उकेरा न्युज

भर्नुपर्दैन फूलट्याङ्की तेल, दशैं बिदामा पनि पेट्रोल पम्प र डिपोहरू खुल्ने


काठमाडौंः दशैं बिदाको समयमा पनि पेट्रोल पम्पहरू खुला रहने भएको छ।

निगमले एक सूचना प्रकाशित गरी दशैंका समयमा पेट्रोलियम पदार्थको सहज आपूर्तिका लागि दशैंको बिदामा देशभर रहेका १३डिपोसहित पेट्रोल पम्पहरू खुला रहने जनाएको हो।

दशैंमा सार्वजनिक बिदा हुने र सार्वजनिक यातायातको चाप बढ्ने भएकाले पेट्रोलियम पदार्थको सहज आपूर्तिका लागि पम्पहरू खुला राख्ने निगमले निर्णय गरेको निगमका निर्देशक वीरेन्द्र गोइतले जानकारी दिए।

उनका अनुसार प्रदेश १ को विराटनगर र मधेश प्रदेशको अमलेखगञ्जमा असोज १६, २९ र २१ गते डिपो खुला हुनेछ भने बागमती प्रदेशको थानकोट र गण्डकीको पोखरामा असोज १५, १६, १८ र २१ गते खुला रहनेछन्।

यसैगरी, लुम्बिनी प्रदेशको भैरहवामा असोज १५, १६, १७, २१ र २२ गते र कर्णली प्रदेशको सुर्खेतमा असोज १६ र २१ गते डिपोहरू खुला हुनेछन्। सुदूरपश्चिम प्रदेशको धनगढीमा असोज १६, १७ र २१ गते तथा शाखा कार्यालय चारआलीमा १६ र २१ गते डिपोहरू बिदाको दिनमा खुला रहनेछन्।

यसैगरी नेपालगञ्ज, धनुषा, वीरगञ्ज, दाङ र दिपायलमा रहेको निगमका डिपोहरू पनि २१ गतेसम्म खुला हुने निगमले जनाएको छ।

बजारमा पेट्रोलियम पदार्थको अभाव हुन नदिन सार्वजनिक बिदामा पम्पहरू २४ घन्टा खुल्ला हुने र त्यसका लागि १३ वटा डिपोहरू विभिन्न बिदाको दिनमा खुल्ला राखिने निगमले जनाएको छ।

निगमका अनुसार हाल दैनिक रूपमा पेट्रोल तीन हजार पाँच सय किलोलिटर र डिजल पाँच हजार ६ सय किलोलिटर खपत भइरहेको छ।

यो खबर पढेर तपाईलाई कस्तो महसुस भयो ?

सम्बन्धित समाचार

स्याङ्जा–२: कांग्रेसका गुरुङ एमालेकी अर्याललाई उछिन्दै अगाडि

निर्वाचन अधिकृत रामचन्द्र शर्माका अनुसार हालसम्म गुरुङले तीन हजार ९०१ मत प्राप्त गरेका छन्। एमालेकी अर्यालले तीन हजार २४७ मत प्राप्त गरेकी छिन्। स्याङ्जा–२ मा गए....

पुल बनाउन खनेको खाल्डोमा मोटरसाइकल खस्दा दुई जना घाइते, एकको अवस्था गम्भीर

घाइते दुवैको उपचार नेपालगञ्जमा भइरहेको छ। घाइतेमध्ये ठकुरीको अवस्था गम्भीर छ। नेपालगञ्जबाट गुलरीयातर्फ जाँदै गरेको भे३प ४०९० नम्बरको मोटरसाइकल गए राति पौने ११ बजे पुल बनाउन....

१६१ सिटको टुङ्गो लाग्दा संसद्मा महिलाको सङ्ख्या नौ, दलित समुदायबाट जम्मा एक जना

प्रतिनिधि सभामा अहिलेसम्मको १६१ सिट पाँच प्रतिशत अर्थात् नौ जना मात्रै महिला निर्वाचित भएका छन्। नेपाली कांग्रेसबाट एक, एमालेबाट चार, माओवादी केन्द्रबाट एक, राष्ट्रिय स्वतन्त्र....

स्याङ्जा- २: धनराज गुरुङभन्दा ११ मतले पद्मा अर्याल अगाडि

यसैबीच हालसम्मको गणनामा एमालेकी सचिव पद्मा अर्याल नै अगाडि देखिएकी छिन्। उनले दुई हजार ९२० मत ल्याएकी छिन्। यस्तै कांग्रेसका उपसभापति धनराज गुरुङले दुई हजार....

दोलखाको १० मतदान केन्द्रमा पुनः मतदान सुरु

उक्त मतदान केन्द्रका चार बुथमा आठ हजार पाँच सय १४ मतदाता रहेका उनले जानकारी दिए। निर्वाचन आयोगको यही मङ्सिर ११ गते बसेको बैठकले दोलखाको वैत्यश्वर....