उकेरा फिचर

डेढ लाख कमाउने चिया पसलेकाे जागिर संघर्ष: टेलिकम छाडेर सेनामा भर्ती भए, हवल्दार कुटेर नौ महिनामै टाप


काठमाडौं : उमेरले ५८ लागेका पुरुषोत्तम पाठक भत्केको पुलनजिकै चिया बेच्छन्। उनलाई श्रीमती सिर्जना पाठकले सघाउँछिन्। 

काठमाडौंमै जन्मे हुर्केका पाठकलाई बाल्यकालको कतिपय घटना सम्झना छैनन्। तर, उनलाई आफ्ना बाले आफू पाँच वर्षकै उमेरको हुँदा छाडेर हिँडेको भने अझै याद छ।

बा विनाको बाल्यकाल सम्झँदा उनी अहिले पनि भावुक हुन्छन्। आफ्नो आमा र बाको एक्लो सन्तान रहेका पाठकलाई आमाले नै हुर्काइन्।

‘बासँग भेट नभएको ५२ वर्ष भयो,’ उनी भन्छन्, ‘अहिले ज्यूँदै छन् कि मरिसके भन्ने पनि मलाई थाहा छैन।’

आमाको दुःख सम्झेर ६, ७ कक्षाभन्दा धेरै पढ्न नपाएकोमा पाठकले कहिल्यै आमाप्रति गुनासो व्यक्त गरेनन्। बरू जस्तो छ, त्यस्तै समयलाई उनले सजिलै स्वीकारे।

सानोमा उनी अर्काको खेत खन्न जाने गर्थे। शिवपुरीबाट दाउरा ल्याएर खाना बनाउन आमालाई सघाउँथे। यी बाहेक उनले भैंसी चराउँथे भने कहिलेकाहिँ साथीभाईसँग कुस्ती पनि खेल्थे।

जागिरमा टिक्न नसकेका पाठक
१७ वर्षकै कलिलो उमेरमा सरकारी जागिर खान काठमाडौंबाट जनकपुर पुगेका पाठकले आफ्नो सरकारी जागिरलाई दुई वर्षभन्दा बढि निरन्तरता दिन सकेनन्।

नेपाल टेलिकममा सरकारी जागिर खाएका उनले गर्मी र लामखुट्टेका कारण जागिरे छोडेर आएको सुनाउँछन्।

‘के गर्नु तराईको गर्मी र मच्छड मेरा दुश्मन भन्दा कम थिएनन्,’ उनले भने, ‘त्यसपछि राजीनामा दिनुबाहेक म सँग अरू विकल्प नै थिएन।’

सरकारी जागिर छाडेर सेनामा भर्ती भएका पाठकले त्यसलाई पनि निरन्तरता दिन सकेनन्। हवल्दारलाई नै कुटेर भागेका उनले सेनाको जागिरमा पनि ९ महिना मात्रै टिक्न सके।

सेनाको जागिर पनि नफापेपछि उनी टोयोटा गाडीको कम्पनीमा काम गर्न पुगे। जहाँ उनी गाडी सर्भिसिङ गर्थे तर त्यो जागिरमा पनि १५ दिनभन्दा बढि टिक्न सकेनन्।

गाडी कम्पनीबाट परिवार नियोजन सम्बन्धी काम गर्ने संस्थामा जागिर खान थाले। त्यहाँ उनको तलब ४५० रूपैयाँ थियो। कामको लागि फिल्ड भिजिटमा राजविराजसम्म पुगेका थिए उनी।

यसरी हिँडिराख्नुपर्दा उनलाई दिक्क लाग्दो रहेछ। त्यसमाथि समयमा तलब पनि पाएनछन्। पैसा उठाउन गएकै ठाउँबाट उनले ५९६ रुपैयाँ लिएर काठमाडौं बसपार्क पुगे र वीरगञ्ज हानिए।

वीरगञ्जबाट कोलकत्ता पुगेका उनले त्यहाँ एक प्लाष्टिक कम्पनीमा काम गरे। दुई वर्ष काम गरेपछि मुम्बई पुगेका पाठकले त्यहाँ ११ महिना काम गरेर पुनः कोलकत्ता नै नै फर्किए।

कोलकत्तामा एउटा सेक्युरिटी गार्ड कम्पनीमा एक वर्ष काम गरेका उनी बिदामा नेपाल आए। यहाँ घरजम भयो अनि भारत गएनन्। विवाह भएपछि पुनः उनको जागिरको सिलसिला अगाडि बढ्यो।

८ वर्ष एउटा कार्पेट कम्पनीमा काम गरेका उनले त्यसको दुई वर्ष त्रिवेणी ग्राभेल कम्पनीमा काम गरे। त्यो जागीर पनि छाडेर उनी घर रँगाउने मिस्त्री भए।

घर–घरमा रंग लगाउँदै हिंड्न थाल्दा उनले ठेक्कापट्टाको काम पनि गर्ने गर्न भ्याए। कोरोनाको समयमा भने उनको काम भएन। १४ वर्ष गरेको कामलाई उनलाई उने त्यहि समयमा चटक्का छोड्नुपर्यो।

अहिले चिया बेचेर मासिक डेढ लाख
कतै पनि जागिरमा स्थिर भएर टिक्क नसकेका पाठकले त्यसपछि बुढेसकाल लागेको अनुभव गरे र श्रीमतीसँग सल्लाह गरेर चिया पसल खोल्ने निर्णय गरे।

चिया पसल सुरु गर्दाताका पनि उनको व्यवसाय सजिलै फस्टाउन सकेको थिएन। जब ५ देखि ६ महिनासम्म जेनतेन चलाएका पसल अहिले भने राम्रैसँग चल्न थालेको छ।

जाडो याममा दिनमा ३०० कपसम्म चिया बेच्ने उनको पसलमा चियाको २० रूपैयाँमात्र पर्छ।  त्यसमा पनि माथि कफी छर्कन भ्याउँछन् उनी। चियाको मात्रै हिसाब गर्ने हो भने पनि महिनाको १ लाख ८० हजार आम्दानी हुन्छ।

चियासँगै चना, चप, डोनटआदि पनि बेच्छन्। उनको सबै खर्च कटाउँदा पनि महिनाको डेढ लाख बचत हुने बताउँछन्। अहिले पसल जसरी चलिरहेको छ उसरी नै चलोस् भन्नेमा छन् उनी। ठूलो पार्ने उनको योजना छैन। उनी यसैमा सन्तुष्ट छन्।

तीन छोराछोरीका मातापिता पाठक दम्पतीका तीन छोराछोरी छन्। सबैको विहाबारी भइसक्यो। अहिले कमाएको पैसाले बुढेसकालका लागि जोगाएर राखेको उनी बताउँछन्।

‘तीन सन्तान् छन्, विहादा सबैको भयो,’ मुसुक्का हाँस्दै उनी भन्छन्, ‘अहिले जे जति कमाइ हुन्छ, त्यो हाम्रो सुखी बुढेसकालका लागि हो।’

यो खबर पढेर तपाईलाई कस्तो महसुस भयो ?

सम्बन्धित समाचार

तीन उद्यमी दिदीबहिनीको कथा: जसले भवन निर्माणको क्षेत्रमा नेपालमै नयाँ प्रविधि भित्र्याए

तीन छोरीले कम्पनी हाँक्न थाले। र, भवन निर्माणमा नयाँ प्रविधि भित्र्याउँदै 'आईटी स्टिल स्ट्रक्चर सोल्युसन्स प्राली' समेत सुरु गरे। सृष्टि उद्योगको प्राविधिक निर्देशक हुन्।....

शरीर र मनमा ऊर्जा उत्पन्न गराउने पर्व माघे सङ्क्रान्ति

तरुल, घ्यू, चाकु, लड्डु जस्ता परिकारमा शूक्ष्म पोषक तत्त्व पाइने जनस्वास्थ्यविज्ञ डा. अरुणा उप्रेती बताउँछिन्। तरुलमा आइरन, फाइबर, क्याल्सियम, म्याग्नेसियम जस्ता तत्त्व पाइने उनले बताइन्।....

स-साना कुरा भनेर बेवास्ता गरेकै कारण सम्बन्धविच्छेद हुन सक्छन्, यी हुन् जोगाउने उपाय

लेखकद्वय म्याथम फ्रे तथा जोएना ह्यारिसनले यस्ता समस्याबाट बच्ने उपायका बारे गहन अध्ययन गरेका छन्। घरेलु हिंसा तथा आपराधिक गतिविधि जस्ता सम्बन्ध टुटाउने मुद्दाका बारेमा....

भाँडा माझेर कमाएको पैसाले व्यवसाय थालेका सकिन्द्र, जसलाई छोराहरूको पढाइ पूरा गर्न पाए लकडाउन र महानगरको डर नै हुँदैन थियो

उनी भन्छन्, 'परिवारबाट भागेर १२ वर्षको उमेरमा नै काठमाडौं आएको थिएँ। त्यो पनि अरू मान्छे बसेको सिटमुनि बसेर। बाआमाको निकै प्यारो छोरा थिएँ। अहिले बाआमामाथि....

कृषिको ओरालो यात्राः पहुँचवालाले नै दिन सकेनन् निरन्तरता, कामदार विदेशीन वाध्य

चर्चित कलाकारहरू मदनकृष्ण श्रेष्ठ र हरिवंश आचार्यको अगुवाइमा सुरु गरिएको यो ‘मह एग्रिकल्चर’ फार्म ७ वर्ष चलेर बन्द भयो। १२ जना मिलेर ५५ लाख रुपैयाँ....