उकेरा कला

फ्राइडे रिलिज:

'पीएस १' र 'विक्रम वेधा' जस्ता बहुप्रतीक्षित फिल्मसँग 'बाबरी'को प्रतिस्पर्धा


काठमाडौं: नेपाली फिल्म 'बाबरी' आजबाट प्रदर्शनमा आएको छ। तर बाबरीलाई चुनौती दिन दुई वटा भारतीय फिल्महरू तैनाथ छन्।

आजैबाट बहुप्रतीक्षित दक्षिण भारतीय फिल्म 'पीएस १' पनि प्रदर्शनमा आएको छ। यस्तै बलिउड फिल्म 'विक्रम वेधा' पनि आजैको मितिबाट सिनेमाघरहरूमा प्रदर्शनमा आएको छ।

पहिला बाबरीको कुरा। बाबरीका निर्देशक हुन् सुरेन्द्र पौडेल। यसका मुख्य कलाकार हुन् धिरज मगर, अदिती बुढाथोकी र धिरज नाडकर। पुराना नेपाली फिल्मकी चर्चित हिरोइन तृप्ति नाडकरका छोरा हुन्- धिरज नाडकर। यो उनको डेब्यु फिल्म पनि हो।

रोमान्टिक र त्रिकोणात्मक प्रेम कथामा आधारित बाबरीलाई 'प्रेमगीत ३'को पनि चुनौती रहनेछ। फिल्म २ घण्टा १६ मिनेट लामो छ। यद्यपि त्रिकोणात्मक लभ स्टोरी फिल्म रुचाउनेलाई यो राम्रो खुराक हुनसक्छ।

यता पीएस १ भने दिग्गज निर्देशक मणि रत्नमले बनाएका हुन्। दक्षिण भारतीय फिल्मका फ्यानहरू त्यसमा पनि मणि रत्नमको सिनेमा शिल्पको फ्यानलाई यो त चाडपर्वको उपहारै जस्तो भएको छ।

त्यसमाथि ठूलो क्यानभास अनि पिरियोडिक ड्रामा। यो विधाको फिल्म त्यसै पनि अहिले सबैभन्दा बढी हेरिने फिल्महरूमा पर्छ।

चोला साम्राज्यको कथा भन्ने यस फिल्ममा चर्चित कलाकार विक्रम, कार्थी, जयराम रवि, ऐश्वर्या राय, तृषा कृष्णान् लगायतको अभिनय छ। फिल्म २ घण्टा ५० मिनेट लामो छ।

यस्तै गिर्दो बलिउडको साख जोगाउने भनिएको विक्रम वेधा पनि आजैबाट रिलिज हुँदैछ। यो फिल्म हुन त यही नामको दक्षिण भारतीय फिल्मको आधिकारिक कपी हो। तर ऋतिक रोशनको भिलेन अवतार र पछिल्लो समय रुचाइएको सैफ अली खानको पुलिस अवतार हेर्न चाहनेलाई यो राम्रो खुराक हो।

फिल्मका निर्देशक गायत्री, पुष्कर हुन्। फिल्म २ घण्टा ३९ मिनेट लामो छ।

यो खबर पढेर तपाईलाई कस्तो महसुस भयो ?

सम्बन्धित समाचार

फिल्म गोर्खा वारियरको फस्ट लुकमा युद्धको झल्को

मिलन चाम्सको निर्देशनमा तयार भएको फिल्मलाई नेपाली, हिन्दी र अङ्ग्रेजी भाषामा निर्माण गरिएको छ। पोस्टरमा मुख्य कलाकार रितेश चाम्ससहित १२ जना ब्रिटिस गोर्खा सैनिकहरूको टिम....

१२ वर्षपछि फिल्ममा फर्किए पनि सानाे स्क्रिनमै खुम्चिए फरदीन खान

गत वर्ष, रितेश देशमुखसँगको फिल्ममा फरदीनको कमब्याक घोषणा गरिएको थियो। यसअघि चलचित्र हलमा रिलिज हुने तय भएको फिल्म अब भने सिधै ओटीटीमा आउने बताइएको छ।....

पोखराले देखाएको काठमाडौं

नाटक निर्देशन तथा नाट्य रुपान्तरण गरेका परिवर्तनले साना विद्यार्थीहरूका लागि नाटक तयार पारेको बताए। उकेराकर्मीले प्रतिभा माविका भाइबहिनीसँग बसेर नाटक हेर्यो।

नेपाल अन्तर्राष्ट्रिय नाट्य महोत्सव: आज उरुग्वेको नाटक ‘रियो’ मञ्चन हुने

आज दुई नाटकको अलवा नृत्यनाटिका र अडियो नाटक प्रस्तुत हुँदैछ। निटफेस्टमा मङ्गलबार बिहान १० बजे महोत्सवले सहकार्य गरेको कुञ्ज थिएटरमा अमेरिकी अडियो नाटक ‘ट्रि कन्फेसन’बारे....

पिताको अन्तिम संस्कारमा पनि कपाल नखौरेपछि महेशबाबु ट्रोल, यस्तो रैछ कारण

हिन्दु धर्मको परम्पराअनुसार अन्तिम संस्कार गर्नेले टाउको खौरनुपर्ने ट्रोल गर्नेहरू बताउँछन् तर महेश बाबुले त्यसो गरेनन्। अहिले केही मिडिया रिपोर्टका अनुसार महेश बाबुले आफ्नो आगामी....