उकेरा न्युज

कांग्रेस गठबन्धनमा सहभागी हुन सिके राउत 'सकारात्मक'


काठमाडौं : पहिलो निर्वाचनमै प्रतिनिधि सभामा पाँच सिट सहित उदाएको जनमत पार्टीलाई कांग्रेस नेता विमलेन्द्र निधिले सरकारमा आउन आग्रह गरेका छन्।

निधि र जनमत पार्टीका अध्यक्ष सिके राउतबिच बुधवार भएको भेटघाटमा उनले राउतलाई बधाई दिँदै सरकारमा सहभागी हुन आग्रह गरेका हुन्।

सप्तरीबाट जनता समाजवादी पार्टीका अध्यक्ष उपेन्द्र यादवलाई हराएर विजयी भएका राउत कांग्रेस नेता निधिलाई भेट्न निधी निवास बानेश्वर पुगेका थिए।

भेटका क्रममा निधिले राउतलाई सत्तारुढ गठबन्धनमा सहभागी हुन प्रस्ताव गरेको निधिको सचिवालयले जानकारी दिएको छ। राउतले जवाफमा केन्द्र र प्रदेश सरकारमा आफूहरू सहभागी हुन सकारात्मक रहेको जवाफ दिएको निधी सचिवालयको दाबी छ।

भेटमा राउतले आफू शान्ति र लोकतन्त्रमा विश्वास गर्ने प्रजातन्त्रवादी भएको र कांग्रेससँग सहकार्य गर्न सहज हुने बताएको सचिवालयको दाबी छ।

प्रत्यक्षतर्फ एक सिट जितेको जनमत पार्टीले समानुपातिकतर्फको थ्रेसहोल्ड कटाउँदै राष्ट्रिय पार्टी बनेसँगै पाँच सिट पक्का गरेको छ। सत्ता गठबन्धन सरकार बनाउन आवश्यक १३८ मध्ये ६ सिट पर छ।

यो खबर पढेर तपाईलाई कस्तो महसुस भयो ?

सम्बन्धित समाचार

आफ्नै बुवाको हत्या आरोपमा ३२ वर्षीय युवा पक्राउ

५५ वर्षीय निरकुमार राईको हत्या अभियोगमा चन्द्रपुर नगरपालिका–६ हातेमालो सामुदायिक वन नजिक बस्ने ३२ वर्षीय प्रकाश राईलाई बिहीबार राति प्रहरीले पक्राउ गरेको हो। मादक पदार्थ....

कांग्रेस महामन्त्रीले प्रचण्डलाई भने-‘कि सन्दीपलाई बधाई दिनुस्, कि यो प्रकरणमा पनि अदालत कुरौं, हतारको गल्ती सच्याउँ’

यस विषयमा खेलकुदमन्त्रीको समेत जिम्मेवारी लिएका प्रचण्ड र सरकार माैन रहेकाले उनले सामाजिक सञ्जालमार्फत सरकारको ध्यानाकर्षण गराएका हुन्। शर्माले ट्वीटमार्फत भनेका छन्, ‘खेलकुदमन्त्री पनि प्रधानमन्त्री नै हुनुहुन्छ। ध्यानाकर्षण....

आफैंले चलाएको गाडी डिभाइडरमा ठोक्किएपछि बेहाेस भए घनश्याम भुसाल

आफैंले चलाएको गाडी डिभाइडरमा ठोक्किएपछि उनी बेहाेस भएका थिए। हाल उनकाे बानेश्वरमा रहेको सिभिल अस्पतालमा उपचार भइरहेको छ। उनकाे स्वास्थ्य अवस्था सामान्य रहेकाे बुझिएकाे छ।

अटोमा लुकाएर १७ किलो गाँजा ल्याउँदै गर्दा पाँच जना पक्राउ

अटो चालक इटहरी उपमहानगरपालिका- ११ का ३७  वर्षीय महमद हजरत अली, अटोमा सवार इटहरी- १३ का १९ वर्षीय आकाश पटेल र २७ वर्षीय आशिष पटेललाई पक्राउ....

९, ११ र १२ वर्षका नाबालिग बलात्कार गर्ने ७३ वर्षीय वृद्धलाई जन्मकैदको फैसला

नाबालिग बलात्कार गरेको अभियोगमा बिहीबार आरोपितलाई जन्मकैदको फैसला भएको जिल्ला अदालतका श्रेस्तेदार मीनबहादुर कुँवरले जानकारी दिए। मुद्दाको संवेदनशीलताका कारण पीडकको नाम खुलाउन नमिल्ने उनले बताए।....