स्थानीय सरकार

गरिब, दलित र अपाङ्गता भएका परिवारहरूका लागि २४ घर निर्माण गर्दै शम्भुनाथ नगरपालिका


काठमाडौं: सप्तरीको शम्भुनाथ नगरपालिकाले अतिविपन्न दलित, गरिब र अपाङ्गता भएका परिवारका लागि २४ घर निर्माण गर्ने भएको छ। नगरपालिकाका प्रमुख जितेन्द्रप्रसाद गुप्ताले वडा नं २ स्थित कनकपट्टिमा आवास निर्माणको काम शुभारम्भ गर्दै आवासका कारण कसैले दुःख भोग्न नहुने बताए।

हाललाई तराई मधेश समृद्धि कार्यक्रम र वडा नम्बर २ ले विनियोजन गरेको बजेटबाट आवास निर्माण सुरु गरिएको जानकारी दिँदै उनले भने, “बाँकी अन्य लक्षित परिवारका लागि नगरपालिकाको बजेटबाट आवास निर्माणमा सहयोग गरिनेछ।”

नगरपालिकाका पाँच सय घरधुरीका लागि छानामा जस्तपाताको लागि शहरी विकास मन्त्रालयमा पहल भइरहेको पनि नगरप्रमुख गुप्ताले उल्लेख गरे। आवास निर्माण कार्यक्रमका लागि तराई मधेश समृद्धि कार्यक्रमको रु ४० लाख, वडा नं २ कार्यालयबाट रु १५ लाख र ह्याबिट्याट फर ह्युमानिटी नेपाल र महुली सामुदायिक विकास केन्द्रको रु ५५ लाख गरी कूल रु एक करोड १० लाख खर्च व्यहोरिएको छ।

दलितका लागि सामुदायिक आवास मोडेलको १४ घर र अतिविपन्न, गरिव, असहाय, असुरक्षित र अपाङ्गगता भएको १० परिवारका लागि हिल्टी मोडलको घर गरी २४ वटा घर निर्माण गरिने भएको छ।

नगरपालिकाका प्रमुख प्रशासकीय अधिकृत राजकुमार दासले जनताको जीवनस्तर उकास्ने काममा सहयोगी संस्थासँग सहकार्य गरिने बताए।

यो खबर पढेर तपाईलाई कस्तो महसुस भयो ?

सम्बन्धित समाचार

ओलीप्रति बालेनको कटाक्ष– ‘दुईतिहाइको सरकारको प्रधानमन्त्री हुँदा सुकुम्बासीले भोगेको ३२ वटा जाडो देख्नुभएन?

सोमबार थापाथलीको सुकुम्बासी बस्ती महानगरको टोली भत्काउन गएपछि मंगलबार भएको कार्यक्रममा पूर्वप्रधानमन्त्री ओलीले सुकुम्बासी बस्तीमा तमासा गरिएको भनेपछि प्रमुख साहले यस्तो आरोप लगाएका हुन्। प्रमुख....

ज्यान मार्ने धम्की आएपछि बालेनले भने- 'देशमा प्रहरी, प्रशासन र शान्ति सुरक्षा छ कि छैन ?'

सोमबार सुकुम्बासी बस्तीका अवैध संरचना हटाउन पुगेको महानगर प्रहरीसहितको टोलीमाथि स्थानीयले आक्रमण गरेका थिए। नगर प्रहरी र स्थानीयबीच झडप हुँदा १८ जना प्रहरी घाइते भएका....

महानगरले निकाल्याे विज्ञप्ति- '१८ नगर प्रहरीमाथि सांघातिक आक्रमण गर्नेलाई कारबाही हाेस्'

प्रवक्ता ननीन मानन्धरले सोमबार साँझ विज्ञप्ति जारी गर्दै दोषीमाथि कारबाहीको माग गरेका हुन्।  नियन्त्रणमा लिएर नगर प्रहरी शर्मिला बोगटीसहित १८ जनामाथि सांघातिक रूपमा घरेलु हतियार....

बाइसधारामा आजदेखि इ–टिकेटिङ, उपप्रमुखले गरिन् शुभारम्भ

काठमाडौं महानगरपालिकाकी उपप्रमुख सुनिता डंगोलले आगन्तुकका लागि विद्युतीय टिकट काटेर सेवा सुरू गरेकी हुन्।

गुल्मीमा खरको छाना अब इतिहास बन्दै, आठ हजार घरमा जस्तापाता छाउने काम जारी

पानी पर्दा चुहिने डर, आगलागीमा पनि उत्तिकै डर हुने खरको छानोका कारण गुल्मीका विपन्न परिवारले यसअघि थुप्रै रात पीडामै बिताउँथे। केही वर्ष पहिले पनि जिल्लाको मुसिकोट नगरपालिका–४ दजाकोटमा....