नेपाल बाहिर

१७ महिनामा अफगानी महिलामाथि तालिबानले लगाएका आठ ठूला प्रतिबन्ध


तस्वीर- ईपीए

एजेन्सी : अगस्ट २०२१ मा, तालिबान अफगानिस्तानको सत्तामा फर्कियो।

त्यसपछिका पछिल्ला १७ महिनामा यहाँ महिला अधिकारहरू सीमित बन्दै गएक छन्। यसअघि ९० को दशकमा शासन गर्दाभन्दा यस पटक महिलाहरूप्रति राम्रो दृष्टिकोण अपनाउने वाचासमेत उनीहरूले गरेका थिए।

विगत १७ महिनामा कसरी महिला अधिकार खोसियो त अफगानिस्तानमा?

सेप्टेम्बर २०२१ः तालिबानले एक जना पनि महिला नेतृ नभएको अन्तरिम सरकार घोषणा गर्‍यो, जसले केटीहरूलाई माध्यमिक विद्यालयमा जान नदिने घोषणा गर्यो। सरकारी निकायमा काम गर्ने महिला कर्मचारीलाई पुरुष नभेटेसम्म घरमै बस्न भन्यो।

नोभेम्बर २०२१ः तालिबानले अफगानिस्तानमा टिभी कार्यक्रमहरूमा महिलाहरूलाई देखाउन प्रतिबन्ध लगायो।

डिसेम्बर २०२१ः तालिबानले महिलाहरूलाई सडकबाट लामो दूरीको यात्रा गर्न प्रतिबन्ध लगाउनुका साथै निश्चित दुरीभन्दा लामो यात्रा गनुपरे कुनै पुरुष साथीविना बाहिर निस्कन रोक लगायो।

मार्च २०२२ः लामो समय आलटालपछि जब विद्यालय खोलियो। तब तालिबानले आफ्नो वाचाबाट विमुख भएर केटीहरूलाई माध्यमिक विद्यालयमा जान पूर्ण रूपमा प्रतिबन्ध लगायो।

मे २०२२ः महिला र केटीहरूलाई दुई दशकपछि पहिलोपटक सार्वजनिक रूपमा हिजाब लगाउन र अनुहार ढाक्न आदेश दिइयो। मे महिनाको अन्त्यसम्ममा समाचार पढ्दा हिजाब लगाउने नियमको विरोध गर्ने महिला टिभी एन्करहरूलाई विशेष गरी हिजाब लगाउन छुट्टै आदेश दिइयो।

अक्टोबर २०२२ः तालिबानले युनिभर्सिटीमा महिलाहरूलाई धेरै विषयहरू अध्ययन गर्न प्रतिबन्ध लगायो।

नोभेम्बर २०२२ः काबुलको कुनै पनि पार्कमा महिलाहरूलाई जान प्रतिबन्ध लगाइयो।

डिसेम्बर २०२२ः तालिबानले गैरसरकारी संस्थामा महिलालाई काम गर्न प्रतिबन्ध लगायो।

यो खबर पढेर तपाईलाई कस्तो महसुस भयो ?

सम्बन्धित समाचार

पाकिस्तानमा जातीय समूहबीच झडप हुँदा पाँच जनाको मृत्यु

घटनामा एक जना घाइते भएका स्थानीय सञ्चारमाध्यमले जनाएका छन्। अधिकारीहरूका अनुसार जिल्लाको बाग–ए–नारी क्षेत्रमा जमिनको विवादलाई लिएर झडप भएको थियो। झडपमा दुवै समूहले स्वचालित हतियारको....

लाइभ टिभीमा डिग्री च्यात्ने प्राध्यापकलाई तालिबानले पक्रियो

तालिबानले अहिलेसम्म आधिकारिक रूपमा इस्माइल मशाललाई गिरफ्तार गरेकोबारे टिप्पणी गरेको छैन। यद्यपि तालिवान सूचना मन्त्रालयका एक सदस्यले सामाजिक सञ्जालमा उनीसँग निष्पक्ष व्यवहार गरिने दाबी गरेका छन्। टिभीमा....

पाकिस्तानको एक राजमार्गमा बस र ट्रक जुधे, बसमा सवार १८ जनाकाे मृत्यु

प्रहरीका अनुसार बिहीबार राति त्यस प्रान्तकाे कोहत जिल्ला अन्तर्गत इन्डस राजमार्गमा बस र ट्रक एकआपासमा ठोक्किएका थिए। विपरीत दिशातर्फबाट आएको ट्रकले बसलाई ठक्कर दिएको प्रहरीले जनाएको छ। दुर्घटनामा परेर....

मुद्रास्फीति बढेपछि अर्जेन्टिनाले जारी गर्‍यो दुई हजार पेसोको नोट

अर्जेन्टिनी दुई हजार पेसोको मूल्य ११ अमेरिकी डलर बराबर हुनेछ। यो भनेको आजको विनिमय दरअनुसार एक हजार ४५९ रुपैयाँ बराबर हो। पछिल्लो १२ महिनामा ९५....

जम्मू–कश्मीरमा ‘परफ्युम बम’ बरामद

दिलबाग सिंहका अनुसार यी दुवै बम २० जनवरीमा राखिएको थियो। जनवरी २१ मा मारवालमा २० मिनेटको अन्तरालमा दुईवटा विष्फोट भएको थियो, पहिलो विस्फोटमा नौ जना....