लुम्बिनी प्रदेशको मन्त्रिपरिषद् विस्तार, छ जना विना विभागीय मन्त्री नियुक्त
बुटवल : लुम्बिनी प्रदेशमा मन्त्रिपरिषद् विस्तार भएको छ।
लुम्बिनीका मुख्यमन्त्री जोखबहादुर महराले ६ जना विना विभागिय मन्त्रीहरू नियुक्त गर्दै मन्त्रिपरिषद् विस्तार गरेका हुन्।
नियुक्त भएका मन्त्रीहरूको सपथ आजै साँझ ५ बजे हुँदैछ।
नयाँ मन्त्रीहरूमा दिनेश पन्थी, भुमिश्वर ढकाल, अर्जुनकुमार केसी, रत्नबहादुर खत्री, धर्मबहादुर चौधरी र खड्क बस्नेत रहेका छन्।
यता मुख्यमन्त्री महराले यसअघि नियुक्त भएका मन्त्रीहरूलाई भने जिम्मेवारी दिएका छन्।
चेतनारायण आचार्यलाई आर्थिक मामिला तथा योजना मन्त्रालयको जिम्मेवारी दिइँदा दिपेन्द्रकुमार पुनलाई स्वास्थ्य मन्त्रालय र भण्डारीलाल अहिरलाई कृषि तथा भूमि व्यवस्था मन्त्रालयको जिम्मेवारी दिइएको छ।
त्यस्तै महराले सरकारमा सहभागी एकीकृत समाजवादी, जनता समाजवादी पार्टी र नागरिक उन्मुक्ति पार्टीलाई थप एक मन्त्रालय फुटाएर भए पनि भागबन्डा पुर्या उने गरी लागेका छन्।
मन्त्रिपरिषद्मा सामेल नगराए एकीकृत समाजवादी र जसपाले सरकारबाट बाहिरिने चेतावनी दिइसकेका छन्।
नेपालको संविधानको धार १६८ को उपधार ९ बमोजिम कार्य विभाजन गर्ने गरी प्रदेश मन्त्रिपरिषद् गठनका लागि मुख्यमन्त्रीले सिफारिस गरेका हुन्।
माओवादी केन्द्र संसदीय दलका नेता महरा चैत २३ गते मुख्यमन्त्री नियुक्त भएका थिए।
६ बैशाख, २०८१, १२:५४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
