शब्दमाला

मसान (कविता)


धामीको फुकाइले भएन
झाँक्रीको ढ्याङ्ग्रोले भ्याएन
वैद्यको ओखतीले चलेन
तान्त्रिकको तन्त्रले छोएन
अभावले अन्धविश्वासलाई जन्मायो
की अन्धविश्वासले अभावलाई
ईश्वर नै जानुन्
उसलाई पैसाले टेरेन
विनापैसा उसलाई डाक्टरले हेरेन।

उसले यही समाजमा देखेको थियो
चन्दा उठाएर मन्दिर बनाएको
पुराण लगाएर समाधि पुजेको
वास्तवमा धर्म भनेकै समाधि पुज्नु हो
किनकि यज्ञ पनि सतीदेवीको समाधि स्थल बनेको थियो
जहाँ सतीको शरीर र दक्षको शिर होमिएको थियो।

ए रमिते भीडहरू
कुन समाधि पुज्छौ? 
आज एक बालकको कुपोषणले ग्रसित शरीरमा
अब अस्थिपन्जर बाहेक केही छैन
त्यसैले आऊ सबैजना पुजौं 
उपचारको अभावमा छटपटिरहेको शरीरलाई
उ पूजनीय बनेको छ 
किनकी उ मसान हो 
ज्यूँदो मसान
खेलिएको मसान
खेलाइएको मसान
त्यसैले उ पूजनीय बनेको छ।

यो खबर पढेर तपाईलाई कस्तो महसुस भयो ?

सम्बन्धित समाचार

दुई साहित्यकार सम्मानित

समाजले सुवेदीलाई ‘कसास यात्री स्मृति सम्मान–२०७७’ र गार्गीलाई  ‘कसास यात्री स्मृति सम्मान–२०७८’ प्रदान गरेको हो। कपन साहित्य समाजका परिकल्पनाकार एवं संस्थापक संरक्षक साहित्यकार अन्वेषक स्व. पूर्णप्रकाश....

साहित्यकारद्वय सुवेदी र शर्मा सम्मानित हुने

समाजले ‘कसास यात्री स्मृति सम्मान, २०७७’ साहित्यकार प्रा.डा. अभि सुवेदीलाई तथा ‘कसास यात्री स्मृति सम्मान, २०७५’ साहित्यकार प्रा.डा. गार्गी शर्मालाई प्रदान गर्ने निर्णय गरेको हो।....

विम्बकाे अवाञ्चित प्रयोगले खस्किएको ‘बिसे नगर्चीको बयान’

उक्त कवितामा लेखिएका केही संवेदनशील पंक्तिहरूलाई यहाँ उद्धृत गर्नु उपयुक्त होला। अढाइ सय वर्षपछि आज के भयो मलाई? यो बिसेलाई दशा लाग्यो मालिक....

अभिनेत्री पन्तले 'पिर्का' शीर्षकमा कविता लेखेपछि रविका फ्यान रिसाए

यही मेसोमा साहित्यमा समेत रुचि राख्ने अभिनेत्री सुरक्षा पन्तले कविता नै लेखिन् 'पिर्का' शीर्षकमा र सामाजिक सञ्जाल फेसबुकमा राखिन्। अहिले पिर्कासँगै अभिनेत्री पन्तको कविता पनि....

'कारा' पुस्तक समीक्षा: साहित्य जसरी नलेखिएको, वकालत क्रममा सुनेका घटनाहरूको सङ्ग्रह जस्तो उपन्यास

निरङ्कुस पञ्चायती व्यवस्थाविरूद्ध प्रजातन्त्र प्राप्तिका लागि २०४६ सालमा जनआन्दोलनको सुरु भएको समयको सेरोफेरोको कथा हो यो उपन्यास। यो जेलभित्रको निरङ्कुशताको कथा हो। वर्षौं जेल....