५६ वर्षीया महिलाले जन्माइन् नातिनी

एजेन्सी: अमेरिकामा ५६ वर्षीया एक महिला एकसाथ हजुरआमा र आमा बनेकी छन्। सुन्दा अचम्म लाग्न सक्छ तर यो सत्य हो।

वास्तवमा यी महिलाले सरोगेसीमार्फत् बुहारीकी छोरीलाई जन्म दिएकी हुन्। अहिले नातिनीलाई देखेर उनी निकै खुसी छिन्।

बेलायती अखबार डेली स्टारसँग कुरा गर्दै ५६ वर्षीया न्यान्सी हकले छोरा जेफकी श्रीमती क्याम्ब्रियाले आकस्मिक हिस्टेरेक्टोमी गराउनु परेपछि आफूले सरोगेट आमा बन्ने निर्णय गरेको बताइन्।

यो शल्यक्रिया ३३ वर्षीय जेफको जुम्ल्याहा बच्चा जन्माएपछि गर्नुपरेको थियो। न्यान्सीले गत हप्ता छोरीलाई जन्म दिएकी थिइन्। उनले यो अनुभवबारे छिट्टै पुस्तक लेख्ने बताएकी छिन्।

सुरुदेखि नै न्यान्सीको छोरा र बुहारी ठूलो परिवार बनाउन चाहन्थे। तर उनलाई गर्भधारण गर्न ६ वर्ष संघर्ष गर्नुपरेको थियो। पछि इव्फ मार्फत् तिनीहरू दुवैले जुम्ल्याहा भेरा र इवालाई जन्म दिए। तर सेप्टेम्बर २०२१ मा हिस्टेरेक्टोमी गराउने सल्लाह दिएपछि क्याम्ब्रिया सुरक्षित रूपमा आमा बन्न नसकेको थाहा पाएपछि दम्पती दुःखी भए।

उनले जनवरी २०२२ मा हर्मोन उपचार सुरु गरे। न्यान्सीका श्रीमान् र छोराले उनलाई यसमा सघाएका थिए। उनले १२ हप्ताको लागि हरेक दिन आफैलाई इन्जेक्सन गरे। त्यसपछि फेब्रुअरी २०२२ मा, न्यान्सीलाई इव्फ मार्फत भ्रूण स्थानान्तरण गरियो। अन्ततः सबै ठीक भयो र उनी अब आमा र हजुरआमा सँगै बनेकी छिन्।

२५ कात्तिक, २०७९, १३:००:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।