फोटो कथा

शीतल निवासमा राष्ट्रपतिको रमिता, सडकमा युवाको


काठमाडौँ : प्रतिनिधि सभा र राष्ट्रिय सभाले दोस्रो पटक पारित गरेर पठाएको विधेयक १५ दिनभित्र जस्ताकोत्यस्तै लागु गर्नुपर्ने संवैधानिक प्रावधान कुल्चँदै राष्ट्रपति विद्यादेवी भण्डारीले नागरिकता विधेयक रोक्दै आफैँ पार्टीगत स्वार्थमा सक्रिय भएपछि उनको पक्ष र विपक्षमा बुधवार नारा लागे सडकमा।

उनको पक्षमा नागरिकता विधेयक राष्ट्रघाती भएको भन्दै एक युवा समूह सडकमा उत्रियो। यसको नेतृत्व एमाले निकट युवा सङ्घ नेपालले गरेको थियो। अर्को युवाहरूको समूह संवैधानिक सर्वोच्चता कायम गर्ने माग राख्दै सडकमा उत्रिएनन् मात्र उनीहरूले भण्डारीको पुतला बनाएरै जलाए। प्रहरीले हस्तक्षेप गर्‍यो।

यसको नेतृत्व गरेका थिए माओवादी केन्द्र निकट अनेरास्वियु क्रान्तिकारीले।

संवैधानिक व्यवस्था बाहिर गएर बाध्यकारी प्रावधानलाई भण्डारीले अस्वीकार गरेपछि बसेको सत्ता घटकका पाँचमध्ये चार दलले संयुक्त विज्ञप्ति निकाले उनको कदम गैर संवैधानिक भएको भनिसक्यो। त्यसमा प्रधानमन्त्री समेत रहेका शेरबहादुर देउवाले नेपाली कांग्रेसको पार्टी सभापतिको हैसियतमा हस्ताक्षर गरेका छन्।

नागरिकता विधेयकमा एमालेको असहमति भए पनि बहुमतले दुवै सदनबाट पारित गरेर प्रमाणीकरणका लागि राष्ट्रपति कार्यालयमा पहिलो पटक पठाउँदा १४ दिन रोकेर १५ दिन भण्डारीले संवैधानिक प्रावधान अनुसार आफ्नो सुझाव सहित दुवै सदनमा फिर्ता पठाएकी थिइन्। संवैधानिक प्रावधान अनुसार फर्किएको विधेयक जस्ताकोत्यस्तै दुवै सदनबाट पारित भएर राष्ट्रपति कार्यालयमा फर्किएको थियो।

संवैधानिक प्रावधान अनुसार यसरी दोस्रो पटक आएको विधेयक रोक्ने अधिकार राष्ट्रपतिमा छैन। १५ दिनभित्र विधेयक जारी गर्नैपर्ने बाध्यकारी संवैधानिक प्रावधान मिच्दै 'अहिले संसद् नरहेको' बहानामा राष्ट्रपति कार्यालयबाट मङ्गलवार मध्यरात १२ बजेभित्र जारी हुनुपर्ने विधेयक जारी भएन। यसले राजनीतिक तरङ ल्याउने नै भयो।

युवाहरू आफ्नो पार्टीको लाइन अनुसार पक्ष र विपक्षमा सडकमा उत्रिए। राजनीतिक दृश्य जसरी बदलिँदै गइरहेको छ यसले सडकमा केही दिन यस्ता दृश्यहरू दोहोरिने देखिन्छ। शीतल निवासमा राष्ट्रपतिले देखाएको असंवैधानिक रमिता विरुद्ध पक्ष-विपक्षमा युवाहरूले देखाउने रमिताका दृश्य जारी रहने देखिन्छ।

यो खबर पढेर तपाईलाई कस्तो महसुस भयो ?

सम्बन्धित समाचार

बाई-बाई बुटवल [फोटोफिचर]

आज दशैंको आठौँ दिन अर्थात् अष्टमी। आज घर-घरमा खसी-बोका, च्याङ्ग्रा, राँगा लगायत पशुको बली दिने चलन छ। त्यसैले पनि आज धेरैलाई घर जाने हतार छ।....

दशैं र भिसा सँग–सँगै (फोटोफिचर)

भैरहवाबाट दैनिक कुवेतको जजिराले उडान भर्छ। दशैंको समयमा दैनिक १ सय ५० भन्दा बढि नेपाल आइरहँदा नेपालबाट अहिले दैनिक ५० भन्दा बढि विदेश जाने गरेको....

काल भैरव मनाउन झाँक्रीको तन्त्र साधना

नौरथा मानिने दशैँमा नौ दिनसम्म प्रमुख शक्तीपिठहरुमा पूजा आराधना गरी मनाइन्छ भने दशमीको दिन मान्यजनबाट जमरा र टिकासँगै....

सिकाली जात्राको सौन्दर्य : अन्त पर्वको माहौल जम्दै जाँदा जहाँ दशैँनै सकिन्छ

आज दशैँको षष्ठिका दिन, सिकाली मन्दिरमा रुद्राणी देवगणहरूले नृत्य प्रस्तुत गरे। आज स्वस्थानी व्रत कथामा उल्लिखित दक्ष प्रजापतिको यज्ञ प्रसङ्ग....

न्यास्रिएका अनुहार (बसपार्कका १३ दृश्य )

कोही काठमाडौँ छाडेर आफ्नै थातथलो फर्कने हतारोमा थिए कोही वैदेशिक रोजगारीका क्रममा लामो समय परिवारसँग बिछोडिएर बस्दाको....