शब्दमाला

चोथौँ डिशहोम बाह्रखरी कथा लेखन प्रतियोगिताको घोषणा


काठमाडौँ :  बाह्रखरी मिडियाले बाह्रखरी कथा प्रतियोगिताको चौथो शृङ्खला घोषणा भएको छ। तीन वर्षदेखि १२ खरी बुक्सले खुला कथा प्रतियोगिता आयोजना गर्दै आएको छ।

कथा प्रतियोगिताको सर्तअनुरूप प्राप्त भएका कथामध्येबाट बाह्रखरीको आन्तरिक निर्णायक मण्डलले ५० कथा चुनेर निर्णायक मण्डललाई उपलब्ध गराउने र ती कथामध्येबाट निर्णायक समूहले ‘उत्कृष्ट कथा २०७९’ पुस्तकका लागि २५ वटा छान्ने र त्यसमध्येबाट प्रथम, द्वितीय र तृतीय कथाको घोषणा हुने आयोजकले जानकारी दिएको छ।

डिशहोम प्रमुख प्रायोजक रहेको प्रतियोगिताको नाम ‘डिशहोम बाह्रखरी कथा’ राखिएको छ। कथा प्रतियोगितामा नेपाल इन्भेस्टमेन्ट बैङ्क र किया मोटर्सले प्रायोजक गरेको र अजोड इन्स्योरेन्स र सिटी एक्सप्रेस मनि ट्रान्सफर सह प्रायोजक रहेको आइतबार आयोजित कार्यक्रममा जानकारी दिइयो।  

आयोजकका अनुसार चौथौँ शृङ्खलाका लागि साहित्यकार तथा समालोचक प्रा.डा. कुमारप्रसाद कोइरालाको संयोजकत्वमा साहित्यकारहरू सगुना शाह र उमा सुवेदी निर्णायक समूह बनाएको छ।

प्रतियोगितामा सर्वोत्कृष्ट तीन कथालाई एक लाख, ६० हजार र ४० हजार रुपैयाँ नगद पुरस्कार तथा प्रमाणपत्र दिँदै आएको छ। अन्तिम चरणसम्म पुग्न सफल उत्कृष्ट २५ कथाको पुस्तक प्रकाशन गरिने र सङ्ग्रहमा प्रकाशित बाँकी २२ कथाकारलाई पाँच हजार रुपैयाँ सम्मान स्वरूप दिने आयोजकले जानकारी दिएका छन्।

प्रतियोगितामा भाग लिन इच्छुक कथाकारले भदौ १४ गतेभित्र कथा पठाउनुपर्ने आयोजकले जानकारी दिएको छ। कथा प्रतियोगिताको नतिजा २०७९ असोज ३० मा सार्वजनिक हुनेछ।

यो खबर पढेर तपाईलाई कस्तो महसुस भयो ?

सम्बन्धित समाचार

अनावश्यक पात्रको गन्जागोलले भद्रगोल बनाएको पुस्तक ‘फुर्के’

मानिसले जस्तै कुकुरले पनि ऐना हेरेर कपाल मिलाउँछ। दुःख पर्दा कुकुरले पनि आँशु झार्छ। मान्छेको माया पाउनकै निम्ति उसको नजिक गएर पुच्छर हल्लाउँछ। कुकुरबारे यी....

उदय अधिकारी र महेश पौड्यालबीचको संवाद ‘फेसिङ अ लिटल भोल्क्यानो’ सार्वजनिक

ललितपुको होटल हिमालयमा चलिरहेको ‘कलिङ्ग साहित्यमहोत्सव’को उद्घाटन समारोहमा साहित्यकारहरू डा. जगमान गुरुङ, अशोक बाजपेयी, तुलसी दिवस, माया ठकुरी र कनकमणि दिक्षीतले अङ्ग्रेजी भाषाको उक्त अन्तरवार्तालाई....

किरण खरेल, अनुराधा कोइराला र वासुदेव त्रिपाठीलाई भारती खरेल स्मृति पुरस्कार

भारती खरेल प्रतिष्ठानको शुक्रबार बसेको बैठकले २०७७, २०७८ र २०७९ सालको भारती खरेल स्मृति पुरस्कार क्रमशः वरिष्ठ गीतकार किरण खरेल, माइती नेपालका संस्थापक अनुराधा कोइराला....

दशैंमा पुस्तक बजार सुुस्त तर टेबल मुनिबाट बेचिँदैछ ‘इजोरिया’

‘कोभिडले गर्दा किताबको बजार राम्रो छैन। तर, इजोरिया हामीले एक हप्तामा नै ३ सय ६० प्रति बिक्री गर्‍यौं,’ उनले भने, ‘यो किताब बजारमा अहिले पाउनै....

भिक्टरको ऐतिहासिक उपन्यास ‘बिडुडभ र कपिलवस्तुको पतन’ सार्वजनिक

उपन्यासमा बुद्ध जन्मभूमि कपिलवस्तु राज्यको उदय र पतनको कथा छ। कपिलवस्तुको वैभवशाली गौरवको विस्तृत जानकारी समेटिएको उपन्यासमा शाक्य वंशको विनाशको बीज कारण र जातीय रक्तशुद्धिको....