उकेरा शिक्षा

विश्वविद्यालयमा तालाबन्दी गर्नु महापाप : मन्त्री पौडेल


काठमाडौं : शिक्षा, विज्ञान तथा प्रविधिमन्त्री देवेन्द्र पौडेलले विश्वविद्यालयमा तालाबन्दी गर्नु ‘महापाप’ भएको बताएका छन्।

विद्यालय पवित्रस्थल रहेको बताउँदै उनले यस्तो पवित्रस्थलमा तालाबन्दी, तोडफोड र पठनपाठनमा प्रभावित गर्नु अपराध भएको बताए।

अन्तर्राष्ट्रिय सारक्षता दिवसको अवसरमा शिक्षा तथा मानव स्रोत विकासले आयोजना गरेको कार्यक्रममा बोल्दै मन्त्री पौडेलले विश्वविद्यालय सुधारको निम्ति उठेका विषयहरूलाई छलफलबाट टुंगाउन सकिने जिकिर गरे।

पवित्र स्थलमा तालाबन्दी गर्ने, तोडफोड गर्ने, पठनपाठनमा डिस्टर्ब गर्ने कुरा गरियो भने पुरानो भाषामा भन्दा ‘पाप’ लाग्छ। आधुनिक भाषामा अपराध हुन्छ।

विद्यार्थी संगठन, प्राध्यापक संगठनले विश्वविद्यालय सुधारको निम्ति वार्ता र छलफल गर्नुपर्नेमा उनको जोड छ।

मन्त्री पौडेलले नेपालमा अध्ययन भएका विषयहरूलाई अझ बढी परिस्कृत गर्नुपर्ने बताउँदै अत्यावश्यक भएका विषयहरूलाई अन्तर्राष्ट्रिय विश्वविद्यालयसँग सहकार्य गरेर ल्याउन सकिने पनि बताए।

मन्त्री पौडेलले विद्याथीलाई समक्ष बनाउन प्राध्यापक र शिक्षकको महत्वपूर्ण भूमिका रहने उल्लेख गर्दै शिक्षकलाई आलोचना गर्न बन्द गर्नुपर्ने धारणा राखे। शिक्षालाई रोजगारसँग जोडेर लैजाने विषयमा सरकार प्रतिबद्ध रहेको उनको दाबी छ।

यो खबर पढेर तपाईलाई कस्तो महसुस भयो ?

सम्बन्धित समाचार

शिक्षामन्त्री पौडेलद्वारा सीपिएफमा हस्ताक्षर 

हस्ताक्षरपछि नेपालले अन्तर्राष्ट्रिय आणविक ऊर्जा एजेन्सी (आइईए)मार्फत विकिरण सुरक्षा, आणविक सुरक्षा, खाद्य र कृषि, स्वास्थ्य जस्ता क्षेत्रमा प्राविधिक सहयोग प्राप्त गर्नेछ। साथै पोषण, खानेपानी र....

दैलेखको देउती आधारभूत विद्यालय: जहाँ आकासमा बादल लाग्नासाथ विद्यार्थी र अभिभावक तर्सिन्छन्

यहीँ अध्यनरत सोबिना शाहीलाई पनि विद्यालय छिर्नेबित्तिकै चर्किएको भवन देख्दा डर लाग्छ। ‘घरबाट स्कुल आउन त मन लाग्छ। तर अकासमा बादल लाग्नासाथ कक्षाकोठाको भवन भत्किने....

बाल दिवसका अवसरमा नरैनापुर गाउँपालिकाले उत्कृष्ट विद्यार्थीलाई दियो ल्यापटप

सम्मानित हुने विद्यार्थीहरूमध्ये दिक्षीणा यादव र पवनसिंह यादवले एसईईमा सर्वोत्कृष्ट अंक ल्याएका थिए। उनीहरूलाई ल्यापटप प्रदान गरिएको थियो। अरू उत्कृष्ट विद्यार्थीहरूलाई नेपालको संविधान, कापी, झोला,....

काठमाडौं विश्वविद्यालयद्वारा स्नातकमा चार वर्षे योग शिक्षा पढाउन सुरु

उच्च क्षमतायुक्त योग विज्ञ तथा अन्वेषकबाट अध्यापन हुने यो कोर्सको सबै व्यवस्थापन स्कुल अफ आर्टस्‌ले गरेको विश्वविद्यालयले जनाएको छ। अन्तर्राष्ट्रियरूपमै विश्वविद्यालय तहमा योगको अध्यापन हुनुपर्छ भन्ने....

त्रिविका होस्टेल : चौकीदारले केटी रोक्छन्, गन्ध पछ्याउँदै शौचालय पुगिन्छ (तस्बिरहरू)

यदि तपाईं केटी मान्छे हो भने त्यहाँ शितलमा बसिरहेका केही वृद्ध व्यक्तिले तपाईंलाईं गेटबाटै फर्काइदिन्छन्। त्यसरी रोक्नेहरू रहेछन्, त्यहाँका चौकीदार र कार्यालय सहायक। यदि उनीहरू....