उकेरा अर्थ

साप्ताहिक शेयर समीक्षा: विकास बैंक र फाइनान्स कम्पनीले ब्याजदर घटाउँदा थोरै उकासियो बजार


गत साता २८.४६ अंकले ओरालो लागेको नेपालको शेयर बजार यो साता ४३.१३ अंकले उकालो लागेर बन्द भएको छ। सँगसँगै कारोबार रकममा पनि वृद्धि भएको छ।

यो साता शेयर बजारमा पाँचै दिन कारोबार भयो। यी कारोबार दिनमा बजार दुई दिन घटेको र तीन दिन बढेको देखियो। 

अर्थतन्त्रका विभिन्न सूचकहरूमा देखिएको सकारात्मक परिवर्तनले शेयर बजारमा पनि सकारात्मक प्रभाव पारेको छ। बैंकहरूको सीडी रेसियो ८६ प्रतिशतमा झरेको छ भने तरलतामा केही सहजता देखिएको छ।

नेपाल राष्ट्र बैंकले बुधवार सार्वजनिक गरेको चालु आर्थिक वर्षको पहिलो ३ महिनाको त्रैमासिक विवरणले पनि सकारात्मक आँकडा प्रस्तुत गरेको छ। 

करिब १४ महिनापछि शोधनान्तर स्थिति सकारात्मक बनेको छ भने रेमिट्यान्स आप्रवाहमा पनि वृद्धि भएको छ। अर्थतन्त्रमा देखिएको सुधारको संकेतले लगानीकर्ताको मनोबल बढेको छ।

नेपाल स्टक एक्सचेञ्जका अनुसार कारोबारको अन्तिम दिन अर्थात् बिहीबार शेयर कारोबार मापक नेप्से परिसूचक २५.५७ अंकले बढेर १९३६.८३ विन्दुमा पुगेर रोकिएको छ। यस दिन नेप्से परिसूचक बढ्नुसँगै शेयर कारोबार पनि बढेर एक अर्ब ७१ करोड ५४ लाख १९ हजार २८६ रुपैयाँ पुगेको देखियो।

साताको पहिलो दिन अर्थात् आइतबारका दिन शेयर बजार १०.५८ अंकले घटेर नेप्से परिसूचक १८८३.१७ मा बन्द भएको थियो। यस दिन जम्मा ७७ करोड ४९ लाख ११ हजार ७०६ रुपैयाँको कारोबार भएको थियो।

सोमबारका दिनमा शेयर बजार २१.२८ अंकले बढेर नेप्से १९०४.४५ मा उक्लिएको थियो। यस दिन नेप्से बढ्नुसँगै कारोबार रकममा पनि केही वृद्धि हुन गई जम्माजम्मी ९४ करोड ६० लाख ८९ हजार ५२१ रुपैयाँको कारोबार भयो।

साताको तेस्रो दिन शेयर बजार ६.५८ अंकले घटेर नेप्से परिसूचक १८९७.८६ मा ओर्लिएको थियो। यस दिन एक अर्बको हाराहारीमा कारोबार भएको थियो।

साताको चौथो दिन शेयर बजार १३.३९ अंकले बढेर नेप्से परिसूचक १९११.२६ मा पुगेर रोकिएको थियो। यस दिन कारोबार मात्रै ८६ लाखमा सीमित हुन पुग्यो।

नेपाल स्टक एक्सचेञ्जका अनुसार कारोबारको अन्तिम दिन अर्थात् बिहीबार शेयर कारोबार मापक नेप्से परिसूचक २५.५७ अंकले बढेर १९३६.८३ विन्दुमा पुगेर रोकिएको छ। यस दिन नेप्से परिसूचक बढ्नुसँगै शेयर कारोबार पनि बढेर एक अर्ब ७१ करोड ५४ लाख १९ हजार २८६ रुपैयाँ पुगेको देखियो।

अब ६ गते चुनावपछि मात्रै शेयर बजार खुल्ने छ। सो साता नेप्सेलाई चुनावको नतिजाले प्रभाव पार्ने विश्लेषण अर्थविद्हरू गर्दैछन्। त्यसपछि चुनावमा खर्च भएको पैसा बैङ्किङ प्रणालीमा आउने हुँदा तरलता अरू सहज हुने विश्लेषकहरूको दावी छ।

अब शेयर बजार मङ्सिर ६ गते मात्रै खुल्ने छ।

यस साताको अध्ययनले नेप्सेमा राम्रो अङ्कले वृद्धि भएको हुँदा कारोबार रकम पनि उल्लेख्य मात्रामा बढेको देखिन्छ। यस साता लगानीकर्ता हाइड्रोपावरमा बढी आकर्षित भएको देखिएको छ।

नेप्से बढ्नुका पछाडि विकास बैंक तथा फाइनान्स कम्पनीहरूले थोरै मात्रामा भए पनि ब्याजदर घटाउनु, वाणिज्य बैंकहरूले मङ्सिर महिनामा ब्याजदर नबढाउने घोषणा गर्नु, बैंकहरूको निक्षेपमा सुधार आउनु, रेमिट्यान्समा वृद्धि हुनु, देशको वित्तीय स्थितिमा सकारात्मक परिवर्तन आउनु जस्ता कारणहरू प्रमुख मानिएका छन्।

अब ६ गते चुनावपछि मात्रै शेयर बजार खुल्ने छ। सो साता नेप्सेलाई चुनावको नतिजाले प्रभाव पार्ने विश्लेषण अर्थविद्हरू गर्दैछन्। त्यसपछि चुनावमा खर्च भएको पैसा बैङ्किङ प्रणालीमा आउने हुँदा तरलता अरू सहज हुने विश्लेषकहरूको दावी छ।

नेपाल राष्ट्र बैंक पनि चुनावलगत्तै मौद्रिक नीतिको पहिलो त्रैमासिक समीक्षा प्रस्तुत गर्ने तयारीमा छ। सो समीक्षामा राष्ट्र बैंकले तरलता सहज बनाउने र ब्याजदर घटाउने नीति लिने सम्भावना प्रबल छ। यसले पनि शेयर बजारलाई सकारात्मक दिशा प्रदान गर्ने छ।

यो खबर पढेर तपाईलाई कस्तो महसुस भयो ?

सम्बन्धित समाचार

हुन्डाइका ग्राहक नयाँपाल पाण्डेले पाए कतार पुगेर विश्वकपको फाइनल हेर्ने मौका

हुन्डाई मोटरको 'गोल अफ द सेन्चुरी' अन्तर्गत हुन्डाईको टेस्ट ड्राइभ एन्ड विन, फुटबलको विश्वव्यापी अपिल मार्फत विश्वभरका मानिसहरूलाई दिगोपना सम्बन्धी कार्यहरूमा सहभागी गराउने उद्देश्यले गरेको....

आइएमई पे र मेरो किरानाबीच १५ प्रतिशत छुट दिने सम्झौता  

मेरो किरानाको ‘महाबचत सेल विक’लाई लक्षित गरी ग्राहकका लागि अफर सार्वजनिक गरिएको हो। यसअन्तर्गत ग्राहकले मेरो किरानाको वेबसाइट वा एपबाट सामान खरिद गर्दा आइएमई पेबाट....

जगदम्बा इन्टरप्राइजेजले उद्योगको क्षमता विस्तार गर्न ४८ मेगावाट बिजुली लिने

फलाम र स्टिल उत्पादन गर्दै आएको उद्योगले क्षमता विस्तारका लागि प्राधिकरणबाट थप विद्युत् लिन लागेको हो। यसअघि कुल ४४ मेगावाट लिँदै आएकामा अब थप चार....

साप्ताहिक शेयर समीक्षा: भावी सरकारको आकलनले बजार तल-माथि

निर्वाचनअगाडि १९३६.८४ मा बन्द भएको नेप्से परिसूचक उक्त दिन ७.१३ अंकले घटेर १९२९.११ अंकमा कायम भयो। उक्त दिन कुल एक अर्ब ३५ करोड रुपैयाँको कारोबार....

स्मार्टच्वाइस टेक्नोलोजिज र सन्राइज बैंकबीच सम्झौता

सम्झौतापछि सन्राइज बैंकका ग्राहकले बैंकको मोबाइल बैंकिङ्ग एपमार्फत कुनै पनि वस्तु तथा सेवा खरिद गर्दा स्मार्ट क्यूआरबाट भुक्तानी गर्न सक्नेछन्। सम्झौतापत्रमा स्र्माटच्वाइस टेक्नोलोजिजबाट प्रमुख कायकारी....