उकेरा न्युज

ज्ञानेन्द्र कार्कीको क्षेत्रमा सुरु भएन रोकिएको गणना, प्रहरी र सशस्त्रको सङ्ख्या अस्वाभाविक


सुनसरी : सुनसरी- ४ मा शनिवार साँझदेखि मतगणना स्थगित छ। मतगणनामा पछि परेपछि 'धाँधली' भएको भन्दै सूचना, प्रविधि तथा सञ्चारमन्त्री ज्ञानेन्द्रबहादुर कार्कीको समूहले विवाद सुरु गरेपछि मतगणना रोकिएको हो।

हालसम्मको मतगणनामा कार्की झिनो मतान्तरले अग्रतामा छन्। सत्ता गठबन्धनका साझा उम्मेदवार कार्कीले २३ हजार ४३९ मत ल्याएका छन् भने उनका निकटतम प्रतिस्पर्धी एमालेका जगदीशप्रसाद कुसियैतले २३ हजार ३४१ मत ल्याएका छन्।

आयोगले मतगणनाको क्रममा ६०६ मत एमालेतर्फ जोडेको कार्की पक्षको माग छ। उनीहरूले पुनः मतगणनाको माग गरिरहेका छन्।

केही समययता मतगणना सुरु गर्न राजनीतिक दलबिच सहमतिको प्रयास गरे पनि सहमति हुन सकेको छैन।

अझै ४० हजार मत गन्न बाँकी नै छ। झिनो मतान्तरले मात्र कार्की अघि रहेको र गणना गर्न बाँकी क्षेत्रमा कुसियैतले उल्लेख्य ल्याउने सम्भावना देखिएपछि कार्की पक्ष मत गणना अगाडि बढाउने पक्षमा देखिएको छैन।

मतगणनास्थलमा नेपाल प्रहरीका २०/२२ जना जनशक्ति छन्। सशस्त्र प्रहरीका करिब दुई सयदेखि अढाई सय जनशक्ति छन्। सशस्त्रका सुनसरी गणका एसपी विक्रम हुमागाईँले सशस्त्र टोलीको नेतृत्व गरिरहेका छन्।

मत गणना सुरु गर्न आइतबार दिउँसो १२:४५ मा सर्वदलीय बैठक बसेको थियो। तर सहमति हुन सकेन। बैठकमा मतगणना स्थलमा सुरक्षाकर्मीको सङ्ख्या अस्वाभाविक बढाएको भन्दै अन्य दलका प्रतिनिधिले विरोध गरेका थिए।

कार्कीका प्रतिस्पर्धी एमालेका कुसियैतले बाक्लो सङ्ख्यामा सुरक्षाकर्मी परिचालन भएको भन्दै हालसम्म सुरक्षा निकाय निष्पक्ष देखिए पनि जिल्लाकै र देशका अन्य निर्वाचन क्षेत्रमा भन्दा बढी सङ्ख्यामा सुरक्षा फोर्स परिचालन हुँदा शङ्का बढेको बताए।

'मेरो बुझाइमा सुरक्षा निकाय निष्पक्ष छ। कांग्रेसले कार्यकर्ताको हुल लिएर आएको छ। त्यसले गर्दा फोर्स बढाएको होला। सुनसरी जिल्लामा मात्र होइन, अन्त पनि यतिको सङ्ख्यामा फोर्स छैन। करिब पाँच सयभन्दा बढी फोर्स अहिले पनि छ', उनले भने।

यो खबर पढेर तपाईलाई कस्तो महसुस भयो ?

सम्बन्धित समाचार

उकेरा टप फाइभ : सरकार छाडेपछि मिडियाप्रति रविले देखाएको आक्रोशदेखि गायिका मनिषाको प्रसव पीडा र खुसीकाे कथासम्म

आजका टप फाइभ महानगरले 'राम्रो व्यवस्थापन' भनेको बानेश्वरका फुटपाथ पसल राख्ने निजी भवनको ज्यादती, 'एक हप्ताको भाडा अग्रिम माग्दा व्यापारीले आत्महत्या गरे'

रविले सञ्चार प्रतिष्ठान र सञ्चारकर्मीलाई सार्वजनिक धम्की दिएकोमा महासंघको आपत्ति

आइतबार पार्टी सरकारबाट बाहिरिएसँगै उनले नेपाली सञ्चार क्षेत्रप्रति आलोचनात्मक अभिव्यक्ति दिएका थिए। महासंघ जारी गरेकाे विज्ञप्तिमा भनिएको छ, ‘सञ्चार प्रतिष्ठान र सञ्चारकर्मीको नामै लिएर सार्वजनिक रुपमा धम्की....

चितवन-२ मा उपनिर्वाचन होइन, आफूलाई निर्वाचित भएको घोषणा गर्न उमेश श्रेष्ठकाे माग

आइतबार पत्रकार सम्मेलनमा बाेल्दै उनले चितवन-२ मा उपनिर्वाचन गर्नु नपर्ने पनि बताएका छन्। श्रेष्ठ मंसिर ४ गते भएको प्रतिनिधिसभा सदस्य निर्वाचनमा चितवन क्षेत्र नं. २ मा लामिछानेसँग पराजित भएका....

रेशम चौधरीको मुद्दामा सर्वोच्चले दियो ‘प्रत्यर्थी झिकाउने’ आदेश

जिल्ला अदालत कैलालीले टीकापुर घटनाका मुख्य योजनाकार रहेकोमा चौधरीलाई जन्मकैदको फैसला सुनाएको थियो। टीकापुर घटनामा थारुवान आन्दोलनका क्रममा २०७२ सालमा नाबालकसहित ८ जना सुरक्षाकर्मीको मृत्यु....

रास्वपाले सराकार छाडेपछि प्रधानमन्त्रीले भने- ‘सत्ता साझेदार दलको एकतालाई जसरी पनि बचाउँछु’

रवि लामिछाने नेतृत्वको राष्ट्रिय स्वतन्त्र पार्टी (रास्वपा) ले सराकार छाडेपछि उनकाे याे प्रतिक्रिया आएकाे हाे। ‘सत्ता साझेदार दलको एकतालाई जसरी पनि बचाउँनुपर्छ भन्ने मेरो मान्यता हाे,’....