हडतालमा उत्रिए इङ्गल्याण्डका ‘रेसिडेन्ट डाक्टर’
एजेन्सी : इङ्गल्याण्डमा ‘जुनियर डाक्टर’ भनेर चिनिने रेसिडेन्ट डाक्टरहरूले आम्दानीमा कमी आएको भन्दै पाँच दिने हड्ताल शुरू गरेका छन्।
बढ्दो जीवनयापनका कारण लागत बढेको र आम्दानीमा आएको कमीको विरोधमा हड्ताल शुरू गरेका हुन्। यो विगत दुई वर्षमा इङ्गल्याण्डमा डाक्टरहरूले गरेको १३औं हडताल हो।
हडतालका कारण बेलायतको राष्ट्रिय स्वास्थ्य सेवा क्षेत्रको शल्यक्रिया र नियुक्तिहरू स्थगित हुने ठूलो जोखिम बढेको छ।
ब्रिटिश मेडिकल एसोसिएसनद्वारा आयोजना गरिएको हडताल लामो समयदेखिको समस्या र कर्मचारीको गम्भीर अभावले सडकमा उत्रन बाध्य पारेको हो।
मेडिकल विद्यार्थीहरू कार्यक्षेत्रमा प्रवेश गर्ने पहिलो चरण भनेको आवासीय डाक्टरहरू हुन्। यद्यपि, जीवनयापन लागतमा निरन्तर वृद्धिले युवा पेशेवरहरूको आयप्रति असन्तुष्टि निम्त्याएको हो।
हडताल मार्च २०२३ पछि बेलायतमा स्वास्थ्य सेवाकर्मीहरूले गरेको १३औं ठूलो स्तरको हडताल हो।
कात्तिक २९, २०८२ शनिबार १२:२५:१५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
