करण जोहरको फिल्ममा काजोलको इन्ट्री, सैफ अली खानका छोरा इब्राहिमसँग देखिने

करण जोहरको फिल्ममा काजोलको इन्ट्री, सैफ अली खानका छोरा इब्राहिमसँग देखिने

एजेन्सी : बलिउड स्टार सैफ अली खानका छोरा इब्राहिम अली खान बलिउड डेब्यूका कारण चर्चामा छन्।

जानकारीका अनुसार करण जोहरले उनलाई बलिउडमा लन्च गर्न लागेका छन्। यसअघि पनि करणले आलिया भट्टदेखि जाह्नवी कपूरसम्मका धेरै स्टारकिड्सलाई फिल्मी संसारको बाटो देखाइसकेका छन्।

इब्राहिम हाल फिल्म ‘रकी और रानी की प्रेम कहानी’ मा सहायक निर्देशकको रूपमा काम गरिरहेका छन्। यसैबीच इब्राहिम डेब्यु फिल्ममै उद्योगको सबैभन्दा सफल अभिनेत्रीमध्येकी एक काजोलसँग देखिने भएका छन्।

मिडिया रिपोर्टका अनुसार काजोलले साइन गरेको यो फिल्मको सुटिङ अर्को वर्ष अर्थात २०२३ मा सुरु हुनेछ। फिल्म कश्मीर र आतंकवादको वरिपरि घुमेको देख्न सकिने बलिउडलाइफले लेखेको छ।

इब्राहिम मात्र होइन काजोल पनि फिल्मका लागि निकै उत्साहित छिन्।फिल्ममा उनको भूमिका निकै महत्त्वपूर्ण रहेको समाचारमा उल्लेख छ।

हालै काजोल ‘बिग बोस १६’ को सेटमा आफ्नो आगामी फिल्म सलाम भेन्कीको प्रमोशन गर्न पुगेकी थिइन्। यस क्रममा उनले बिगबोसका परिवारका सदस्यहरूसँग पनि कुरा गरिन्। उनले अब्दु रोजिकको निकै प्रशंसा गरिन्।

यसअघि काजोल ‘तानाजीः द अनसँग वारियर’मा देखिएकी थिइन्। यो फिल्ममा उनीसँगै अजय देवगन पनि थिए। यो फिल्मलाई फ्यानहरूले खुलेर प्रशंसा गरेका थिए भने बक्सअफिसमा पनि राम्रै कमाई गरेको थियो।

अर्कोतर्फ, इब्राहिम अली खान आफ्नो डेब्यूको लागि पूर्ण रूपमा तयार छन्। उनकी बहिनी सारा अली खानले बलिउडमा धेरै फिल्ममा काम गरिसकेकी छन्।

साराले सन् २०१८ मा फिल्म केदारनाथबाट बलिउडमा डेब्यु गरेकी थिइन्।

१२ मंसिर, २०७९, २०:०३:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।