बाहिर हेर्दै भन्छिन्, 'एकै छिन पख् छोरा! पानी रहला जस्तो छैन। फेरि बाटामा पानी पर्‍यो भने रुझौला । पानीमा रुझ्नुहुन्न। बिरामी परिन्छ।'  

ईश्वरसँग पानी परेको बेला विद्यालय जान बर्सादी हुँदैन र आमाको बिग्रेको छाता ओढेर जाँदा साथीले जिस्काउँदा पनि नराम्रो नमानी बरु अरू साथीलाई पनि छातामा ओट दिन्छ।

यस पुस्तकमा बालबालिकालाई आफूसँग उपलब्ध भएको कुरालाई सदुपयोग गर्नुपर्छ भन्ने विषयवस्तु रमाइलो तरिकाले प्रस्तुत गरिएको छ।

यो पुस्तक तीन वा तीन वर्षभन्दा माथिका बालबालिकाका लागि पढेर सुनाउन, पुस्तकबारे छलफल गर्न तथा सात वर्षभन्दा माथिका बालबालिकाले आफैँ अध्ययन गर्न उपयुक्त छ। 

यो खबर पढेर तपाईलाई कस्तो महसुस भयो ?

सम्बन्धित समाचार

राष्ट्रव्यापी बाल शास्त्रीय सङ्गीत प्रतियोगितामा रूपक प्रथम, नूर दोस्रो

उनले इशराज बजाएकी थिइन्। सोही प्रतियोगितामा बेला बजाएर सौम्य सिंह तेस्रो भएकी थिइन् भने आहाना महर्जनले सान्त्वना पुरस्कार पाइन्। शास्त्रीय सङ्गीतलाई फैलाउन किरातेश्वर संगीताश्रमले हरेक....

एक शिर्षक, दुई कथा : शंका

२ गाउँमा कुनै गाउँलेको घरको भित्ता दिनभरी परेको वर्षाले गर्दा भत्कीन लागेको थियो । उनको १० वर्षको छोराले बाबालाई....

फ्याउरो र बाख्री

फ्याउरोको यो कुरा सुनेपछि बाख्रीले निकै आत्मविश्वासका साथ भनि,- " राम्रो सोच्नेलाई कहिल्यै पनि नराम्रो हुँदैन फ्याउरो दाई । तिमीले झुठो बोले पनि मैले पत्याएँ....

सङ्गत

एकदिन उनै साथीहरुको लहलहैमा लागेर कमल पनि खोलामा पौडी खेल्न गयो । स्कूलमा छुट्टी भईसकेको थिएन । खोलामा पौडी खेल्दा उसलाई रमाईलो पनि लाग्यो ।....

जिम क्यारीको चेक

उनमा आत्मविश्वास भने गज्जबको थियो । भनिन्छ उनी खासै लोकप्रिय नभएकै अवस्थामा पनि उनले आफुसँग भएको एउटा चेकमा आफ्नै नाममा एउटा १० मिलियन डलरको चेक....