उपप्रधानमन्त्री श्रेष्ठलाई हृदयाघात

उपप्रधानमन्त्री श्रेष्ठलाई हृदयाघात

काठमाडौं : उपप्रधानमन्त्री तथा गृहमन्त्री नारायणकाजी श्रेष्ठलाई हृदयाघात भएको छ।

श्रेष्ठ  छातीमा असहज महशुस भएपछि मंगलबार राति शहीद गंगालाल हृदयरोग केन्द्रमा भर्ना भएको गृह मन्त्रालयका प्रवक्ता एवं सहसचिव नारायण प्रसाद भट्टराईले जानकारी दिए।

गत असोज ३० गतेदेखि कात्तिक १ गतेसम्म चीन भ्रमणमा रहेका बेला मन्त्री श्रेष्ठलाई हृदयाघात भएपछि त्यहिँ उपचार गरिएको थियो।

उक्त समयमा नै मुटुको अर्कोपट्टी धमनीमा समेत केही अवरोध देखिएको थियो।

उक्त आंशिक अवरोधलाई मंगलबार साँझ डाक्टर अरुण मास्केसहितको चिकित्सकको टोलीले एन्जियोप्लास्टी सर्जरी गरेको प्रवक्ता भट्टराईद्वारा जारी विज्ञप्तिमा उल्लेख छ।

मुटुको कोरोनरी धमनीसम्बन्धी रोगका कारण अवरुद्ध कोरोनरी धमनी खोल्नको लागि गरिने एक प्रक्रिया नै एन्जियोप्लास्टी हो।

यसले ओपन-हार्ट सर्जरीविना मुटुको मांसपेशीमा रक्त प्रवाह पुनर्स्थापित गर्दछ। हृदयघात जस्ता आपतकालीन अवस्थामा एन्जियोप्लास्टी गर्न सकिन्छ।

श्रेष्ठ अहिले सघन उपचार कक्ष (आईसीयू)मा रहेकाे र उनको स्वास्थ अवस्था स्थिर रहेको छ।

२० मंसिर, २०८०, ०७:५०:२८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।