उकेरा न्युज

गेस्ट हाउसमा झोलै छाडेर भागे लाल मोहम्मदको सुटर, निगरानी गर्न घर नजिकै थियो सेल्टर


काठमाडौं : गोठाटारमा सोमबार बेलुका मारिएका लाल मोहम्मदको हत्यामा संलग्न सुटरहरू उनको घर नजिकैको गेस्ट हाउसमा बसेको खुलेको छ। प्रहरी अनुसन्धानमा घटनामा संलग्नमध्ये एक जना मोहम्मदको घर नजिकैको कोसीपारी गेस्ट हाउसमा बसेको खुलेको हो।

अनुसन्धान स्रोतका अनुसार त्यहीको एक स्थानीयले साथी भनेर उनलाई गेस्ट हाउसमा लगेका थिए। गेस्टहाउसको रजिष्टरमा उनको नाम जितेन खान लेखिएको छ। गेस्ट हाउसले उनको परिचय खुल्ने कुनै कार्ड नै नलिई कोठामा राखेका थिए।

स्थानीय र गेस्ट हाउसका कर्मचारीका अनुसार ती व्यक्ति तीन दिन अगाडि मात्रै गेस्ट हाउसमा आएर बसेका थिए। कोठामा एक्लै बसे पनि उनलाई भेट्न अन्य तीन जना व्यक्तिहरू समेत आउने गरेका थिए।

यसले घटनामा तीन जना संलग्न देखिए पनि थप व्यक्तिहरू समेत योजनामा रहेको देखिएको छ।

झोलै छाडेर भागे सुटर

प्रहरीले गेस्ट हाउसको कोठाको अनुसन्धान गर्दा एउटा झोला नै फेला परेको छ। यसले सुटरहरू लाल मोहम्मदको हत्या लगत्तै गेस्ट हाउस नगई भागेको पुष्टि भएको छ। झोलामा के-के फेला पर्‍यो भन्ने प्रहरीले खुलाएको छैन।

घटनास्थलको क्लोज सर्किट टेलिभिजनको फुटेजमा रातो सर्ट र जिन्स पाइन्ट लगाएका व्यक्तिले लाल मोहम्मदलाई लखेटेर गोली हानेको देखिन्छ। तर, अनुहार चिनिएको छैन। प्रहरीले सोमबार बेलुका त्यही कपडालाई आधार बनाएर रातो सर्ट र जिन्स पाइन्ट लगाउनेहरूलाई नियन्त्रणमा लिएर अनुसन्धान गरेको थियो। तर फेला परेनन्।

सिसिटिभी फुटेजको खोजीमा प्रहरी

निर्माण व्यवसायी महासङ्घका अध्यक्ष शरदकुमार गौचनको हत्या अनुसन्धानमा सबैभन्दा बलियो प्रमाण बनेको थियो सिसिटिभी फुटेज। प्रहरीले गौचन हत्या अनुसन्धानमा घटनास्थलको मात्रै सुटर भागेको सम्भावित सबै क्षेत्रको फुटेज सङ्कलन गरेको थियो। जसले घटनामा संलग्नको पहिचान गर्न सहज भएको थियो।

लाल मोहम्मदको हत्या अनुसन्धानमा प्रहरीले घटनास्थलको फुटेज फेला पारेको छ जसले सुटरले लगाएको कपडाको पहिचान भएको छ। त्यो फुटेजमा मोटरसाइकल नम्बर नखुले पनि अन्यत्र पहिचान हुनसक्छ।

त्यही सूत्र अपनाउँदै प्रहरीले अहिले सुटरहरु मोटरसाइकलमा भाग्न सक्ने सम्भावित क्षेत्रको सिसिटिभी फुटेज सङ्कलनमा लागेका छन्।

अनुसन्धानमा तीन निकाय

मोहम्मदको आपराधिक पृष्ठभूमिले यो घटना सामान्य दुस्मनीका आधारमा भन्दा पनि सङ्गठित रूपमा भएको अन्तर्देशीय अपराधको सम्भावना बलियो देखिन्छ। त्यसैले घटनाको अनुसन्धानमा काठमाडौं जिल्ला परिसर, उपत्यका प्रहरी अपराध अनुसन्धान कार्यालयसँगै प्रहरीको विशेष ब्यूरो समेत जोडिएको छ।

यो खबर पढेर तपाईलाई कस्तो महसुस भयो ?

सम्बन्धित समाचार

आफ्नै बुवाको हत्या आरोपमा ३२ वर्षीय युवा पक्राउ

५५ वर्षीय निरकुमार राईको हत्या अभियोगमा चन्द्रपुर नगरपालिका–६ हातेमालो सामुदायिक वन नजिक बस्ने ३२ वर्षीय प्रकाश राईलाई बिहीबार राति प्रहरीले पक्राउ गरेको हो। मादक पदार्थ....

कांग्रेस महामन्त्रीले प्रचण्डलाई भने-‘कि सन्दीपलाई बधाई दिनुस्, कि यो प्रकरणमा पनि अदालत कुरौं, हतारको गल्ती सच्याउँ’

यस विषयमा खेलकुदमन्त्रीको समेत जिम्मेवारी लिएका प्रचण्ड र सरकार माैन रहेकाले उनले सामाजिक सञ्जालमार्फत सरकारको ध्यानाकर्षण गराएका हुन्। शर्माले ट्वीटमार्फत भनेका छन्, ‘खेलकुदमन्त्री पनि प्रधानमन्त्री नै हुनुहुन्छ। ध्यानाकर्षण....

आफैंले चलाएको गाडी डिभाइडरमा ठोक्किएपछि बेहाेस भए घनश्याम भुसाल

आफैंले चलाएको गाडी डिभाइडरमा ठोक्किएपछि उनी बेहाेस भएका थिए। हाल उनकाे बानेश्वरमा रहेको सिभिल अस्पतालमा उपचार भइरहेको छ। उनकाे स्वास्थ्य अवस्था सामान्य रहेकाे बुझिएकाे छ।

अटोमा लुकाएर १७ किलो गाँजा ल्याउँदै गर्दा पाँच जना पक्राउ

अटो चालक इटहरी उपमहानगरपालिका- ११ का ३७  वर्षीय महमद हजरत अली, अटोमा सवार इटहरी- १३ का १९ वर्षीय आकाश पटेल र २७ वर्षीय आशिष पटेललाई पक्राउ....

९, ११ र १२ वर्षका नाबालिग बलात्कार गर्ने ७३ वर्षीय वृद्धलाई जन्मकैदको फैसला

नाबालिग बलात्कार गरेको अभियोगमा बिहीबार आरोपितलाई जन्मकैदको फैसला भएको जिल्ला अदालतका श्रेस्तेदार मीनबहादुर कुँवरले जानकारी दिए। मुद्दाको संवेदनशीलताका कारण पीडकको नाम खुलाउन नमिल्ने उनले बताए।....