उकेरा जुनियर

दुई प्रेरक प्रसंग

उकेरा संवाददाता


अमेरिकाका प्रथम राष्ट्रपति जर्ज वाशिंगटन र फोर्ड मोटरका मालिक, हेनरी फोर्ड ,Photo Credit : wikipedia.org

महान व्याक्तिहरुका जीवनका स-साना प्रसंगहरु पनि निकै प्रेरणादायक हुने गर्छन् । उनीहरुका सोच, उनीहरुको जीवनशैली र आचरणले आममानिसहरुलाई पनि ती अनुकरणीय क्रियाकलापहरुलाई अपनाउँदै अघि बढ्न प्रेरित गर्नेगर्छ ।

समयको पालना

अमेरिकाका प्रथम राष्ट्रपति जर्ज वाशिंगटन समयको पक्का पालक थिए । एकचोटि उनले केही विशिष्ट पाहुनाहरूलाई तीन बजे खाजाको लागि बोलाएका थिए । साढे तीन बजे उनी सैन्य कमाण्डरहरूको एउटा महत्वपूर्ण बैठकमा भाग लिनु पर्ने थियो । खाना ठीक तीन बजे तयार थियो। खाना टेबलमा राखिएको थियो, तर राष्ट्रपति पाहुना भने आएनन् । पर्खनुको सट्टा, राष्ट्रपतिले ठीक तीन बजे एक्लै खाना खान थाले । आधा खाना सकिसकेपछि पाहुनाहरू आइपुगे । उनले लाजै नमानी मजाले खान खाईरहे । खाना खाईसकेपछि उनी भर्खर आएका पाहुनाहरुसँग बिदा लिँदै बिना हिच्किचाहट बैठकमा भाग लिन गए । झट्ट हेर्दा अपमानजनक लागेतापनि  यो घटनाले समय व्यवस्थापनको महत्व देखाउँछ अनि महान ब्याक्तिहरुले पालना गर्ने समयनिष्ठतालाई दर्शाउँछ ।


आफ्नो विगत

फोर्ड मोटरको मालिक, हेनरी फोर्ड विश्वको सबैभन्दा धनी मानिन्थे, उनका कारहरु विश्वप्रसिद्ध थिए । एक पटक एकजना भारतीय उद्योगपति फोर्डसँग परामर्श लिन अमेरिका गएका थिए। भारतीय उद्योगपति अमेरिका पुगेर हेन्री फोर्डलाई भेट्न समय मागे । फोर्ड, " दिउसो आफुले धेरै  समय दिन नसक्ने हुँदा तपाईं साँझ छ बजे आफ्नै निवासमा आउनुस् " भन्दै ती भारतीय उद्योगपतिलाई साँझको समय दिए । साँझ फोर्डको निवासमा ती भारतीय उद्योगपति पुग्दाखेरी त्यहाँ एकजना  भाँडा माझ्ने मान्छेलाई भेटे अनि हेनरीसरसँग अपोइन्टमेण्ट लिएको कुरा भने । यो सुनेपछि ति भाँडा माझ्ने मान्छे उद्योगपतिलाई त्यहीँ बस्न लगाएर भित्र पसे अनि एकछिनमा बाहिर निस्कदै आफुलाई हेनरी फोर्ड भन्दै चिनाए । यो देखेर भारतीय उद्योगपत्ति अल्लमल्ल परे । हेनरीले ती उद्योगपतिको असमञ्जतालाई बुझिहाले अनि आफ्नो विगत सुनाउँदै म पनि शुरुमा सामान्य मान्छे नै थिएँ र त्यो बेलादेखि गरेको मेहनतका कारणले नै आज फोर्ड माटरको मालिक बनेको छु भने । साथ आफ्नो विगतलाई बिर्सर्ने मान्छे कहिल्यै ठूलो मान्छे बन्न सक्दैन भने । यो सुनेर ती भारतीय उद्योगपति हेनरी फोर्डसँग निकै प्रभावित बने ।

 

यो खबर पढेर तपाईलाई कस्तो महसुस भयो ?

सम्बन्धित समाचार

प्रधानमन्त्री ओलीले बालबालिकालाई भने‘इमानदार हुनु’

प्रधानमन्त्रीको निजी सचिवालयले जारी गरेको प्रेस नोटमा उल्लेख भए अनुसार प्रधानमन्त्री ओलीले बालबालिकालाई आफ्नो कामप्रति इमानदार रहन सम्झाउँदै  पढाइ वा खेल जुनसुकै क्षेत्रमा पनि इमानदार....

जीवजन्तुका केही रमाईला तथ्यहरु !

हौसला

आफ्ना साथी त्यहाँ खसेपछि सबै भ्यागुतोहरुलाई निकै चिन्ता लाग्यो । उनीहरुले आफ्ना खसेका साथीहरुलाई कुनै पनि हालतमा निकाल्न सक्दैनथे । खसेका दुवै भ्यागुताहरुले आफ्नोतर्फबाट बाहिर....

माछाको मज्जाको संसार !

* शार्क ह्वेल माछा सबैभन्दा ठूलोमाछा हो जसको लम्बाई १२ मिटर जति हुन्छ अनि तौल १८ टन भन्दा बढि हुन्छ। * सेलफिस सबैभन्दा छिटो कुद्ने....

'सुन्तला' रंग पहिले कि फल ?

वास्तवमा अरेञ्जको मूल उत्पती संस्कृत शब्दबाट भएको मानिन्छ । संस्कृतमा सुन्तलाको रुखलाई 'नारंग' भनिन्छ । हुन त प्राचिन पर्सियन भाषामा पनि सुन्तलालाई ' नारंग 'नै....