स्थानीय सरकार

राष्ट्रपति भण्डारी र माधव नेपाललाई बालेनको कटाक्ष– ‘कुन मुख देखाएर जनतामाझ भोट माग्न जानुहुन्छ?’ 


काठमाडौंः काठमाठौं महानगरपालिकाका प्रमुख बालेन्द्र (बालेन) साहले राष्ट्रपति विद्यादेवी भण्डारी र पूर्वप्रधानमन्त्री माधवकुमार नेपाललाई कुन मुख देखाएर जनतामाझ भोट माग्न जानुहुन्छ भन्दै प्रश्न गरेका छन्।

तीनकुनेको ५० वर्षदेखिको समस्या समाधान गर्न नसकेकोप्रति असन्तुष्टि प्रकट गर्दै उनले बारम्बार सम्झौता गरेर पनि समाधान गर्न नसकेको प्रति आक्रोश पोखेका हुन्। उनले आफू सरकारमा रहँदै दुई महिनाभित्र तीनकुनेको समस्या समाधान गर्न आग्रह गरेका छन्।

उनले लेखेका छन्, ‘आदरणीय माधवकुमार नेपालज्यू तथा समाननीय राष्ट्रपतिज्यू, प्रधानमन्त्री बन्नुभयो, राष्ट्रपति बन्नभुयो। आफ्नै क्षेत्र तिनकुनेको ५० वर्षदेखिको समस्या आफैँले हस्ताक्षर गरेर बारम्बार सम्झौता गरेर पनि समाधान गर्नुभएन। अब कुन मुख देखाएर जनतामाझ भोट माग्न जानुहुन्छ? अझै दुई महिना छ, सरकार तपाईंकै हो। समस्या समाधान होस् भन्ने आशा राखेको छु।’

२०३१ सालमा तत्कालीन पञ्चायत सरकारले स्मारक बनाउन भन्दै तीनकुने अधिग्रहण गर्ने निर्णय गरेको थियो। थोरै मुआब्जा दिएको भन्दै स्थानीयले जमिन छोड्न मानेनन्। त्यो विवाद पञ्चायतपछि आएको बहुदलमा पनि कायमै भयो।

तीनकुनेको जग्गाको मुआब्जा विवाद चाँडै टुंग्याउने आश्वासन दिँदै मदन भण्डारी, विद्यादेवी भण्डारी र माधवकुमार नेपालले काठमाडौं–१ बाट निर्वाचन जिते पनि त्यो समस्या अहिलेसम्म समाधान हुन सकेको छैन।

हरेक पटक भोट माग्न आउँदा तीनकुनेको विषय उठ्ने गरेको भए पनि त्यसपछि उक्त विषय हराउने गरेको छ। प्रत्येक निर्वाचनताका राजनीतिक दलका नेताहरू तीनकुनेको विवाद मिलाउने वाचा गरेको भए पनि वाचा चुनावका लागि मात्र हुने गरेको छ।

सरकारी पक्ष र स्थानीयबीचको विवाद भएको ४८ वर्ष नाघिसक्दा पनि  समस्या हुन सकेको छैन। पञ्चायतकालीन शासन व्यवस्थामा सुरु भएको यो विवाद प्रजातन्त्र र गणतन्त्रिक व्यवस्थासम्म आइपुग्दा टुंगोमा पुगेको छैन।

यो खबर पढेर तपाईलाई कस्तो महसुस भयो ?

सम्बन्धित समाचार

दशैं बिदाको अवधिभर काठमाडौं महानगरले निःशुल्क एम्बुलेन्स सेवा दिने

महानगरले एक सूचना प्रकाशित गरी एम्बुलेन्स सेवाका लागि १०२ तथा डेङ्गु समस्याबारे जानकारी लिन ११८० मा फोन गरेर सेवा लिन सकिने जनाएको छ। यसैगरी महानगरले....

महानगरको टोल फ्रिमा गुनासो– ‘खसीको भनेर बाख्राको मासु बेच्यो, कारबाही गरिपाऊँ’

हटलाइनमा आएका गुनासोलाई प्रभावकारीरुपमा कार्यान्वयन गर्न विराटनगर महानगरका प्रमुख कोइराला शुक्रबार बिहानैदेखि नगर क्षेत्रमा रहेका माछा–मासु पसलको अनुगमन गर्नुभएको थियो। अनुगमनका क्रममा विभिन्न मासु पसलले....

बञ्चरेडाँडाको विकल्पमा काठमाडौंको कुहिने फोहोर फाल्न तीन स्थान पहिचान

बञ्चरेडाँडामा हानिकारक फोहर व्यवस्थापन नगर्ने योजनाअनुरूप महानगरले यस किसिमको अभ्यास सुरु गरेको हो। महानगर प्रमुखको सचिवालयका सदस्य सुनिल लम्सालले भने, “उपत्यकामा तीन स्थानको पहिचान भएको....

बुटवलमा खुलारूपमा सडकमा दूध बेच्न रोक

दुग्धजन्य पदार्थलाई व्यवस्थित तथा स्वस्थकर बनाउनका लागि दूध र दूग्धजन्य पदार्थको गुणस्तर परीक्षणका लागि ल्याब किड्स मेसिनसहितको ल्याब स्थापना गर्ने निर्णय बैठकले गरेको अर्यालले बताइन्।....

चाडपर्वको नाममा फुटपाथ व्यवसायीमाथि लचिलो नहुने मेयर बालेनको घोषणा

'यो कार्यक्रम (फुटपाथबाट पसल हटाउने) पर्व विशेष वा अन्य कारण विशेष स्थगित हुने वा लचिलो नहुने कुरा समेत स्पष्ट पार्न चाहन्छौँ। अन्त्यमा, शहरी सुशासन र....