उकेरा न्युज

१६१ सिटको टुङ्गो लाग्दा संसद्मा महिलाको सङ्ख्या नौ, दलित समुदायबाट जम्मा एक जना


काठमाडौं:  प्रतिनिधि सभामा महिला र दलित समुदायको उपस्थिति अत्यन्त कमजोर देखिएको छ। प्रत्यक्षतर्फ १६५ प्रतिनिधि सभा सदस्यमध्ये हालसम्म १६१ स्थानको अन्तिम परिणाम सार्वजनिक भइसकेको छ।

प्रतिनिधि सभामा अहिलेसम्मको १६१ सिट पाँच प्रतिशत अर्थात् नौ जना मात्रै महिला निर्वाचित भएका छन्। नेपाली कांग्रेसबाट एक, एमालेबाट चार, माओवादी केन्द्रबाट एक, राष्ट्रिय स्वतन्त्र पार्टीबाट दुई तथा नागरिक उन्मुक्ति पार्टीबाट एक महिला निर्वाचित भएका छन्।

एमालेबाट कास्की क्षेत्र नं २ बाट पार्टीकी केन्द्रीय सदस्य विद्या भट्टराई, धनुषा क्षेत्र नं ३ बाट पोलिटब्यूरो सदस्य जुलीकुमारी महतो, बारा क्षेत्र नं ३ बाट पार्टी पोलिटब्यूरो सदस्य ज्वालाकुमारी साह र केन्द्रीय सदस्य भगवती चौधरी सुनसरी निर्वाचन क्षेत्र नं ३ बाट निर्वाचित भएका छन्।

मा‌ओवादीबाट दाङ क्षेत्र नम्बर २ बाट रेखा शर्मा निर्वाचित भएकी छिन्। यस्तै तेह्रथुमबाट कांग्रेसकी केन्द्रीय सदस्य सीता गुरुङ निर्वाचित भएकी छिन्।

राष्ट्रिय स्वतन्त्र पार्टीबाट डा. तोसिमा कार्की र सोविता गौतम निर्वाचित भए। कार्की ललितपुर क्षेत्र नं ३ र गौतम काठमाडौं क्षेत्र नं २ बाट निर्वाचित भएका हुन्। नागरिक उन्मुक्ति पार्टीका अध्यक्ष रञ्जिता श्रेष्ठ कैलाली क्षेत्र नं १ बाट निर्वाचित भइन्।

संसद्मा ३३ प्रतिशत महिला अनिवार्य हुनुपर्ने संवैधानिक व्यवस्था छ।

यता प्रतिनिधि सभामा दलित समुदायबाट प्रतिनिधित्व गर्ने एक जना मात्रै हालसम्म निर्वाचित भएका छन्। एमाले सचिव छविलाल विश्वकर्मा रुपन्देही निर्वाचन क्षेत्र नं १ बाट निर्वाचित भएका हुन्।

विसं २०६४ को संविधान सभाको पहिलो निर्वाचनमा ६०१ जनामध्ये ५१ जना (आठ दशमलव ४८ प्रतिशत) दलितको प्रतिनिधित्व थियो। तीमध्ये तत्कालीन माओवादीबाट सात जना प्रत्यक्ष निर्वाचित भएका थिए।

विसं २०७० मा भएको संविधान सभाको दोस्रो निर्वाचनमा दलितको प्रतिनिधित्व ५१ बाट घटेर ४१ जना (६.८२ प्रतिशत) मा झर्‍यो। जसमध्ये दुई जना एमालेबाट प्रत्यक्ष निर्वाचित भएका थिए।

संविधान जारी भएपछिको पहिलो प्रतिनिधि सभाको निर्वाचन, २०७४ मा १९ जना (६ प्रतिशत) दलितको प्रतिनिधित्व भएको थियो। एमालेबाट दुई र माओवादी केन्द्रबाट एक जना प्रत्यक्ष निर्वाचित भएका थिए।

यो खबर पढेर तपाईलाई कस्तो महसुस भयो ?

सम्बन्धित समाचार

यौन प्रलोभनमा ‘नेपाली गर्ल्स’ एप डाउनलोड, ६ घण्टामा बैंक खातै रित्तियो

उनको एनआइसी एसिया बैंकमा खाता थियो। उनी यसै बैंककै इ-बैंकिङ सेवा प्रयोग गर्थे। गत मंसिर २५ गते भने ७ बजेदेखि रातको १ बजेसम्म उनकाे मोबाइल फोन आफ्नाे नियन्त्रणमा थिएन। यसै....

प्रधानमन्त्री दाहाल र मलेसियाका गृहमन्त्री इस्माइलबीच भेटवार्ता

प्रधानमन्त्री तथा मन्त्रिपरिषद्को कार्यालय, सिंहदरबारमा भेटवार्ता भएको प्रधानमन्त्रीको सचिवालयले जनाएको छ। भेटमा मलेसियामा रहेको नेपाली आप्रवासी कामदारको हित संरक्षण लगायत आपसी हितका विषयमा छलफल भएको....

कार्यकर्ताको भावनाबमोजिम राष्ट्रपतिमा लड्न चाहन्छु : शुक्रराज शर्मा

शुक्रबार विहान सोल्टीमोडस्थित निवासमा कांग्रेस नेताहरूसँगको छलफलपछि अवसर दिएको खण्डमा राष्ट्रपतिको उम्मेदवारको रूपमा अघि बढ्न तयार रहेको शर्माले बताएका हुन्। छलफलमा सहभागी नेताहरूले राष्ट्रपतिमा स्वच्छ....

बिहीबारदेखि भीरमा अड्किएका पुरुषको शुक्रबार सकुशल उद्वार

पर्वतको कुश्मा नगरपालिका–५ स्थित बडागाउँ भिरमा अड्किएका वडा नम्बर ७ दुर्लुङ्गचोक बस्ने ५३ वर्षीय गौतमको शुक्रबार सशस्त्र प्रहरील उद्धार गरेको हो। स्थानीयले जानकारी गराएपछि सशस्त्र....

आफ्नै बुवाको हत्या आरोपमा ३२ वर्षीय युवा पक्राउ

५५ वर्षीय निरकुमार राईको हत्या अभियोगमा चन्द्रपुर नगरपालिका–६ हातेमालो सामुदायिक वन नजिक बस्ने ३२ वर्षीय प्रकाश राईलाई बिहीबार राति प्रहरीले पक्राउ गरेको हो। मादक पदार्थ....