उकेरा अर्थ

अष्ट्रेलियन कम्पनीबाट लिजमा ल्याएको यतीको नयाँ विमानले आज काठमाडौं-विराटनगर पहिलो उडान गर्‍यो


काठमाडौं: यती एअरलाइन्सको नयाँ विमानले आजदेखि व्यावसायिक उडान सुरु गरेको छ। गत भदौ २० गते छैटौँ एटीआर ७२–५०० विमान थप गरेको यतीले आजदेखि व्यावसयिक उडान सुरु गरेको हो।

नयाँ थपिएको विमानले नागरिक उड्डयन प्राधिकरणबाट उडान अनुमति लिएर आज बिहान ८:२० बजे त्रिभुवन अन्तर्राष्ट्रिय विमानस्थलबाट विराटनगरका लागि उडान भरेको हो।

एअरलाइन्सका प्रवक्ता सुदर्शन बर्तोलाका अनुसार सो विमानलाई प्राधिकरणले नाइनएन–एएमजेट कल साइन दिएको छ। सत्तरी सिट क्षमताको उक्त विमान अष्ट्रेलियन कम्पनीसँग लिजमा ल्याएको हो।

एमएसएन नं ९८६ भएको उक्त विमानको जम्मा आठ हजार दुई सय ७३ साइकल र १० हजार दुई सय ९१ घण्टा मात्र उडान भरेको प्रवक्ता बर्तौलाले जानकारी दिए।

एटीआर कम्पनीले उत्पादन गरेको ७२–५०० सिरिजको विमानमा यो सबैभन्दा पछिल्लो उत्पादन हो। कम्पनीले यो विमानपश्चात् थप एउटा मात्र विमान उत्पादन गरेर सो सिरिजको उत्पादन नै बन्द गरि ७२–६०० सिरिजका विमानहरूको उत्पादन सुरु गरेको हो।

नेपालमा ट्रङ्क रुटमा उडान गर्ने अन्य विमानभन्दा यो नै पछिल्लो र कम उडान भरेको विमान हो। विमानको आयु यसको साइकल र उडान घण्टामा आधारित हुन्छ। एटीआर विमानको साइकल ७० हजारभन्दा बढी हुन्छ। एक उडानलाई एक साइकल गणना गरिन्छ।

“नेपालीको महान् पर्व वडादशैंको शुभसाइत पारेर हामीले उडान सुरु गरेका छौँ, यसले दशैंको बेला हुने उडान चापलाई कम गर्न र समयमै उडान भर्न सहयोग पुग्ने विश्वास हामीले लिएका छौँ”, प्रवक्ता बर्तौलाले भने।

यो खबर पढेर तपाईलाई कस्तो महसुस भयो ?

सम्बन्धित समाचार

आइएमई पे र मेरो किरानाबीच १५ प्रतिशत छुट दिने सम्झौता  

मेरो किरानाको ‘महाबचत सेल विक’लाई लक्षित गरी ग्राहकका लागि अफर सार्वजनिक गरिएको हो। यसअन्तर्गत ग्राहकले मेरो किरानाको वेबसाइट वा एपबाट सामान खरिद गर्दा आइएमई पेबाट....

जगदम्बा इन्टरप्राइजेजले उद्योगको क्षमता विस्तार गर्न ४८ मेगावाट बिजुली लिने

फलाम र स्टिल उत्पादन गर्दै आएको उद्योगले क्षमता विस्तारका लागि प्राधिकरणबाट थप विद्युत् लिन लागेको हो। यसअघि कुल ४४ मेगावाट लिँदै आएकामा अब थप चार....

साप्ताहिक शेयर समीक्षा: भावी सरकारको आकलनले बजार तल-माथि

निर्वाचनअगाडि १९३६.८४ मा बन्द भएको नेप्से परिसूचक उक्त दिन ७.१३ अंकले घटेर १९२९.११ अंकमा कायम भयो। उक्त दिन कुल एक अर्ब ३५ करोड रुपैयाँको कारोबार....

स्मार्टच्वाइस टेक्नोलोजिज र सन्राइज बैंकबीच सम्झौता

सम्झौतापछि सन्राइज बैंकका ग्राहकले बैंकको मोबाइल बैंकिङ्ग एपमार्फत कुनै पनि वस्तु तथा सेवा खरिद गर्दा स्मार्ट क्यूआरबाट भुक्तानी गर्न सक्नेछन्। सम्झौतापत्रमा स्र्माटच्वाइस टेक्नोलोजिजबाट प्रमुख कायकारी....

काठमाडाैंका टाेल-टाेलमा विश्वकप फुटबल स्क्रिनिङका लागि सम्झाैता

सागर डिस्टिलरी ब्रान्डकाे राेयल ब्लूले विश्व कप खेलहरू विभिन्न स्थानमा प्रदर्शन गर्न काठमाडौंका विभिन्न युवा क्लबहरूसँग सम्झौता गरेको हाे। राेयल ब्लूले प्रदर्शन गरिने स्थानहरूमा अनुमान....