फोटो कथा

प्रकाशमानको एक सय २५ मतान्तरको हाँसो


काठमाडौं : लौ हार्ने भए भन्दाभन्दै काठमाडौं क्षेत्र नम्बर १ मा नेपाली कांग्रेसका नेता प्रकाशमान सिंहले राष्ट्रिय प्रजातन्त्र पार्टीका उम्मेदवार रवीन्द्र मिश्रलाई पराजित गरे तर झिनो मतले। २०७४ को निर्वाचनमा पनि सिंहले उनै मिश्रको चुनौतीको सामना गर्दै पराजित गरेका थिए। २०७९ मा उम्मेदवार त उही आए तर विचार बदलेर।

२०७४ मा मिश्र गणतन्त्र र धर्म निरपेक्षता स्वीकार गर्दै वैकल्पिक राजनीतिको बर्को ओढेर चुनावी मैदानमा आएका थिए। यो पटक उनी त्यो बर्को फालेर राजतन्त्र र हिन्दु राज्यको वकालतकर्ताको रूपमा चुनावी मैदानमा आएका थिए।

उनले गत निर्वाचन भन्दा मतमा राम्रै प्रगति गरे मतान्तरमा तर विजयी हुन सकेनन्। प्रकाशमान सिंहले ७ हजार १ सय ४३ मत ल्याएर उनलाई एक सय २५ मतले पराजित गरे। मिश्रले ७ हजार १८ मत ल्याए।

काठमाडौं-१ बाट निर्वाचित सिंहसहित प्रदेशका उम्मेदवारहरूलाई शुक्रवार निर्वाचन कार्यालयले कार्यक्रमै गरेर निर्वाचित प्रमाण पत्र दिएको थियो। मतान्तर निकै कम आए पनि निर्वाचित भएका सिंह कार्यक्रममा निकै प्रफुल्ल मुद्रामा थिए। हरेक निर्वाचनमा खस्कँदो साखले उनको मुस्कानलाई रोक्न सकेन। 

कार्यालयका अधिकारीले उनलाई प्रमाणपत्र दिएपछि निकै समयसम्म घोरिएर आफ्नो नाममा आएको प्रमाण पत्र पढिरहे उनले।

यो खबर पढेर तपाईलाई कस्तो महसुस भयो ?

सम्बन्धित समाचार

कान्छीको सङ्घर्ष : एक महिना लगाएर गलैँचा तयार पार्छिन्, तर जम्मा पाँच हजार पाउँछिन्

बुवा खेती किसानी गर्थे। त्यसले मात्र साँझ-बिहानको छाक टार्न मुस्किल हुन्थ्यो। यस्तोमा चार जना छोराछोरीले पढ्न, लेख्न पाउनु त....

मन्त्री फेरिए तर व्यवहार उही : न्याय माग्ने नियन्त्रणमा, आरोपी खुल्ला

धर्नामा संलग्न अधिकांश महिलाहरू छन्। उनीहरूले न्यायिक आयोग गठनको माग गरिरहेका छन्। धर्ना स्थलमा पुगेर गृहमन्त्री रवि लामिछानेले....

२८५९औँ सोनाम ल्होछारमा बुटवलमा निकालियो झाँकीसहितको र्‍याली [फोटो फिचर]

पुष्पलाल पार्कमा दीप प्रज्वलन गरी शान्तिपद यात्रा सुरु भएका थियो। र्‍याली दीपनगरस्थित तामाङ समुदायको पूजास्थानमा पुगेर शुभकामना आदानप्रदान कार्यक्रम गरी मनाइएको जिल्ला अध्यक्ष राजेश घिसिङले....

हनुमन्ते किनारमा माधवनारायणको मूर्ति स्थापना, एक महिनासम्म स्वस्थानीकाे कथा सुनाइने (फोटोफिचर)

स्वस्थानी व्रत सुरु हुने दिन घरमा राखिएको मूर्तिलाई हनुमानघाट तीर्थमा लगेर राखिएको हो। हनुमानघाट किनारमा एक महिनासम्म स्वस्थानी व्रत बस्ने र कथा सुन्ने गरिन्छ।

हनुमानढोका भित्र्याइयो चाँगुनारायणको कलश, कुमारीले गरिन् दर्शन (फोटोकथा)

कलश भित्र्याउनुअघि कुमारी घरबाट कुमारी बाहिर आएर कलशको दर्शन गरेकी थिइन्। कलश यात्रा रानीपोखरी पुगेपछि बालगोपालेश्वर मन्दिरमा कलशलाई प्रतिस्थापन गरेर हनुमान ढोका लागिएको थियो। यस....