स्थानीय सरकार

चाडपर्वको नाममा फुटपाथ व्यवसायीमाथि लचिलो नहुने मेयर बालेनको घोषणा


काठमाडौं: काठमाडौं महानगरपालिकाका मेयर बालेन्द्र शाह (बालेन)ले चाडपर्वका नाममा फुटपाथमा व्यवसाय गर्नेहरूमाथि लचिलो नहुने बताएका छन्। आज प्रेस विज्ञप्ति जारी गर्दै मेयर बालेनले फुटपाथ व्यापारलाई दशैंको सन्दर्भसँग जोडेर प्रकाशन/प्रसारण भएका समाचारप्रति महानगरपालिकाको ध्यानाकर्षण भएको भन्दै यस कार्यमा महानगर लचिलो नहुने स्पष्ट पारेका छन्।

'यो कार्यक्रम (फुटपाथबाट पसल हटाउने) पर्व विशेष वा अन्य कारण विशेष स्थगित हुने वा लचिलो नहुने कुरा समेत स्पष्ट पार्न चाहन्छौँ। अन्त्यमा, शहरी सुशासन र शहरी विकास व्यवस्थापनका सन्दर्भमा महानगरले नीतिबमोजिम आफ्ना कार्यक्रमहरूलाई निरन्तरता दिने कुरा दोहोर्‍याउन चाहन्छौँ', उनले भने।

विज्ञप्तिमा मेयर बालेनले फुटपाथमा पैदलयात्रीको पहिलो अधिकार रहने बताएका छन्। यस्तै आर्थिक वर्ष २०७९/०८० को वार्षिक नीतिअन्तर्गत पूर्वाधार विकास सम्बन्धी नीतिमा ‘पैदल यात्री सहज आवागमनका लागि फुटपाथको उपयोग सहज र सरल बनाइनेछ। फुटपाथमा मानव आवतजावतबाहेकका सबै क्रियाकलापलाई निषेध गरिनेछ’ भन्ने व्यवस्था गरिएको पनि उनले उल्लेख गरेका छन्।

नागरिक जीवनमा सुधार महसुस गराउने आफूहरूको प्रतिबद्धता रहेको बताउँदै उनले यो नीति प्रभावकारी रूपमा कार्यान्वयन गराउन महानगरले सडक किनारा व्यवस्थापनका कार्यक्रम सञ्चालन गरिरहेको बताए।

'पैदल यात्रीका लागि पर्वका समयमा फुटपाथ अझ बढी आवश्यक पर्छ। अन्य समयभन्दा यो बेला जेष्ठ नागरिक, बालबालिका, अपाङ्गता भएका व्यक्ति, गर्भवती महिलाहरू किनमेलका लागि घरबाहिर निस्कने समय हो। उहाँहरूको पैदल यात्रा सुरक्षा महानगरपालिकाको जिम्मेवारी हो', विज्ञप्तिमा भनिएको छ, 'सडक व्यापारले पैदलमार्गमा हिँड्ने यात्रुलाई बाधा गरेको कुरा सर्वसाधारणले महसुस गरेको विषय हो। त्यसैले सडक किनारामा निर्वाध हिँड्न पाउने पैदलयात्रीको अधिकार स्थापित गराउन महानगरले आफ्ना क्रियाकलाप आंशिकरूपमा होइन पूर्ण र दीर्घकालीन रूपमा सञ्चालन गर्नेछ।'

यो खबर पढेर तपाईलाई कस्तो महसुस भयो ?

सम्बन्धित समाचार

बाइसधारामा आजदेखि इ–टिकेटिङ, उपप्रमुखले गरिन् शुभारम्भ

काठमाडौं महानगरपालिकाकी उपप्रमुख सुनिता डंगोलले आगन्तुकका लागि विद्युतीय टिकट काटेर सेवा सुरू गरेकी हुन्।

गुल्मीमा खरको छाना अब इतिहास बन्दै, आठ हजार घरमा जस्तापाता छाउने काम जारी

पानी पर्दा चुहिने डर, आगलागीमा पनि उत्तिकै डर हुने खरको छानोका कारण गुल्मीका विपन्न परिवारले यसअघि थुप्रै रात पीडामै बिताउँथे। केही वर्ष पहिले पनि जिल्लाको मुसिकोट नगरपालिका–४ दजाकोटमा....

महानगर प्रमुख साह र जर्मन राजदूत प्रिन्सबीच शिष्टाचार भेट

राजदूत प्रिन्सले फोहोर व्यवस्थापनमा जर्मन सरकारले गरेको सहयोगको चर्चा गर्दै अहिलेको अवस्थामा बारे जानकारी लिन खोजेपछि साहले योजना सुनाएका थिए।  ‘फोहोर व्यवस्थापनका लागि धेरै प्रविधि....

विराटनगर महानगरपालिकाको प्रतीक चिह्न बनाउनुस् एक लाख पुरस्कार पाउनुस्

इच्छुक व्यक्ति वा संस्थाले लोगोको डिजाइन हुलाक वा महानगरको इमेलमा पठाउन सक्नेछन्। मङ्सिर १८ गतेसम्म प्राप्त लोगोको डिजाइनलाई छनोट प्रक्रियामा सामेल गरिने महानगरका प्रमुख प्रशासकीय....

आफूमाथि टिप्पणी गरेपछि ओलीमाथि हर्कको कटाक्ष– ‘कठै बरा... गफाडी !’

सामाजिक सञ्जाल फेसबुकमा उनले लेखेका छन्, ‘उभिएर भाषणसम्म गर्न नसक्नेले हर्क साम्पाङलाई चुनौती दिएर गएछ१ कठै बरा... गफाडी ! उसको घरको उसको व्यक्तिगत कमाइजस्तो गर्दो....