नेपाल बाहिर

सरकार र मोदीको विरोध गर्ने १० युट्युब च्यानलका ४५ भिडियो ब्लकलिस्टमा


तस्बिर– ध्रुव राठीको युट्युबबाट

एजेन्सीः भारत सरकारले प्रधानमन्त्री नरेन्द्र मोदी र सरकारविरुद्ध बोल्ने १० युट्युब च्यालनका ४५ भिडियोमाथि कारबाही गरेको छ।

त्यहाँको सूचना तथा प्रसारण मन्त्रालयको २३ सेप्टेम्बरमा बसेको बैठकले युट्युबलाई ४५ भिडियो ब्लक गर्न निर्देशन दिएको समाचार एजेन्सी एएनआईले जनाएको छ।

सूचना तथा प्रसारण मन्त्रालयले भने देशमा साम्प्रदायिक हिंसा फैलाउने, देशको बारेमा नकारात्मक सन्देश जाने भिडियो बनाएकाले कारबाही गरिएको जनाएको छ। भिडियोमा सरकारले मुस्लिम समुदायको धार्मिक अधिकारी खोसेको आरोप लगाइएको छ।

अग्निपथ योजना, भारतीय सशस्त्र बल र भारतको राष्ट्रिय सुरक्षा तन्त्र, कश्मिर र अन्य मुद्दामाथि दुष्प्रचार गरिएको केही भिडियोसमेत मन्त्रालयले ब्लक गर्न निर्देशन दिएको छ।

यस्तै, देशको सीमालाई फरक तरिकाले देखाउने, देशको सम्प्रभुता र अखण्डता, राष्ट्रिय सुरक्षा, विदेशी सम्बन्ध र सार्वजनिक व्यवस्थाको कमजोर गरेको आरोप भिडियो बनाउनेहरूमाथि लगाइएको छ।

राष्ट्रपति र प्रधानमन्त्रीको आलोचना गरिएको केही भिडियो हटाउन भनिएको छ भने चीनमा भारतीय सेना घुसपैठ गरेको दाबी गरिएको भिडियोलाई पनि कारबाही गरिएको छ।

यति मात्र नभएर भारतीय सेनामा आन्तरिक कलह भएको खुलासा गर्ने भिडियो पनि हटउान लगाइएको छ।

यो खबर पढेर तपाईलाई कस्तो महसुस भयो ?

सम्बन्धित समाचार

चामल अभाव हुने डर हटेपछि भारतले हटायाे निर्यातमा लगाएकाे प्रतिबन्ध

महाननिर्देशनालयले पर्याप्त आन्तरिक आपूर्ति सुनिश्चित गर्न तथा हिउँदे बालीको याममा चामलको कम उत्पादन हुने आशङ्कामा जैविक गैर–बासमती चामललगायत अन्य चामलको निर्यातमा प्रतिबन्ध लगाएको थियो।  वैदेशिक....

५८ वर्षीय एक पुरुषले जानाजान खाए १८७ वटा सिक्का

जब डाक्टरहरुले पत्याएनन् तब उनीहरुले एन्डोस्कोपी गरे र त्यसपछि थाहा भयो कि ती सिक्का ती व्यक्तिले आफैं निलेका थिए। डाक्टरले एन्डोस्कोपी गरेर ग्यास्ट्रोटोमी शल्यक्रिया गरेर....

क्यामरुनमा मृत्यु संस्कारका लागि जम्मा भएकाहरू पहिरोमा परे: १४ जनाको मृत्यु, केही बेपत्ता

क्यामरुनको यस क्षेत्रमा पछिल्लो समयमा बाढी र पहिरोको प्रकोप बढेको बताइएको छ। यस क्षेत्रका नागरिकको मुत्यु संस्कारका क्रममा जम्मा भएका नागरिक पहिरोमा परेका थिए। त्यस....

संसारको एउटा यस्तो गाउँ जहाँ साँझमा मानिसको निद्रा हराउँछ

पोस्टका अनुसार यस गाउँको नाम कुल्लरपुर (कुल्लरपुर, अम्बाला) हो। यहाँ साँझपख मानिसको निन्द्रा हराउँछ। किनभने अनौठो कीराको डरले यहाँ मानिसहरूको दिमाग घुम्न थाल्छ।....

उत्तर कोरियालाई विश्वकै शक्तिशाली आणविक शक्ति बनाउने किम जोङ उनको दावी

किमले ह्वासोङ–१७ को सफलताका लागि १०० भन्दा बढी सम्बन्धित अधिकारी र वैज्ञानिकलाई पदोन्नति पनि गरेका छन्। नयाँ आईसीबीएमलाई ‘विश्वको सबैभन्दा बलियो रणनीतिक हतियार’ भन्दै किमले....