उकेरा खेल
लियोनल स्कालोनी: अर्जेन्टिनी टिमको 'केयरटेकर' हुँदै सर्वाधिक सफल प्रशिक्षकसम्म
उनकै प्रशिक्षणमा अर्जेन्टिनाले गत वर्ष कोपा अमेरिका जित्दै लामो उपाधि यात्रा- २८ वर्षको खडेरी तोडेको थियो। सोही वर्ष उनी उत्कृष्ट फिफा फुटबल प्रशिक्षकको उपाधिको लागि मनोनित भएका थिए। तर अन्तिम तीनभित्र भने पर्न सकेनन्। यस्तै गत जुन १ मा भएको अर्जेन्टिना र इटालीबीचको फिनालिसिमा खेलमा इटालीलाई ३-० ले हराएको थियो।
पछिल्ला वर्ष अर्जेन्टिनाको टोलीमा ठूला ठूला नाम गरेका प्रशिक्षक आए। तर उनीहरू त्यति सफल नभइरहेको अवस्थामा 'केयरटेकर' प्रशिक्षकको रूपमा टिममा भित्रिएका थिए स्कालोनी।
सन् २०१९ को कोपा अमेरिकामा उनैले अर्जेन्टिनालाई सेमिफाइनलमा पुर्याएका थिए। सो प्रतियोगिताबाट उनी अर्जेन्टिनाको मुख्य प्रशिक्षक भए।
स्कालोनीले टिममा नयाँ पुस्ताका नयाँ अनुहार मिसाएर परिवर्तन गरे। उनले लियोनल मेस्सीलाई विश्वविजेता बनाउने कुरा 'राष्ट्रिय मुद्दा' नै बनाए। यही क्रममा एमिलियानो मार्टिनेजलाई गोलपोस्टको जिम्मेवारी दिइयो। क्रिष्टियन रोमेरोलाई रक्षापङ्क्तिमा सारियो। लियाद्रो परेडेसलाई सेन्टर मिडफिल्डमा सारियो।
यस्तै लाउटारो मार्टिनेज र डि मारियालाई पनि प्रशिक्षक स्कालोनीले दिएको जिम्मेवारी सफल साबित हुँदै गएको छ।
अब अर्जेन्टिनी टोलीका खेलाडी र प्रशिक्षकको एउटै उद्देश्य छ- मेस्सीले विश्वकपको उपाधि उचालेको हेर्ने। त्यसका लागि मरिमेटेका छन् उनीहरू।
२०७९ मंसिर ०६ गते १२:२० मा प्रकाशित
उकेरामा प्रकाशित कुनै सामग्रीबारे गुनासो भए या कुनै जानकारी भए हामीलाई ukeraanews@gmail.com मा इमेल गर्न अनुरोध गर्दछौ ।
सम्बन्धित समाचार
