उकेरा प्रदेश

गठबन्धन नभत्किए गण्डकीमा उनीहरूकै बहुमत, समानुपातिकमा राप्रपाको सुधार


पोखरा : नयाँ सरकार गठनको समयसम्म पाँच दलीय गठबन्धनको एकता कायमै रहे गण्डकीमा उनीहरूकै सरकार बन्ने निश्चित भएको छ। गण्डकी प्रदेशको प्रदेशसभाका प्रत्यक्षतर्फका ३६ मध्ये सार्वजनिक भएका ३४ सिटमध्ये गठबन्धनका दलबाट २१ उम्मेदवार निर्वाचित भइसकेका छन्।

अब ,स्याङ्जाका २ प्रदेश सभा क्षेत्रको मात्रै मत परिणाम आउन बाँकी छ। स्याङ्जा क्षेत्र नम्बर २ का (क) र (ख) बाहेकका ३४ वटा क्षेत्रको मत परिणाम आइसकेको छ।

कांग्रेसले चापाकोट नगरपालिकाका–४ वटा मतदान केन्द्रमा बुथ कब्जा गरेर ९८ प्रतिशत मत हालेको आरोप लगाउँदै एमालेका उम्मेदवार पद्यमा अर्यालले निर्वाचन आयोगमा उजुरी गरेका कारण त्यहाँको मत गणना रोकिएको छ।

२०७४ को निर्वाचनमा बाम गठबन्धनका कारण कांग्रेस प्रदेशसभाको प्रत्यक्षमा ६ सिट मात्र जितेको थियो। तर, अहिले कांग्रेसले १६ सिट जितिसकेको छ। ०७४ मा प्रत्यक्षमा ९ सिट जितेको माओवादी केन्द्र अहिले ५ सिटमा खुम्चिएको छ। ५ मध्येमा पनि बाबुराम भट्टराई नेतृत्वको नेपाल समाजवादीका एक जना उम्मेदवार छन्।

यसअघिको निर्वाचनमा प्रत्यक्षमा १७ सिट जितेको एमालेले अहिले १२ सिट मात्र जितेको छ। अघिल्लो निर्वाचनमा भन्दा एमालेले यस पटक प्रदेशसभामा ५ सिट गुमाउन पुगेको छ। गण्डकी प्रदेशसभामा प्रत्यक्षमा ३६, समानुपातिक २४ सहित ६० सिट रहेको छ।

अब गठबन्धनका लागि सरकार बनाउन ३० सिट आवश्यक पर्छ। कांग्रेस र माओवादीको प्रत्यक्षमा पाएका कुल २२ र समानुपातिकतर्फ पाउने सिटको आधारमा सरकार बनाउन सहज बहुमत पुग्ने देखिन्छ। अहिलेसम्म समानुपातिक परिणाम भने सार्वजनिक भइसकेको छैन।

०७४ मा समानुपातिकतर्फ गण्डकीमा सबैभन्दा बढी मत एमालेले ल्याएको थियो। यस पटक पनि हालसम्म गणना भएको समानुपातिकतर्फको मत हेर्दा एमाले नै पहिलो बन्न सक्ने देखिन्छ। अघिल्लो पटक २४ समानुपातिक सांसदमध्ये एमालेबाट १०, कांग्रेसबाट ९, माओवादी केन्द्र ३, राष्ट्रिय जनमोर्चा र नयाँ शक्ति पार्टीबाट १-१ सांसद बनेका थिए। अहिले पनि मुख्य दलको परिणाम एक दुई सिट तलमाथि मात्र पर्न सक्ने देखिन्छ।

मनाङ (ख) बाट स्वतन्त्र उम्मेदवार गण्डकीका खेलकुदमन्त्री दीपक मनाङे (राजीव गुरुङ) सबैभन्दा पहिले निर्विरोध भएका थिए।

गठबन्धनमध्येको कांग्रेसले पाएका २१ मा ३ सिट गुमाइसकेको छ। अब, स्याङ्जाका दुई ठाउँको नतिजा आउन बाँकी छ। कांग्रेसले दुई वटै सिट जित्दा कुल १८ जना हुन्छन्। समानुपातिकमा यसअघि कांग्रेसले ९ सिट पाएको थियो। यस पटक पनि ९ सिट पाउँदा २७ पुग्छ। माओवादीका ५ प्रत्यक्षसहित समानुपतिकमा तीन- चार सिट आउने भएकाले ३६ सिट पुग्ने बलियो सम्भावना छ।

अघिल्लो पटक राष्ट्रिय जनमोर्चाले समानुपातिकबाट एक सांसद जितेको थियो।  अहिले पनि जनमोर्चाले एक सिट जित्ने सम्भावना जीवित छ। गण्डकीमा अहिलेको निर्वाचनमा मतका हिसाबले राष्ट्रिय प्रजातन्त्र पार्टीले राम्रो प्रगति गरेको देखिन्छ।

यस अघिको निर्वाचनमा समानुपातिकमा कुनै पनि उपस्थित नभएको राप्रपाले अहिले समानुपातिकमा दुई सिट जित्ने देखिएको छ। मत परिणाम हेर्दा चौथो नम्बरमा राप्रपा रहेको छ।  समानुपातिकमा हालसम्म गणना भएका परिणाम अनुसार एमाले तीन लाख, ४० हजार ५ सय ३३, कांग्रेस तीन लाख १७ हजार ५९६, माओवादी केन्द्र १ लाख १५ हजार ३६६ र राप्रपा ५७ हजार ५३ मत पाएका छन्।

यो खबर पढेर तपाईलाई कस्तो महसुस भयो ?

सम्बन्धित समाचार

बैंक तथा वित्तीय संस्थाले दुःख दिएको भन्दै पोखराका व्यवसायीले थाले संघर्षका कार्यक्रम

पछिल्लो समय आर्थिक मन्दीले व्यापार व्यवसाय चौपट भएका बेला बैंक तथा वित्तीय संस्थाले व्यवसायीलाई प्रताडित पर्ने कार्य गरेकाले यस गलत काम प्रति बाध्य भएर संघर्षमा उत्रिन....

झापामा सिटी सफारी अनियन्त्रित भइ पल्टिंदा चालकको मृत्यु

आज बिहान राजमार्गकाे पश्चिमबाट पूर्वतर्फ आउँदै गरेको प्रदेश १-०१-००१ ह ७६२९ नम्बरको सिटी आफैं अनियन्त्रित भएर दुर्घटना भएकाे थियाे। जसमा घाइते भएका ढुंगानाको उचारको क्रममा मृत्यु भएको इलाका प्रहरी....

बुटवलका बासिन्दाले पाउने भए रगत सम्बन्धी सबै सेवा निःशुल्क

जसअनुसार अब बुटवलभित्रका बासिन्दाले रुपन्देहीका अस्पतालहरुमा उपचार गराउँदा आवश्यक पर्ने रगत र रगतजन्य सेवा लिंदा शुल्क नलाग्ने व्यवस्था भएको हो। यस सम्झौतामा बुटवल उपमहानगरपालिकाका प्रमुख खेलराज पाण्डेय र नेपाल....

लुम्बिनीको मन्त्रिपरिषद् विस्तारमा ढिलाइ, प्रदेश सभाको बैठक भोलि बस्दै

लुम्बिनी प्रदेश सभा नियमावली २०७९ को नियम १२ को उपनियम ९३० बमोजिम दिउँसो १ बजे बैठक आह्वान गरिएको छ। यता प्रदेश सरकार विस्तारमा भने ढिलाइ....

उपमहानगरहरूको प्रथम राष्ट्रिय सम्मेलन बुटवलमा हुने

उपमहानगर प्रमुख खेलराज पाण्डेयले उपमहानगरहरूका साझा समस्याहरुको समाधानमा एकीकृत पहल गर्ने र साझा तथा एकल अधिकार प्रयोगमा एकरुपता ल्याउने उद्देश्य सहित सम्मेलनको आयोजना गरिएको बताए। सम्मेलनमा देशका ११....